مجنوني

( صدمة غريبة )

#مجنوني
الفصل الخامس عشر
#بقلمي_ اسراءالجميلي

يا بعد هلي و ناسي ..
بس رديلي بكلمة وحدة ..
ريحيني اشتاقيتلچ و باچر مسافر ..
همين متجين تودعيني ..
و اروح بكسرة القلب و الروح ..
قلبي الضعيف المليان بحبه ما گدر ميجاوبه ..
جاوبته مثل ما راد بكلمة وحده ..
تفضل !!!
دگ عليه راساً ..
اول مفتحته ..
تحبيني ؟
سكتت لحظات ..
جاوبي تحبيني ..
لا ما تحبيني ..
فرررررط من الضحك ..
يا روحي يا مجنونتي ..
تدرين شنو ؟
رديتله بنفاذ صبر چان واضح عليه التمثيل بنطقه ..
شنوووو ؟
احبچ ..
انتِ ..
وقوميتچ ..
ومذهبچ ..
ودينچ ..
احبج لان انتي وطني المجنني ..
بقينه نسولف و نضحك ..
و نمنه على انفاس بعض ..
طلعت ثاني يوم الشغلي ..
سديت باب السكن ..
چان اعثر بعلبة بالگاع ..
لگيت علبة بيضة ..
و وياها باقة ورد ابيض ..
طبعاً نمر بالذوق و الترتيب و الاناقة مشايفه و لا سامعه بـ رجال مثله ..
فتحت العلبة بيه سوار ذهب ابيض رفيع مرصع بالالماس ..
شلته لبسته يجنن ..
نااااازك كلش ..
لگيت بنص العلبة ورقة ..

(( اسف حبيبتي على كل دمعة چنت اني السبب بيه ..
اوعدچ التوبة بعد ابد ما اعيده ..
احلى بنيه صادفتها بحياتي هو انتي ..
اغلى انسانه بحياتي هي انتي ..
احتليتي قلبي وكلشي بيي بس انتي ..
انتي الجميله الحنونه الى درجه الجنون ))

ابتسمت من كل قلبي ..
عشقي النمر لا يمكن في يوم ينتهي او يضمحل ..
مثل مي زمزم ..
من نبينا اسماعيل حفره برجله لسه باقي ..
حبي النمر حيبقه حتى بعد مماتي ..
لانوا حبه بكل خلايا جسمي ..
طلعت من وكت و قررت اسويله مفاجاءة ..
اودعه بيه قبل ما يروح ..
اشتريتله ساعة كرولكس فضية ..
و زنجيل كارتير فضة ايطالي ..
و دگم مال اردان فضة ..
خليتهم بعلبه حمره ..
اشتريت ملابس البناته كلش حلوات ..
اجتي ويايه جنات لان مو كلش اعرف بملابس الاطفال ..
اشتريتلهم ثوابه كيمونه مخصره و كلوشة لحد الركبه ..
واحد وردي و اللاخ بنفسجي ..
وياهم حزام اسود و تاج رفيع كلش اسود بيه وردة وي لون الفستان ..
خليت وياهم كارت كتبتله بيه كتابه ..
حطيتهم بصندوگ السيارة حتى ميشوفه ..
وصلت قبل ميكمل ..
دگيت عليه ..
حبيبي اني جوه ..
جاي يا روح حبيبچ ..
نزل جوة ديدفع الحساب ..
دخلت سلمت عليهم ..
راح اودي چنطك بين ما تجي ..
ماكو داعي هسه اني جاي ..
لا حباب تعبانه رجلي توجعني ..
اجه ويايه حمال الجنط ..
خليناهم بجنطة السيارة ..
اجه هو صعدت سد الباب و راح بمكانه ..
سقت السيارة ..
حزينه على فراگه ..
فرحانه لان راح افاجئّ ..
هو طول الطريق مندار عليه و لازم ايدي ..
احبچ ڤونتي ..
و اني احبك نونو ..
ضغط على ايدي ..
حشتاگلچ هواية ..
و اني كل لحظة انت بعيد يزيد الشوگ اضعاف ..
ضغطها اكثر ..
بس فرگاچ هو الهاد حيلي ..
و فراگگ مطير النوم من عيني ..
اوووف وصلنه المطار و راح اعوفچ ..
انداريتله و اني ابتسم بجرح و معاناة الفراگ ..
متعوفني انت وياية دوم ..
نزلنا سوه ..
وصلنه يم صندوگ السيارة ..
اااااه يا حبيبه ..
يلا افتحيه ..
و يطبطب عليه بيده ..
حرجع للالم و انتِ بعيده ..
و ياريت لو اعرف بيچ سعيده ..
هههه دوك شاعر حبيبي ..
شلون واحد يحب وحدة مثلچ و ميصير شاعر ؟
ما اعرف ..
فتحت الصندوگ بالريموت ..
بيه نفخات حمره و بيضه بيه غاز ..
مغلفته بقماش مشبچ مثل گونية البتيته ..
و من فوگ مشدودة بشريط ..
هو ديحجي وياية و منتبه بفتحتي راساً فتحت الشريط ..
طارت كله گدام عينه ..
هو يباوع و يضحك بصوت ..
هاي شنو ؟
يا ولووو شمسوية ؟
مفاجاءة ..
اتقرب عليه ديحضني ..
بعدها مخلصت !!!
باوع شاف الصندوگ الاحمر ..
فتحه و لگاى الهدايا تخبل عليهم ..
يا روحتي انتِ ..
حضني قوي ..
و حضنته اقوة ..
اشتميته من رگبته بقوة ..
ردت اجمعلي نفس يكفيني فترة ..
لحد ما يرد اليه ..
شوف الكارت شكاتبه بيه ..
فتحه و يقره بصوته ..