#فَتٰاةً_آرهَقْتٰهَا_الحَيٰاةً
الحلقة 👈 الخامسة (5 )
(بو نيروز رجل متعلم تعليم بسيط يعرف يقرا ويكتب .. كان يشتغل في وزارة البلدية بس بعد ماتقاعد تفرغ لشركته مع ولده خالد ..
اب قاسي راسه كاسح شوية بس في نفس الوقت حنون عنصري نوعاً ما مايحبش فكرة ان اي حد من ابنائه يتزوج غير من منطقته وهوا كان عنده خوت من طرف بوه يلي يكرهوه بشكل غير طبيعي لانه ولد الظرة التانية كان ساكن في بيت قريب من بوه وامه . بس امه من كتر الظلم والقهر من اهل مرته الاولى ماتت بجلطة دماغية )
~~~~~~~~~~~~~~
نسرين : ترن علي نيروز بس تليفونها مقفل استغربت رنت ع الارضي
ام نيروز : الو اهلين نسرين حبيبتي شن حالك
نسرين : الحمدلله خالتي شن مدايرين انتو باهي نحساب بنجيكم امس مع امي قلت نعاونكم في البسيسة لكن عندي قراية خسارة
ام نيروز : لالا يابنيتي الهي في قرايتك قاعدات حني وخالتك ماشاءالله كملناها امس
نسرين : يعطيكم الصحة نعرفكم فالحات 😂 بس خالتي وين نيروز نتصل بيها تلفونها مقفل
ام نيروز : تعاليلها اقعدي معاها امس ماطلعتش من دارها وهيا تبكي تعاركت هيا وتوفيق ونحالها تليفونها
نسرين : كيف كيف 😳 امتا صار هدا كله
ام نيروز : هدا يوم الاحد .بس اسمعي نوسة تعاليلها وهيا تحكيلك بنيتي حتى اني ماقالتلي شي
نسرين : باهي توا نجيكم هي اليوم ماعندي شي هيا بسلامة
سكرت الفون ولبست وشاحها وطلعت (نسرين بنت وحدة في الحوش ماعندها لا خوت ولا خوات يعني الدلوعة )
نسرين خشت لدار نيروز
نيروز : جوها متعكر وعيونها منفخات من كتر البكي
نسرين : خيرك ياقلبي شن صاير معاك متقوليليش ياحمارة واني بنت خالتك وزي اختك المفروض جيتيني للحوش غادي قعدتي حتى عندي لين تروقي
نيروز : والله يانسرين مافكرت في هدا كله لهيت في همي 😭
نسرين : شني قالتلي خالتي .......... احكيلي فضفضيلي
نيروز : اااااااه كان تعرفي شن صار معاي وحكتلها كل شي
نسرين : ياااروحي وحظنتها وقالتلها ماتزاعليش روحك ... واني قلت خيرك غايبة اليوم
نيروز : معاش عندي خلوق للقراية
نيروز : حقا اسمعي جايبة تليفونك
نسرين : ايه
نيروز : اعطيني نطمن علي محمد من بعد يلي صار معاش كلمته
نسرين : باهي تمام خودي تليفون واني نطلع شوية نشوف خالتي وشن تجهزو بالك تبو مساعدة
نيروز اتصلت بـ محمد كلماته واطمنت عليه
محمد : اسمعي نيروز اني بعد يلي صار والتهزيب يلي حصلتيه والضرب ..معاش نقدر نتحمل مانرضاش فيك دقة الشوكة اني بنجي نخطبك 😍باش نستريحو
نيروز : اه اه حبيبي كان علية اني مادابيا لكن انت عارف اني مزال في سنة تالتة تانوي حتى امتحانات الفاينل مادرتهم .. خليني ناخد الشهادة التانوية وبعدين تعالى اخطبني
نسرين : نيروز نيروز
نيروز : نعم شن فيه
نسرين : هناء تتصل بيك ع الارضي تبيك
نيروز : به هدرزي معاها شوية توا نجيها
نيروز : حبيبي خلاص توا نكلمك مرة تانية من تليفون نسرين اوكي بيبي
محمد : باهي رد بالك علي روحك واسمعي توا اني
.
.
.
أنت تقرأ
#فَتٰاةً_آرهَقتٰهَا_الحَيٖاةً
Roman d'amourقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
