مجنوني

( حب غير متساوي )

#مجنوني
الفصل العشرين
#بقلمي_اسراءالجميلي

جنات : شبيچ حبيبتي وين رحتي ؟
باوعتله لكيتها صاير بوجهي ..
ابتسمتلها ..
هزيت راسي ..
هاااااا ماكو شئ جنة لا يظل بالچ ..
اريد اروح ..
ريما : وين حبيبتي خيرچ ؟
بعده السهره بأوله ..
لا اروح تعبانه ..
جنات : براحتچ قلبي ..
و أشرت لريما و الباقيات ..
بوستهم و ودعتهم و طلعت ..
امشي بالسيارة هي توديني مو اني اسوقه ..
وصلت يم بارك سامي عبدالرحمن ..
دخلت بسيارتي ..
نزلت منها ..
انتچيت عليها ..
بقيت اجر النفس بقوة و انفخه من حلگي ..
الى متى ابقه بمد و جزر وي نمر ..
سمعت موسيقى و عياط بفرح ..
باوعت يمنه يسره مشفت شئ ..
انداريت وراية ..
شفت مجموعة عوائل الظاهر طالعين سوة ..
الولد و البنات الصغار يرگصون و فرحانين ..
الكبار گاعديين يباعون على اليرگصون و يضحكون ..
انتبهت على اثنين متوسطين العمر ..
گاعديين على مسطبة ..
المريه حاطه راسه على چتف الرجال ..
جذبوني كلش اكثر من الهوسة ..
اتقربت بخطواتي عليهم ..
يباوع عليه و يحچي و فرحان بيه كأنوا مالك الدنيا ..
و هيه لازمة ايده و كانوا حاضنته عبالك الام من تحضن رضيعه ..
الشيب بادي ياكل براسهم ..
رجليهم من جوة مداخلة وي بعض ..
يباعون مرات على الهوسة الي جايين وياها ..
عبالك شلون من نباوع على التلفزيون و نعرف هو عالم مو ويانه ..
بس همه عايشين بعالمهم الخاص ..
ابتسمت من كل قلبي ..
قررت و للمره الثالثة انطي فرصة ال نمر ..
بس هاي حتكون الاخيرة ..
لان العمر مينعاش غير مرة وحدة ..
و الحب ممكن يجي مرة و اثنين و عشرة ..
بس هواية مرات يجي مرة وحدة ..
قررت انطي فرصة القلبي يلگه شريكة ..
و يسمعه و يتأكد من صدقه ..
و يشوف يگدر يبقه وياه و تصير دگتهم وحده لو لا ..
فكرت لازم انطي فرصة لعقلي ..
علهُ يرتاح و يسكن و يلگه الي يساعده ..
بافكاره باحلامه و مستقبله ..
و بلكي من اصير بالخمسين بعمر ذوله الاثنين ..
الگه نفسي گاعده اني و نمر مثلهم ..
نحب بعض و نحب غيرنه همه ..
بس رجوعي حيكون بقوانيني و اسلوبي ..
رضه بيه اهلاً و سهلاً ..
مرضى الله وياه و يسعده ..
باوعت لگيتني صايره بعيده عن سيارتي ..
بلا وعي مني ..
رجعتله و اني مبتسمه ..
لحظات فرح يشوبها خوف ..
خوف من نمر ..
من الحياة الحب الامل الزايد ..
السعادة لا تكون مصطنعه ..
صعدت بسيارتي ..
وصلت للبيت ..
غسلت صليت العشه و ركعتين لوجه الله ..
رفعت ايدي و دعيت بلا بچي ..
دعيت و كانوا الله ديسمعني ..
ماكو بيني و بينه اي شئ ..
حتى حايط البيت و السما ..
ربي دُلني على من يدُلني عليك ..
ان كان نمر خيراً لي فعجل باجتماعنه ..
و ان كان شراً لي فابعدهُ عني و ابعدني عنه و انا في كامل الرضا ..
فتحت تلفوني دا اردله ..
لگيته دازلي شعر ..

قالوا جننت بمن تهوى فقلت لهم ..
ما لذةُ العيش إلا للمـجـانـينِ ..
هاتوا جنوني وهاتوا من جننتُ بهِ ..
فإنِ وفي بجنوني لا تلوموني ..