مجنوني

( الحب الحلال )

#مجنوني
الفصل السابع
#بقلمي_اسراءالجميلي

زين و تالي ..
بقه يباوعلي و عيونه تنزل دمع ..
ڤونتي اني عرفت الي ديصير ؟
سالته بنظرات عيوني ..
بما معناها شنو الي عرفته ..
اني احبچ و حبيتچ هسه اكثر ..
مرات نسمع كلمات تخلينه منسمع شئ بعده ..
اني بقيت اسمع صوت نمر و هو يگلي ..
احبچ ..
كانوا صالة المطار خلت من الناس ..
و السماعات كلها سكتت ..
اني و هو بس ..
عيوني بعيونه ..
قلبي وي دگات قلبه ..
روحي بروحه ..
عيوني گامت تنزل ليلو مو دمع ..
لحظة للموت ما انساها ..
و اني هم احبك ..
فتح عيونه بفرح ..
٠٥٣٨٧٠٥٨٩٧٥
شئ تنتظره سنين و يجيك بلحظة فجاءة ..
و تحسه نابع من عمق القلب ..
الله خلق نبينا آدم و سيدتنا حواء ..
خلقهم واحد ورى اللاخ ..
خلقهم واحد للآخ ..
خلقهم حتى يكملون بعض ..
لا آدم گدر يعيش وحدة ..
و لا حواء گدرت تعيش بلا آدم ..
اكتشفت هذا الشئ بهاي اللحظة ..
من بدء الخليقة لسه ..
صعبه واحد بيهم يتخلى عن الثاني ..
يلا حبيبتي نادو على طيارتچ ..
ضحكت و هزيت براسي اي ..
ضحك و صارت خطوط يم عيونه ..
هاي الخطوط الي اعشقه ..
لزم ايدي ..
مراح اودعچ بأي كلام ..
لان لقائنه قريب جداً ..
مرديتله غير بس ب ضغطت ايدي على ايده قوي ..
مشيت و فرحي مينوصف ابد ..
دا امشي بالهوى مو على الگاع ..
كل شوية التفت عليه الگاه بعده واگف ..
يسويلي حركات بوجه ..
لو يغمزلي لو يدزلي بوسه هوائية ..
صرت قريبه من فتحت الممر حتى اروح للطيارة ..
ڤييييييين ..
بصوت عالي صاحني ..
انداريت عليه ..
مشتاقتلچ من هسه حبيبتي ..
الناس كله التفتت عليه ..
ضحكت بخجل ..
حچيت بهمس فهم كلامي من حركة شفافي ..
و اني اكثر حشتاقلك ..
صعدت بالطيارة ..
لا حسيت بخوف صعود و لا خوف هبوط ..
الله شگد حلو الحب ..
اول منزلت بمطار اربيل ..
دگ تلفوني ..
حمدلله على سلامتچ يا بعد چبدي ..
 ههههه الله يا سلمك يا بعد روحي ..
لااااا مو هيچ نگولها ..
لعد شلون ؟
يا بعد رويحتي ..
خوش ..
احبك يا بعد رويحتي ..
اشتعلووا عشيرته و ديرته لرويحتچ ..
هههه اسم الله عليكم حبيبي ..
خلي اخذ جنطي و اروح ..
من توصلين دگي عليه حبيبي ..
حاضر ..
رجعت و وصلت للبيت ..
فتت غسلت ..
طبعاً شئ اسمه نوم ما احس بيه ..
صار يومين منايمه ..
و مع هذا مدا احس بالنعس ابد ..
اتصلت بأهلي دا اطمئن على لاڤين ..
الحمدلله واصلين بسلامة ..
مطولين ثلاث ايام برحلتهم ..
سديته وي اهلي ..
دگ نمر ..
بدون و لا كلمة ..
حجه بنبرة شديدة ..
ويامن چنتي تحچين ؟
هاااا ؟
هدء صوته من شافني تفاجاءة ..
دگيت عليچ حبيبي و چان تلفونچ مشغول ..
هااا اي مو دگيت على اهلي طمنتهم عليه ..
و ردت اطمئن على اختي ..
هااا اي و اخباره ..
واصله ال فنلندا ..
بده يرجع صوته بحنيته الاعتاديت عليه ..
ڤونتي اهلچ ينطوچ الواحد عربي ؟
شنووووووو ؟
سؤاله نساني كلشي ..
يعني شنو قصدك ؟
يعني اذا اجي اخطبچ اهلچ يرضون ؟
صدمة العمر هذا الي حسيت بيه ..
لازمه التلفون و فاتحه حلگي ..
بقلبي ..
هذا شديحچي ..
بقيت ساكته ..
يا ول يابه ردي ..
شلعتي افادي ..
هااا ما اعرف اسئلهم نمر ..
اساليهم هسه و رديلي ..
شنو هسة هستوني حچيت وياهم ..
ول يابه لا تشلعين قلبي ..
حسده روحي اساليهم و رديلهم ..
ضاع كومة من عمرنه ..
چان ابنه بالمدرسة هسه ..
هاااا عفية على كيفك ويايه ..
ترى عقلي مدا يستوعب ..
يا بعد قلبي و رويحتي و عمري ..
اندگت باب سكني ..
خلي اروح نمر ؟
دا امشي على الباب ..
باوعت من العين السحرية ..
حتخابريهم ؟
هسة اجتي جنات بعدين نحچي ..
لا تنسين ڤونتي اليوم يوصلني الخبر ..
الله كريم ..
فتحت الباب ..
حبيبتييييييي مشتاقتلچ ..
حضنتني جنات ..
عبالك سنه صار مشايفتچ مو اسبوع ..
ابتسمت ..
حبيبتي انتِ ..
دخلت جوة للصالون ..
مشيت وراها ..
گعدت على الديوان ..
شبيچ مصدومة من شوفتي ؟
اجيت بوقت مو مناسب ؟
لا حبيبتي الي ديصير بيه هو الصادمني ..
شكو يا ستار ؟
احچيلي ..
حچيتله كل الي صار ..
و ردود افعاله خبلتتي ..
حضني ..
لا بربچ صدك ؟
مو گتلچ كل اثنين ثالثهم الشيطان ..
يا شيطان بت الاوادم ..
بنص الشارع ..
ثالثنه كومة ناس تمشي بيه ..
حكت راسه ..
اي و الله صح فاتتتي ..
كملي ..
تربعت و صارت بوجهي ..
اي و كملت الباقي وصلت من گلي ..
احبچ ..
جنات حسيت الزمن وگف ..
اويليييييي على الحب ..
لچ عبالك مسلسل تركي ..
هذا لو مخبل لو ذايب على الاخير ..
الصدك متوقعت نمر هيچ شخصيته ..
اتخيلته متعجرف و شايف نفسه ..
لا عيني لا ..
منتهى الاخلاق و الرومانسيه و رجل كلش ..
زين شمنتظره ؟
شنو ؟
گامت من يمي جرت تلفوني من على ميز التلفزيون ..
يلا ..
شنو يلا ؟
خابري اهلچ گوليلهم ..
شگلهم بابا ..
غير تگوليلهم واحد رايدني ؟
هااا زين شلون ابدي ما اعرف ..
بسيطة ..
هلو بابا شلونك ؟
خطبني واحد و اذكري مواصفاته و انتظري رد اهلچ ..
عززززه شلون هيچ احچي ؟
اگلچ تخابرين ابوچ هسه لو اخابره اني ؟
لا عمي شتخابري ..
اروحلهم افضل ..
 الموضوع مو مال تلفون ابد ..
و فعلاً ودعت جنات ..
خابرته گتله اروح الاهلي اگلهم ..
تريدين اجي وياج ؟
اي مو احنه مسلسل مكسيكي ..
اگعد راحه بابا ..
راحتي انتِ يا ضوة عيوني ..
خلي اروح نمر كلامك ما عندي شئ يقابله ..
هههههه عندچ ؟
شنو ؟
انتِ تعرفين ..
اممممم قصدك شنو يا بعد رويحتي ..
اشتعلت رويحتي ..
ههههه يعني صح اني ..
دومچ صح حبيبتي ..
سديته وياه ..
طلعت هداياهم و رتبته ..
لبست جينز على السريع ..
بلوزة وردي وسخ فوگه و رحت للسليمانية ..
امي من شافتني نصدمت ..
قبل اربع ساعات حچينه مگلتي راح احچي ..
اشتاقيتلكم ..
و حبيت افرح اخوتي بالاشياء الي جبتهم ..
چنت مشتريه لكل واحد لبس بيت كامل ..
و لبس طلعه كامل ..
وزعت هداياهم ..
فرحوا بيه حيل ..
و اني مرتبكة و ارجف ..
عيون فاتيما تلاحگني وين ما اروح ..
عبالك تعرف عندي شئ ..
عمري مو صغير شنو هالخوف الي ما اله داعي ..
بس لازم اخاف .
الي يخاف يسلم من هواية مشاكل ..
زين هو وين المشاكل من وره زواج و تنفيذ شرع الله ..
اخر شئ قررت احچي وياهم بالليل ..
نزلت من غرفتي ..
رحت للمطبخ ..
فاتيما فدوة چايچ المهيل و تعاي للهول ..
اريد احچي وياكم بموضوع ..
قصدچ موضوع زواجج ؟
شنو ؟
شلون عرفتي ؟
باوعتلي صفح و قوري الچاي بيده ..
تتصورين ما اعرفچ ..
مدا اشوف اللمعه الي بعيونچ ..
منتبهت على رجفة ايدچ و انتِ توزعين الهدايه ..
رفعت ايده اثنينهم ..
ربيتج بيدي هاي ..
شلون ما اعرف كل نظرة و همسه و حركه منچ شنو معناها ؟
اتقربت عليهه ..
خليت راسي على چتفه اليسره ..
كلش احبچ فاتيما ..
انتِ فعلاً امي الثانية ..
رحنا للهول ..
اخذت الصينيه من فاتيما ..
وزعتلهم الچاي ..
رجعت گعدت يمه استمد قوتي منه ..
هي فهمت ..
خلت ايده على القنفه و لازمه ايدي بلا محد يحس بينه ..
بابا عندي موضوع وياكم ..
اي حبيبتي احچي ..
اخذت نفس عميق ..
و زفرته ..
بابا اني تقدملي عريس ..
اي بابا شكو بيه ؟
منو من اي عائلة شنو يشتغل ..
حچيتلهم كلشي عنه ..
بس يعني من تزوجون يعوف لبنان مو ؟
اي هذا شئ اكيد ..
انطيني بابا عنوانهم اهنا و بلبنان حتى نسال عليهم معارفنهة ..
بابا همه مو من الشمال ؟
لعد وين چانو قبل ميروحون ؟
بابا همه عرب شعليهم بالشمال !
امي راساً وگفت ..
شنو عيني عربي ؟
مكافي الي حصلناه من العرب ..
لو نسيتوا شلون گعدونه على الحديدة ..
حچه بابا بصوت عالي ..
اگعدييييي ام ڤين ..
مو كل اصابعج سوة ..
و لا كل العرب مو زينين ..
و لا كل الاكراد زينين ..
حرام عليچ نسيتي جيرانه و اصدقائنه الي چانوا اقرب من اهلنا ..
اي و تالي منو باگ حالنه و مالنه ..
ضربت على رجليهه ..
اذا وافقت انت اني ارفض ..
ماما اني مو صغيره ..
و العريس من احسن الناس و العوائل ..
علت صوتهه ..
هذا الزواج ميتم ..
گدام ابوية طبله حطينه عليه استكان الچاي مالته ..
دفع برجله ..
الكزاز صار جوة رجلينه ..
اجه تقرب على امي ..
من شوكت الچ رئي بزواج بناتي ..
هاااا ؟
امي تجاوبه بس برعب ..
لعد هنه مو بناتي ؟
لو تحچين حچي بيه خير ..
لو تكرمينه بسكوتچ ..
نسمع و نسأل و بعدين نحچي ..
كلنا من اب واحد و ام وحده ..
فاتيما رادت تگوم ..
همستله ..
عفيه لا تعوفيني وحدي ؟
مو دا الم الكزاز !
فدوة انتظري خلي اعرف النتيجة ..
زين ..
اجه ابويه وگف گبالي ..
گومني ..
اني گمت ارجف مثل السعفه ..
مثل مگتلچ انطيني كل المعلومات عنه ..
حتى نسال عليه و اردلچ خبر ..
مدام الولد و اهله بعيدين مو مال يوميه يتعنون ..
حاضر بابا ..
رحت جبت ورقة و قلم و كتبت الي راده بابا ..
اخذه  مني ..
بيه الخير بابا ..
باسني من راسي و راح الغرفته ..
اول مراح امي گامت تبچي ..
گمت گعدت جوة رجليه ..
و ايدي خليتهم على اركباته و احچي ..
ماما حبابه اسمعيني ..
و الله الولد حباب و شريف و ابن ناس ..
و كلها تمدح بيه ..
بقت تبچي و متباوع عليه ..
ماما اني دا اكبر و فرصي بالزوج الزين قليله ..
و هو كامل المواصفات صدگي ..
يجي يوم و تشوفيه و حتحبيه و تشجعيني عليه ..
مسحت دموعه بيدي الاثنين ..
دموعچ غالية ماماتي اريده بفرحي عفيه ؟
حاولت تبتسم بالگوة ..
بس اني اعرف قلبهه و عاذرته ..
رجعت منهم و حچيتله كلشي بالطريق ..
بقينه هيچ لمدة ٢٣ چانت احلى ايام بحياتي ..
كل الوقت السماعات باذني و احچي وياه ..
حتى بالليل انام على انفاس بعض ..
يگلي اني اتنفس هواچ و عايش بيه ..
و اني اتنفس صوتك و سحر كلماتك ..
بالشغل يدز بهالاشعار الحلوة ..
الي يكتبه هو ..
غرگني بحبه و اهتمامه ..
وصلتي ؟ طلعتي ؟ اكلتي ؟ منو شفتي ؟ منو خابرچ ؟ شلبستي ؟
يهتم بكل تفاصيلي ..
احساس غريب دا اعيشه ..
اهتمام و حنان و عطف بعد عمر من التعب ..
راحتي بيه ..
سعادتي وياه ..
فرحتي بوجوده ..
بيوم اني بالشغل ..
اتصل بيه بابا ..
قلبي يدگ اريد افتح الخط و خايفه ..
اجه صوت المنظف صحاني ..
ست ڤين تلفونچ يدگ ..
هاااا اي عمو هسه اشيله ..
الو هلو بابا ..
اهلاً بابيتي ..
اخبار شغلچ ؟
زين

فالقصة اخبار غريبه !!!