مجنوني

( تكرار الصدف يدل على تلاقي الارواح )

#مجنوني
الفصل الرابع
#بقلمي_اسراءالجميلي

حبيبتي جنااااات ..
و الله مدا اصدگ عيوني ..
ههههه صدگي خيه صدگي ..
ديلا امشي ويايه البيتي ..
اي عيني و مسواگي وين اوديه ؟
دتعاي تعشي يمي ..
و ارجعج البيتچ ..
صدك هسه انتِ وين عايشه ..
دخلي نروح و احچيلچ ..
خوش ..
عده سياره ..
هلو ياب سياره ..
طگو الفلح ..
لچ حقيره يا فلح ..
هاي مالتي و مال احمد ..
يا احمد ؟
لا تگولين الي چان بشلتنه ..
ههههه صحيح احسنتِ ..
وچ لعد مچان امبين اكو شئ بينكم ؟
ههههه ليش اني چنت ادري هو عينه عليه ..
تخيلي اربع سنين سوة ..
هو يراقب و يرتب روحه ..
حتى نتزوج و ميقصر عليه بشئ ..
و الله هو احمد وردة مال الله ..
تستاهلون بعضكم حبيبتي ..
نزلت بالطريق يم محل يسوي مشاوي ..
وصته على اكل و انطته عنوان البيت و رجعت ..
ليش مطبخيلي عيني ؟
شنو هالتبذير ؟
لچ لا غير صار فوگ السبع سنوات مشايفتچ ..
اشبع بيچ و انقشب سوة لو اسوي حشو بطن ..
لا عيني منريد حشو ..
مشاوي احسن ..
وصلنه البيتهم ..
وچ لعد وين احمد ..
اسكتي كل فتره يفرجه عليه ..
ياخذ غيث و لارا و يروح البيت اهله ..
و اني ارتاح وحدي ..
لا بالله ..
وچ اشو هذا طلع كلش محترم ؟
هههه اي صح ..
شراح يخلصچ مني اليوم ..
فتنه گعدنه بالهول ..
اگوم اسويلچ قهوة بين ما يجي العشه ..
اي و الله كلش عاجبني احد يسويلي قهوة مضبوطه ..
بوجه مو تقشمريني ..
هسه تشوفيه شلونه ؟
رحت وراها للمطبخ كعدت على ميز الطعام ..
جام وياه اربع كراسي ..
تروح و تجي و تحچيلي ..
و اني حاطة اديه على خدي اتفرج عليه ..
و مبتسمه ..
انتبهت عليه ..
وچ هاي ليش هيچ تباعيلي ..
صبت الگهوة و جابته يمي ..
دحچي و اللچ حبقه بس اني الغي ؟
يعني انتِ صدك جنات ..
مو يخلق من الشبه اربعين ؟
چان تگرصني من زندي الايمن ..
اييييي اذيتيني ..
لچ اني كل الاربعين ..
ههههه حبيبتي كلش مشتاقتلچ ..
بس شدعوة هيچ اذتچ الگرصه ؟
لچ لا مو البارحة ردت اندعم ..
اتقربت عليه ..
يمه اسم الله ..
سلامتچ يا قلبي ..
لعد اشو عرج ميطگچ ..
لچ انتِ شگد قبيحة ؟
ههههه اي بعدني متغيرت مثل ما اني ..
هسه احچيلي ليش ما متي ..
باقي شوية مي بالگلاص شمرته عليه ..
خلت ايده اجه شوية عليه ..
هههه الله ستر عليه و نمر وخرني من السيارة ..
دتشرب بفنجانه ..
غصت بيه ..
ضحكت اني ..
اسم الله يمعوده ..
شنووو منووو ؟
نمر يعني نمر اليي ..
اي نمر اليي ..
لا بربچ ..
وين و شوكت تشاوفتوا و يعني تزوجج ..
لزمت ايدي اثنينهم ..
لا ماكو اثر حلقه ..
اني بس اضحك ..
وچ احچي مو فتيتي افادي ..
ايييه ..
يلا خطية ححچيلچ ..
بعد ما اجينه ال اربيل ..
يعني شفتي من ذاك الوكت ؟
لچ يابه لا ..
لعد احچيلي من شفتي شعليه بيكم ..
اياا كلبه ..
المهم حچيتله كل الي صار ..
چان تصفگ بيده ..
لا قصرتي ..
من سالچ گوليله اي ..
يعني على الاقل چان فكرتي بلكي يعرف شئ عنه ..
لحظة اوگفي ..
اني اول شئ مچنت متاكدة هو ..
ثانياً اني تعبانه و طالعة من استقاله ..
بس حرامات و الله ..
زين شلون صاير شكله ..
امممم اوصف بكلمة وحدة ..
صاير ارجل مما چان ..
هو رجال من البداية ..
زين هسه شنو نسوي ؟
شنسوي منسوي شئ ..
راح و خلص ..
لا مخلص ..
راحت جابت حاسبته ..
فتحته ..
شدسوين و اللچ ؟
دا ادوره بالفيس ..
يااابه هو شنعرف عنه غير نمر ..
هاي انتِ تعرفين بس نمر ..
اني اعرف جد جده و النايم يم جده ..
ههههههه ..
المهم دورنه و لگته و ظلينه نشوف بصوره ..
و نقلد عليه ..
زين انتِ عندچ فيس ؟
اي عندي ..
زين ليش ما تكتبيله ..
فدوة جنات متعوفيني ..
اني بيا حال ..
اني كلش تعبانه و مسؤولية چبيرة براسي ..
شكو يمعودة ؟
يلا حبي تاخرة ..
صارت بالعشرة خلي اروح ..
شعندچ شكو ؟
بالطريق اگلچ ..
طلعنه و حچيتله على شغلي الجديد و مكاني ..
وصلتني و اتفقنه نلتقي مره لخ ..
بعد ما انطيته رقمي و انطتني رقمه ..
نزلت من السيارة ..
سديت الباب ..
دگيت على جامة الباب ..
فتحتلياها ..
سندت ايدي على فتحة الجامة ..
تدرين انتِ احلى ذكرى ادگ بقلبي كل يووم ..
ضحكة بفرح ..
و تقربت لزمت ايدي ..
و تدرين اني بلياچ ..
چنت بس عايشة ..
اليوم يلا رجعت احس بالحياة ..
ضحكنه اثنينه ..
رجعي حياتچ حبيبتي العمر مره وحده ينعاش ..
ضربت قمارة السيارة بيدي ..
و راحت ..
رجعت السكني ..
لگيتهم منظفي ريحته تجنن و يلمع ..
عدلت المسواگ ..
و رحت تمددت ..
الله الفرشة بيضه ساده ..
شگد احب هيچ لون ..
بقيت افكر بكلام جنات كله ..
من شفته لحد ودعتني ..
احنه طول حياتنه نهتم كلش ..
و نحب كلش و نضحي كلش ..
و عبالنه المقابل مثلنه ..
بس نفرح كلش من نلگاه مثلنه ..
جنات مثلي بهواي امور ..
دومه تطلع احسن من تفكيري بيه ..
غفيت و اني صورة نمر و جنات بس هيه ابالي ..
ثاني يوم رحت للدوام ..
و اشتغلت و حبيت شغلي ..
لمدة شهر متونسه كلش ..
اروح كل اسبوع الاهلي ..
استلمت اول راتب ..
وديتلهم كومة غراض ..
تقريباً نسيت نمر ..
اشوف جنات مرات ..محمد يتصل و يلح عليه يشوفني و ارفض ..
رحتلهم مرة وحدة ..
وديتلهم حلويات من استلمت الراتب ..
و اخذت ساعة ماركه ل محمد ..
هاي اليه ؟
اي الك ..
شنو المناسبه ؟
ديسال و هو كلش فرحان ..
لان انت السبب بوظيفتي ..
لا هاي ممرجيه منچ ..
ليش هيچ تسوين ..
يمعود ليش تاخذ الامور بجدية ؟
اعتبرني اختك ..
لا انتِ مو اختي ..
انتِ بت عمي و بس ..
هههه اوكي بت عمك و حبيت اهديك هدية ..
خوش لعد ..
تسلميلي ربي يخليچ اليه ..
انداريت عليه بتعجب ..
شنو محمد ؟
يخليچ النه بت عمي ..
و يشدد على الحروف ..
ضحكت ..
بقيت اروح و ارجع و حياتي حلت ..
لاڤين اختي جابت ولد يجنن ..
صار عدها ولد و بنيه ..
هاڤين انخطبت ..
اخوتي مرتاحين ..
و بديت اهتم بنفسي ..
لان حسيت كبروا اخوتي و كافي عاد ..
ممقصرة وياهم ..
بس انتبهت على روحي اكثر ..
ان لبدنك عليك حق ..
سجلت على سيارة بالاقساط ..
اشتريت كوريلا لونه وردي ..
كلش چنت احبه ..
رحت اول مرة الاهلي بيه ..
تخبلت امي ..
اخوتي و خواتي فرحانين بيه و يتفحصوه ..
بس امي انرعبت ..
شلون تجين شلون تروحين ؟
الى ان قنعوه ..
الف يا الله ..
مر على دوامي خمس شهور ..
اسمي بده ينعرف بهواي شركات ..
مديري مفتخر بيه ..
فعلاً معتبرني بنته ..
و بيوم چان جاينه عميل من لبنان ..
سويت دراسة الجدوة لمعمل راح انفذه اهناك اله ..
گعدت متاخرة ..
يووو ..
فرشة سنوني ..
و بدلت على السريع ..
جينز و قميص ابيض قصير منقط بنقاط صغار تركواز ..
و قمصله جينز ..
حذاء مقبط نيلي عالي ..
لان اعتبر نفسي قصيره ..
شلت نص شعري عالي ..
كحله حمره خفيفه مسكارا بس ..
بالدوام مكياجي دوم خفيف ..
فتحت باب السكن مالي ..
رجعت سديته ..
باوعت على المراية الي خالته ورى الباب ..
شفتني حبيت شكلي ..
طلعت بسرعة ..
وصلت للشركه ..
سالت سكرتيرة المدير : ها اجه العميل ..
اي ست ..
خو صار اله هواية ..
لا خمس دقايق بس ..
كلش زين ..
دگيت الباب ..
المدير : تفضل ..
صباح الخير ..
صباح النور ست ..
يباوع على الساعة الوراية ..
ابتسمت باعتذار ..
ضحك و اشرلي براسه عادي ..
ميزه صاير على اليمين اول مندخل ..
گاعد العميل على الكرسي صاير ظهره عليه ..
وصلت طلعت الفايلات تلاثه ..
خليت واحد گدام العميل ..
بلا ما اشوفه ..
و هو كذلك اخذ بدون ميرفع راسه ..
شكراً ..
انطيت للمدير واحد ..
و الاخير اليه ..
گعدت و كانت صدمتي الجديدة ..
نمر گبالي ..
بقيت اباوع عليه ..
من يباوعلي اوخر عيني ..
بقينه نحچي بالمشروع ..
و اتفقوا يكتبون العقد ..
زين استاذ اني اروح ..
خلص دوري لهنا ..
دورچ دومه موجود ست ڤين ..
شكراً استاذي العزيز ..
باوعت عليه ..
حسيته امتعض من كلمتي ..
اني همين گلبت وجهي ..
اتجهت للباب دا اطلع ..
صاحني مديري ..
ست ڤين ..
نعم استاذ ..
انداريت اباوع عليه ..
اشو هذا ابتسم من كل قلبه ..
بس اخ ابتسامته وگفت قلبي ..
بدون زحمة فايل ازرگ بالخزنه ..
ممكن تجيبي ؟
اني صفنت بضحكته ..
نعم استاذ شنو گلت ؟
هههه الماخذ عقلچ يتهنه بيه ..
جاوبته بدون تردد و اني عيوني تنتقل بينه و بين نمر ..
ان شاء الله ..
هههه دا اكلج الفايل الازرك الي بالخزنه بلا زحمة انطينياه ..
تقصد الي بيه العقد النهائي ؟
اي نعم ..
حاضر استاذ ..
انطتهياه ..
طلعت و قلبي بدت دگاته تزيد ..
هاي شبيه اني ..
ادري مراهقة لو اول مرة اشوف واحد يبتسم ..
بعدها طلع هو اجه عليه ..
حضرتج مديرة الموظفين ..
اي نعم تفضل ..
ممكن اسئلج سؤال ؟
اي تفضل ..
جنتي اداومين بكلية الرافدين ؟
ههههه اشو دتعيد الاسئلة ..
هسة جاوبيني ممكن ؟
اي صح شلون عرفت ..
يعني انتي ڤين نفسچ ..
ههههه اي ڤين قصدك ؟
الي چنت اريد منه اشارة وحدة و هيه جانت ترفض الكل ..
و اني من ضمنهم ..
ضحكت بقوة ..
ههههههه اي صح هاي صفتي لان چنت ماخذه الكلية للدراسة و الصداقة و الونسة و علاقات الاخوة و بس ..
مو لل لعب ..
اي بربي مو گتلچ انتِ ..
اني نمر ..
اهلاً بيك بس ترى اني اعرفك ..
هههه صحيح ..
بس للعلم اني مچنت اريد العب عليچ ..
اني خطبتچ و انتِ رفضتي ..
شنو ؟
گمت وگفت ..
انت شنو تحچي ؟
و الله دزيت عليچ صديقتچ ..
گالتلي انتِ ممفكرة بالزواج ..
و حتى گايلتله : اني اصوم اصوم و افطر على محافظچي ..
فتحت عيوني و ارتبكت ..
انيييي ؟
اي هيه گالتلي ..
منو هي ؟
قلبي نبضاته زادت و خفت لا يگول اسمه و تطلع حبيبتي و نصفي الثاني ..
ديحچي ..
چان اسمع المدير بالانسر مشين ..
ست ڤين تعاي يمي بسرعة ..
حاضر استاذ ..
صوت المدير اجه بوكته ..
مردت اسمع اسم الي ابالي ..
من رخصتك ..
خطواتي صارت بطيئة كلش ..
مليانه حزن ..
مثل الواحد الي سمع خبر وفاة عزيز ..
حسيتني مكسورة ..
وجع بروحي
وصلت الباب المدير ..
نمر : عندچ فيس ؟
اي طبعاً هو اكو احد بهالوكت ما عنده فيس ..
اي اكو امي ..
ههه الله يحفظه الك ..
و امي كذلك ..
دخلت للمدير بس فكري كله وياه ..
عشت بهاي اللحظة بين امنيتين ..
انو ابقه احچي وياه ..
و اعوفه حتى ما انصدم بغاليتي.

فالقصة فراق لعزيز