#فَتٰاةً_آرهَقتٰهَا_الحَيٖاةً

#فَتٰاةً_آرهَقْتهَا_الحَيٖاةً

الحلقة 👈 السابعة ( 7 )
الدكتور : اني طلبت منك تلحقني على خاطر بنشرحلك شوية علي حالة الوالدة بصراحة ماحبيتش نخوفكم في البداية ولكن هيا عندها فقر دم حاد ومزمن ويمكن يكون عندها مرض خطير لسمح الله

خالد : لا يادكتور متقولش هكي 😖
الدكتور : هدي مجرد احتمالات والوالدة ضروري تقعد عندنا هالايام في المستشفى حتى نتابعو حالتها ونديرولها كل الفحوصات الازمة وتكون حالتها مستقرة
خالد : بكل حزن 😔 يااارب تكون بخير .. اوكي حااضر يادكتور بارك الله فيك ع مجهوداتك بس نقدر نشوف امي توا
الدكتور : ايه تفضل
يررن فون خالد بوه يتصل بيه
خالد : السلام عليكم
بو نيروز : وعليكم السلام وينك ياولد وين امك خيرها مجتش للعزي
خالد : امي تعبت ورفعتها للمستشفى
بو نيروز : كيف امتا وخيرك متقولش
خالد : بوي اني توا في غرفة الدكتور وشوية ومروح تقدر تجي للحوش وقول لي توفيق لانه نبيكم اليوم
بو نيروز : باهي ان شاءالله
~~~~~~~~~

خالد خش على غرفة امه قعمز جنبها شوية
خالد : هديل هيا توا بنروحو الدنيا ضلمت ونيروز انتِ بتقعدي مع امك
نيروز : اكيدددد بنقعد معاها بس غدوة عندي امتحان وجيت مخلوعة مكملتش قراية بعدين مني بيرفعني الصبح
خاالد : توا تروحي معانا تخدي حاجاتك يلي ناقصينك وكتبك ونرد انا وغدوة نكلمك توفيق يجيك الصبح
ام نيروز : لالا سلم بنتي روحي اني كويسة كل شي الا قرايك
نيروز : خلاص خالد كلامك زينة العقل مانقدرش نخليك بروحك ماما

~~~~~~~~~~~~
رجعو ع الحوش وكان بو نيروز وتوفيق يستنو فيهم وفرح كانت في حوش خالتها جنبهم لانها قعدت بروحها ..
خالد جمعهم في الصاالة وحكالهم علي حالت امه
ونيروز : تبكي وتدعي لي امها
بو نيروز : مصدووم امتا هدا كله وما لاحظنا شي علاها
نيروز : بعبرتها . وماسكة فيها هديل ..اني اكتر من مرة نحس في وجهها اصفرر وتقولي رجلية اينملوو فيا وماعندهاش نية تاكل
بو نيروز : توا حني نستنو الفحوصاات من المستشفى وبعدين لكل حادتاً حديث
خالد : نيروز هيا قيمي حاجات لاني بنروح توا وتوفيق غدوة ترفع اختك لمدرستها الصبح ايوااه
بو نيروز : مد فلووس لتوفيق .. ياولد توا تمشي تشري حاجات لي امك تلقاها مش واكلة شي
نيروز : خدت حاجاتها وهيا طالعة تفكرت فرح .. رنت علي خالتها ع الارضي و وصتها علي فررح وحكتلها علي امها

رجعت نيروز للمستشفى 🚑
وتوفيق جابلهم حاجات
نيروز : تقرأ في كتابتها في حدود الساعه 11
يرن فون نيروز محمد يتصل
محمد : اهلين حبيبتي
نيروز : الحمدلله من ربي كويسة
محمد : حسس انَ نيروز حزينة من نبرتها .. نيروز حبيبتي خيرك شن فيك
نيروز : امي غابت ع الوعي وعندها فقر دم حاد
محمد : تغشش الف الحمدلله على سلامتها وتنوض على خيرر يارب .. انتي وين توا
نيروز : عندها في المستشفى
محمد : كليتي حاجة
نيروز : ماعنديش نية واكل المستشفى مانكلاش خوي توفيق جاب حاجات لكن مخاطريش
محمد : بعصبية خير بلاك انتي 😠😠 توا توا تنوضي تااكلي ولا استني شوية ونكلمك
نيروز : خيرك شن فيك
محمد : سكر علاها
محمد مشي لمطعم وخدالهم وجبة عشي من يلي كانت تحبه نيروز .. يرن محمد لنيروز
نيروز : الو
محمد : اطلعي فم المستشفى ع الحديقة
نيروز : خيرك انت هبلت
محمد : 😡😡قتلك اطلعي
نيروز طلعت كانت امها راقدة . قعمزو علي كراسي الحديقة مدلها العشي
نيروز : توا هدا شني اني مش قتلك ماعنديش نية
محمد : ورراس حبي كوليهم علي خااطري اني شن دنبك كان امك مريضة تبي تقتلي روحك كان ماتبيش روحك اني مزاال نبيك 😍 وشدد يدها وباسهم
نيروز : خدودها حمرر ( نــحــبــك )
قعدوو يهدرزو شوية
محمد : ماكلمتيش هناء بكري احمد من بكري شادها جرتي
نيروز : واللهِ من بعد مكالمتك هديكا العصر امي داخلت وانخلعت فيها لهيت نسيتها بس خلاص غدوة نكلمها ✋
محمد : اوكي حبيبتي توا خششي داخل الجو صقع
نيروز : تمام حبي رد بالك علي روحك
.
.
.
.
.
.
.
.
.
.
.

..
.
.
.

يتبع في الحلقة القادمة 😍

الكاتبة ~~🌼 هدير محمد