مجنوني

( الچوبي و الدبكة تجمعنه )

#مجنوني
الفصل العاشر
#بقلم_اسراءالجميلي

رفعت راسي عليه ..
ها بابا شنو ؟
بنتي يريدون يعقدون ..
ماما : شدعوة هيچ مستعجل غير نشوفه نعرفه !
بابا باوع عليه خزره ..
ماما : سكتت معليه اني ..
الي تريدو سوو ..
بابا يگولون حتى ميصير حرج بطلعتكم من تجهزون بيتكم ..
اني عيني تندار منا و منا على ماما و بابا ..
ما اعرف شنو اجاوب ..
جنات دغتني و تحچي بأذني ..
اقبلي ڤونه ..
محد يحب احد بگد حب نمر الچ ..
فرحتي مثل فرحة طفل جايبيله لبس العيد الي چان يشوفه بڤاترينت المحل ..
فرحانه لحد الخيال ..
اخر شئ اتبعت قلبي و كلام جنات ..
اي بابا موافقة ..
حچيته بدون ما اباوع بعيونه ..
بنتي شگد اگلهم المقدم و المؤخر ؟
ماما : و من يا زمن بنت تطلب هالامور !
احنه اهلهه و احنه نقرر ..
لا ام ڤين ..
بتنا مو بنية عادية هيه تقرر ..
وي نفسي ..
خلي امشي وي ماما كافي عاد تنقهر مني ..
لا بابا بكيفكم اني هاي الامور متهمني ..
خوش باباتي ..
باسني من راسي و راح ..
و بعد شوية سمعنا الصلوات على حبيبنا محمد ..
رجعوا النسوان هلهلوا ..
بعدين قدمولهم قطع كيك و عصير طبيعي ..
اجه شيرزاد ..
الولد بره يريد يدخل حتى يشوفچ ..
لبسو المحجبات ربطاتهم ..
ماما رفعت ايده دا تلبس ربطته ..
لا ماما انتِ عادي حلال ..
بنرفزة جاوبتني ..
بالنسبة الي ميصير حلال الى ان يتزوجج و تصيرين ابيته و اشوفچ سعيده يلا ..
جنات : عوفيه متعرفه ..
من راح تشوفچ مرتاحة وياه حتتغير وياه ..
الله كريم ..
دخل علينا ..
قلبي گمت اسمع دگاته بأذاني ..
شافني ابتسملي ..
بقه يدور بعيونه على احد ..
بعده ابتسم و اتجه على ماما ..
چانت على يساري يم خالاتي ..
باس راسه و باس ايده ..
استغفرلله ابني ..
شوف راساً صار ابنه ..
شگد طيبين اهلي و فطر ..
شكراً خالة على احلى هدية بحياتي انطيتونياها ..
و يا رب اكون گدها و متندمون على قراركم ..
الله يخليك ماما ..
امي عيونه غورگت دمع ..
اجه رجع عليه ..
گعد بصفي ..
شلونچ عروستي و كل هلي و ناسي ؟
الحمدلله ..
حبيتي المفاجاءة ؟
اي بس شعجب مگتلي ؟
لان حياتچ ويايه حتصير كله مفاجاءات ..
ابد مراح اخليه حياة عادية مثل كل الخلگ ..
هاااا خلي انشوف ..
طلع علبة بيضة كبيرة مربعة ..
فتحه ..
بس اني مشتريتلك حلقه لان ما ادري ..
بسيطة اني جبت حلقه ..
شوفي شمكتوب بيهم ..
كاتب : نمر ٢٠١٢/٣/٢ ڤين ..
هاي تاريخ شنو ؟
تاريخ الصدفة الي جمعتنه مرة لخ بعد غياب ..
قصدك يوم دعمتي ..
لا قصدي يوم جريتچ و دفعتچ و صرت فوگاچ و نقذتچ من الدعمة ..
كل حرف يگولة يشدد عليه ..
وجهي صار احمر دم ..
فديت اليستحي اني ..
كلماته يزرعه بقلبي ..
و يسگيها بمشاعره الحلوه ..
تنبت زهور اشكال الوان ..
يفوح بجسمي عطرهه ..
اجتي مرة عمي و لزمت العلبة و بده يلبسني و يباوع عليه ..
بنظراته شمني و باسني و حضني ..
و لفني يم ضلوعه ..
نظرات تحچي و تسوي كلشي ..
غريب هالولد كلشي بيه يسولفلي شگد يحبني ..
انطاني حلقته لبسته اله ..
رجفت كالعادة كلما اطخ جزء منه ..
علگو الدبكة الكردية و دك رگص ..
اباوع عليهم و اضحك ..
لازم ايدي طول مگاعد يمي ..
اجه شيرزاد صاحه ..
يريدك اخوك ..
اي اجيت حبيبي ..
طلع بره و چانو كل الرياجيل بالحديقة و نسمع صوت عالي مال دي جي ..
الچوبي العراقي ..
گمنه انباوع عليهم من الشباك ..
اشوف النمر مالي ..
يرگص و لازم راس الچوبي و سبحته الي اعشقه يفره بيده ..