مجنوني

( الم غير متوقع )

#مجنوني
الفصل الحادي عشر
#بقلمي_اسراءالجميلي

حجيت وي الرجال و چان كلش مؤدب و عادي ..
اسمع الرجال و اجاوبه بشكل الكتروني ..
اي لا ..
لان قلبي و عقلي على نمر ..
حسيته راكبه شيطان ..
كملت ..
منو هذا ؟
جاوبته بكل هدوء ..
مو گتلك عميل ..
يلا گومي خل انروح ..
اني مناقشته و لا كلمة مشيت وراه ..
مع انو احنه بعدنه ممكملين عشانه ..
صاح النادل دفع الحساب ..
اخذ العقد : خليه بجنطتچ ..
اخذته بهدوء و خليته بچنطتي ..
مشه ويايه للسيارة ..
انطيني السويچ ..
انطيته اله بلا نقاش و هاي اول مرة يطلبه مني ..
فتحلي باب السيارة صعدت رگعه قوي ..
و اندار يمشي بسرعة ..
صعد و بده يسوق السيارة سريع ..
اني گاعدة بالسيارة ..
اديناتي لازم الكشن قوي منا و منا ..
اجراءت اندار عليه ..
شبيك نمر ؟
ما بيه دليني على طريق سكنچ ؟
ليش ما اوصلك للفندق ..
لا اريد اجي وياچ للسكن ..
عندي كلام مهم وياچ ..
دك تلفوني ..
فتحت الجنطة ردت اجاوب ..
جرها مني قوي و رگعه بالجامه الي بصفي و بعياط ..
لا تجاوووووبيييين ..
خفت لدرجة نفسي صعب عليه ..
عبالك بالبحر و ما اعرف اسبح ..
و اريد النفس گوة ..
صعبه التحبه يصير خوفك منه ..
مفروض قمة الامان تكون وياه ..
استجمعت قوتي و گتله ..
احچي هسه ليش تريد تجي وياية ؟
اريد احجي هناك ..
متروح وياية احچي هسه ..
اندار و عاط ..
اني مردته يجي ويايه لا يروح يسوي ويايه شى بعد وكته ..
مو قلت ثقه بيه ..
بس خوف من عصبيته ..
دا اكلچ نروح ..
لااااا ..
مرات تحس روحك واگف بين طريقين ..
اثنينهم يودون الموتك ..
يا هالترى منو تختار ؟
الموت لو الموت !!!
وگف السيارة على الطريق السريع على غفله ..
حزام الامان ستر عليه ..
چان طلعت من الجامه الامامية ..
بعصبيته عبالك ما اعرفه صرت ..
اباوعله بطرف عيني منو هذا ؟
معقولة نمر الحنين الي قبل ساعة چان ويايه ؟
اندار عليه و ضربني راجدي بكل قوته ..
نمر جثيث و اطول مني و معتني بصحته و جسمه كلش قوي ..
كل اشهر الحب و السعادة طارت ..
راحت وي قوة الراجدي ..
اتخبلت فقدت نسيت كلشي ..
عمري كله محد طاخني مو ضاربني ..
گمت ادفع بيه بكل قوتي ..
اطلللللللع بررررره ..
راحت عصبيته بعد ما فرغه بيه ..
شبيچ على كيفچ ؟
اطلع من سيارتي لا هسه اطلع و اعيط گدام السيارات و افضحك ..
رجع يعيط ..
طببببببچ مررررض ..
بقيت ادفع بيه ..
يااااااابه دولي ..
طزززززز بيچ و بعشيرتچ ..
اطللللللع ما اريدك بعد ..
مو صوجج صوج الحيوان الي حبچ ..
نزل من السيارة و رگع الباب قوي ..
سديت الباب وراه ..
و قفلت دگم كل البوب ..
حولت نفسي بجهة السايق ..
باوعت گدامي لگيته واگف گبال السيارة حتى عود ما اگدر اطلع ..
اني رجعت السيارة ليورة ..
و شخطته على اليسار ..
هو وخر شوية و فاتح عيونه بغضب عليه ..
ضربته خفيف بالدعامية ..
طلعته و دموعي صارت بطولي و اعيط بالسياره ..
ااااااااه ..
اويلييي ..
ربييي الي ردته عون يطلعني من قهري ..
يهيني ..
يهيني علمود شئ ما الي دخل بيه ..
ساده الجام و اعيط بعلووو حسي و ابچي ..
وصلت للسكن نزلت من السيارة ..
دخلت الشقتي ..
يدگ عليه قفلت تلفوني ..
دگو عليه بالارضي ..
ست ڤين استاذ نمر يريدچ اندخله ؟
عطت بالموظف ..
محد يدخل عليه و اذا دخل احد ..
اطرده وياه ..
نزعت هدومي شمرتهم على چربايتي ..
لبست الي گدامي ..
ابچي و احچي عليه ..
ليش هيچ سويت و انت وجودك كان وسيله اليه حتى احب الحياة ؟
باوعت على نفسي بالمراية ..
لگيت خدي الايسر كله مزرگ من قوة ضربته ..
اااااااه ليش نمر ليشششش ؟
اندگت باب سكني ..
سكتت و اتقربت خليت اذني عليه ..
افتحي الباب ڤونه ..
ها اني جنات ..
من وره الباب منو فتحلچ الباب ؟
خابرت المدير و گتله ما اعرف شبيه ..
لان دا ادگ عليچ مغلق ..
ظل بالي حبيبتي ..
فتحتله الباب شافت عيوني وارمه و خدي ازرگ ..
بعياط ..
عزة بعينچ هاي منو سوالچ هيچ ؟
مشيت و اني اجاوبه ..
هذا الحقير الحيوان ابن الـ.................
هو سوى هيچ بيه ..
هذا الي شجعتيني اعقد عليه ..
مووو ؟ هذا الي گتيلي يحبني ..
هيه ساكته محچت بعد و لا كلمة ..
استغربت ..
انداريت اباوعله ..
شفته وراها ..
ديسد الباب ..
اهنا انچلبت و فقدت ..
شفتني ابيتي اتقويت ..
هجمت عليه ..
اطلللللع برررره شعندك اهنا ..
هيه لازمتني ظهره عليه و حاضنتني و اني بكل قوتي ادفعه و اريد بس انوشه ..
هالگد ما چنت اعصاب وخرته من يمي ..
اتقربت عليه و دفعته بكل قوتي ..
من صدره ..
بس هو شعراية متحرك من قوة جسمه ..
حسيتني لبوة دا ادافع عن اشباله من الوحوش ..
فقدت كل هدوئي و رومانسيتي ..
حتى ادبي و اخلاقي و تربيتي فقدتهم ..
جاوبني بصوت شبه الهمس ..
ما اطلع ابد ..
اگعدي دنحچي ..
صوته سمعته عياط ..
ابيتي و تصيح عليه ؟
فوگ شينه گوات عينه ..
و رافعه ايدي ااشر بيهم و ادفع بيه ..
عبالك دا ادفع حايط ..
لزم ايدي اثنينهم ..
گام هو يدفع بيه ليوره ..
عقلي و قوتي ترفض رجوعي ..
بس رجليه تسمع كلامه و تمشي عكس الي اريده ..
رجليه طخت بالقنفه بعد ما ترجع ..
لزمني من جتافي ..
و گعدني على القنفه ..
حنجن من جسمي الي ديطاوعه ..
رغم الم قلبي منه ..
گعد بالگاع ضم رجليه بيده و خله راسه على رجلي ..
نام عليهم بدون ميباوع عليه ..
سامحيني يا ولووو ..
ادري غلطت و غلطي چبير ..
الي تريدي اسوي بس لا تزعلين و تعوفيني ..
اني نصه صوتي و انهد حيلي ..
دموعي تكت مثل المطر على راسه ..
اباوع داير مداير صالوني ..
شفت جنات گبالي گاعدة على الديوان المقابيلي ..
تبچي علينه بس متقربت ابد ..
ليش هيچ سويت ؟
اني استاهل هيچ ؟
لا متستاهلين ..
بس الغيره عمتني و من سديتي ظنيت بيچ السوء ..
صدك تحچي عذر اقبح من ذنب ..
رفع راسه و يباوع عليه ..
انتبهت عليه ديبچي ..
دموعهه بسبب ظلمي ..
بس تبقه عزيزه عليه و صعب اشوفه تنزل ..
يا ولووو اني تخبلت متحملت احد يحچي وياچ غيري ..
راح الكلام بقيت صافنه بعيونه ..
هو هذا الي گتلياه و وعدتني بيه ..
الزلمه المعدل عمره مايكسر مره ..
بس اشباه الرجال يعوضون نقصهم بأذيه البنيه الي تحبهم ..
ليش متدري بشغلي و معيشة عائلتي منه ..
تكسرني اني نمر ؟
و ااشر بيدي على قلبي ..
تكسر هذا ليش ليش ؟
تكسر الي عمره منفتح لا بمراهقه و لا شباب الا الك ..
تكسر هذا الي دگاته من نبضك و صوتك و همسك ..
ليش نمر ليش ؟
بس اديه چانت متريد تلزمه ..
مشمئزة من تصرفه ..
سامحيني يا ول يابه ..
اني اريدچ كلچ اليه اريد ..
صوتچ ضحكتچ روحچ قلبچ عقلچ كلامچ ..
كلچ ال نمر بس ..
و اني الك نمر عمري بحياتي مصرت الغيرك ..
گام كعد على الطبلة الوسطية گبالي ..
و اديناته على اركبي ..
يعني هسه سامحتيني ؟
لا نمر هسه لا ..
الله يخليك عوفني ارتاح ..
اجتي جنات عليه ..
يلا نمر كافي عوفه هسه ..
باوع عليه ..
غمزتله ..
باوعلي : اني حروح حبيبتي و اسف مليون مرة و الله ..
تنگطع ايدي اذا انمدت عليچ مره لخ ..
سكتت و قلبي يگول : اسم الله عليك يا كل هلي ..
اتقرب باسني من راسي و طلع ..
اتصلت جنات ب احمد : حبيبي اخذ الجهال لاهلي ما اگدر اجي مريضة ڤين و تعرف محد يمه ..
ماكو داعي حبيبتي روحي ..
اتأشرلي بيده لا ..
سدته يلا گومي غسلي ..
عزه بعينچ شلابسه ؟
باوعت على نفسي ..
لابسه دشداشة فوگ الركبه و اسقيات ..
فتحت عيوني ..
همزين اني موجودة ..
چان هسه صرتي حامل ..
گمنه نضحك اثنينه ..
اذاني فكي ..
لزمته ..
جنات : نعلى على غيرتك نمر ..
رجعنه نضحك ..
بقه يحاول وياية خمس ايام ..
يدز هدايا و ورد طبيعي و رسائل ..
اذا حبوچ مليون ..
ميوصلون قطرة ابحر حبي الچ ..
من اريد اجي اشوفچ اتوضه بالعطر ..
حتى تحبيني اكثر من اي احد ..
بس بقيت باصراري ..
ردت اعلمه ضربي مو شئ سهل حتى ما يكرره ..
خابرني : باچر اسافر متجين تودعيني ؟
عقلي يگول لا ..
بس سبقه الساني بالاجابة ..
بعد ما اخذ ايعازه من قلبي الهايم بيه : اي شوكت تروح ؟
بثمانية الصبح طيارتي اوكي ..
رحت للمطار مرحتله للفندق مثل كل ما يسافر ..
دورت عليه بلحظة لگيته بين مئات المسافرين ..
لان شفته ب بصيرتي مو بصري ..
لمحت ظهره ..
اندار عليه راساً ..
حضني قوي و يشم بشعري ..
بس مگدرت احضنه بقوة كل مرة ..
مجرد رفعت ايدي دايره عليه ..
يا ول يااابه نمر يصير بزون هستوه مولود بين اديچ ..
ضحكت ..
من فدوة يروحلچ نمر و كل هله ..
انطاني كارتات تلاثه لمحلات اثاث حاط يمهم فلوس ..
الي يعجبج اثثي بيه الڤيلا ..
لا انتظرك نرتبه سوه ..
يعني سامحتيني ..
باوعتله و رفعت جتفي ..
بما معناه ما ادري ..
سكت و الدمعه بعيونه ..
ودعته ب احبچ و احبك ..
رجعت للشركة ..
لگيت على مكتبي علبة شوكلاته بشكل قلب و عليه وردة حمره و كارت مكتوب عليه ..
لو يعرف الحب شگد احبچ ..
چان اتمنى الحب يصير حبيبي ابدالچ ..
( خفت انطيچياها بالمطار و متاخذيه )
دزيتله مسج على خطه حتى اول ميوصل يقراه ..
گلت الخدي اني اسفه لان خليته يضربك ..
گلي اني مسامحه انتِ شعليچ بيه ..
الخاطره سامحتك يا رويحتي ..
اذوب بيك نونتي ..
طبعاً من قراه راساً دك عليه ..
رجعنه اقوه من قبل ..
بقينه شهر بين حب و حب و حب ..
بس زاد استجوابه لدرجة عداني اني همين ..
و بكل مكان اندز صور البعض توثيق لمكانه ..
و كلامه العسل مستمر و يزيد و ينسيني كل ملحته و غيرته المو طبيعيه ..
اريد اصير اني وياچ مثل الگصيبه متلاصقين دوم ..
هههه خبلتني بتشابيهك ..
و بعد اكثر من خمسين يوم اتصلت خنده صديقتي بالسليمانية ..
حبيبتي اني حروح لـ لبنان ..
شعجب ؟
دازينه ايفاد لمدة خمس ايام ..
هااا الف عافية خنودة ..
تريدين شئ من نمر اجيبه الچ ؟
لا حياتي شكراً الچ ..
اذا انتِ تحتاجين شئ گوليلي حتى انطيچ رقمه ..
لا يا عمري تسلمين انتِ وياه ..
راحت خنده و بعد يومين اتصلت بيه ..
بعد السلام و الكلام ..
اگلچ تعرفين مول ABC الاشرفيه ؟
اي طبعاً كومة اشتريت منه غراض ..
ليش تسالين ؟
مو اليوم اخذونه جوله بيه ..
و من چنه گاعدين نتغده ..
شفت نمر گاعد يتغده و وياه.....................

فالحكاية صدمة العمر لـ ڤين..

شلونكم حبيباتي الغاليات ..
منو شافت خنده وي نمر ؟؟؟؟؟
توقعاتكم الجميلة ..

حتگولولي خليتي تقريباً كل الفصل علمود راجدي ؟؟؟؟
حگلكم اي لان هذا موضوع صاير كلش عادي عند رجالنه مع الاسف ..
و المشكله النساء ديتقبلوه و يسامحون بسرعة ..
و اذا في يوم انسالت بگروب انضربتي و شكد و ليش ؟
كله تحچي و عادي ..
الي دا اگوله انو الله كرمنه بكل الكتب السماوية من فوق سبع سموات ..
و نزل سورة خاصه باسم النساء ..
و الرسول صلوات الله عليه باخر خطبة قبل وفاته وص بينه .. رفقاً بالقوارير ..
يعني مو الا تزعلين و تروحين لاهلچ و يكرهوه و تسويه گعدت عشاير ..
و لا تسكتين و ترجعين عادي و كأن شيئاً لم يكن ..
لازم رد فعل يبينله غلطه و يخلي بعد ميعيده ..
طبعاً مو شرط مثل ڤين لان هيه مخطوبة مو مثل ام البيت و الجهال ..
المهم لا تنسون تكريم الله الكم ..
و حشاكم بس الحيوان ينضرب ..
يا ريت اعرف رئيكم بالموضوع ؟؟