مجنوني

( الموت باشكال مختلفه )

#مجنوني
الفصل الثامن عشر
#بقلمي_اسراءالجميلي

شنو الي عرفتي ؟
و شلون عرفتي ؟
و ليش گلچ الچ و ما گلي الي ؟
على كيف على كيف اصبري عليه ..
اريد افتهم كلشي بسرعة ..
و الله مو حمل اي تأخير ..
انتِ مو گلتي بعد ما اريده و ميهمني ..
اگلچ جنات تحچين لو اسده ؟
ححچي ححچي ..
من يوم خابرتچ و عرفت عافچ ..
ظل الموضوع ياكل بروحي ..
صوتچ اذاني و كلما انام اتذكره ..
رجعت ابچي و هي تحچي ..
اي كملي ..
بقيت يومية اكتب النمر ..
و ارزل بيه و استفزه ..
هنته كومة ..
اصريت انو اعرف الي بيه ..
اي و بعدين ..
ڤين وحدة من بنات نمر ماتت ..
شنووو ؟
اكيد امكذب عليچ ..
لا مدا اكذب و الله ..
منو هيه و ليش ؟
احچيلچ الي فهمته من البداية ..
زوجته عارفه من زوجة عمر هو يريد يتزوج ..
لان زوجة عمر تصير بت خالهم ..
و متخبله و صايرة حبابه ..
تعزل غرفته من ماكو و تسوي اكله ..
اهله متعاركين وياه يرجعه ..
هو رافض تماماً ..
گايمين كلما يلگوه يحچي بالتلفون او يكتب و يحسون وياچ ..
يسولوه حفله ..
حرام عليك بت خالتك يتيمة ..
اي اعرف حچيهم محاجه تگوليلي ..
المهم على گولتچ ..
هو باقي معاند لان يحبچ ..
فد يوم طالع وي بناته ..
انتِ داگة عليه ..
باقي يحچي وياچ و ممنتبه عليهم ..
وحدة منهم عابره الشارع و مدعومة و ميته ..
لا اله الا الله ..
الله يساعد قلبك ..
بعدها ماكلين راسه ..
بسببك ماخذه عقلك ..
بنتك راحت ..
هسه تريد اللخ تخسرك فوگ ما خسرت اخته ..
بالتالي گايللهم اني ما اريد لا هدى و لا غيره ..
زواج ما اريد ..
ابوه گايله اذا تراجعت بكلامك اخذ مرتك و بنتك و اخفيهم ..
ارض الله واسعه ..
تموت و ما تشوف بنتك ؟
هااا يعني هو اختار بنته و عافني ..
انتِ مقتنعه بهذا الكلام جنة ؟
حبيبتي اني اذا اقتنعت او لا ما اقدم شئ و لا ااخر ..
الامر بالاول و الاخر راجع الچ ..
صح ..
تره الزلمه على گولته تلزمه كلمته ..
اذا ما عنده كلمة منين الزمه هااا ؟
فهميني ؟
صح كلامچ حبيبتي ..
الله يرحم بنته ..
و يرحم قلبي و عقلي و روحي ..
الي راحوا هدر بسبب كلامه و وعوده الكاذبه ..
امين حبيبتي ..
تدرين جنة چان مفروض اعوفه الـ نمر ..
من يوم كذب عليه و مگلي هو متزوج و عنده اطفال ..
بس امهداني ..
و ضربت على گصتي ..
عماني حبه و الله ..
الله يكون بعونچ حبيبتي ..
تدرين شلون طلگني جنات ..
شلون ؟
وچ دزلي مقطع صوتي ..
وچ ما گدر يجيني و يگوله بوجهي ..
وچ حتى مكلف روحه يتصل و يگوله ..
عوفيني جنات بعذابي ..
الله يجازينه اثنينه على گد الي سويناها وي بعض ..
بس هذا الي عندي هسه ..
الله يريحچ يا عمري انتِ ..
سمعت بصوته دموع ..
تدرين اني ما اطلع من المجمع ..
من الشركة للسكن و بالعكس ..
گمت ابچي اقوة ..
و اسمع بچيها بالتلفون ..
اشتم انفاسه بكل مكان ب اربيل ..
شنسه ها فهميني ..
غزلنا ..
حچينه ..
كتاباتنه ..
اشعارنه ..
تلفوناتنه ..
هو يمكن هذا خيالي المريض بيه ..
بس شسوي الخيالي الي يتمناه ..
تمنيته يكون شجاع ..
و يجي بوجهي و يحچي مثل ما صار شجاع و مد ايده عليه ..
بس هيهات ..
اجتي فاتيما لزمت ايدي اليمنه ..
و بقت تضغط عليها و تبچي ويايه عليه ..
ردته ما يصغر يظل دومه بعيني چبير ..
وچ چنه اذا نتفق بمكان او مطعم او حتى بالمطار ..
و يشوفني عينه ما ينزله عني يبقه يتبع خطواتي ..
لحد ما اوصله ..
و الكلام الحلووو ..
يا ولوو ما اگدر بلياچ ..
يا ول يابه تروحلچ فدوة عشيرتي و كل طوايفي ..
يا ولوو انتِ النفس الي ما اگدر اعيش بدونه ..
و غيرها من الكلام المحفور بقلبي و كل جزء بيه ..
علا صوتي ..
صار عياط ..
و اللچ اني الي گمت اجر النفس اختنگ بيه ..
شلون فجاءة تغير عليه ..
و گدر يفيك عليه و ميحچي ويايه مثل الرياجيل ..
الله يخفف عنچ حبيبتي ..
تدرين حيصير الي بالشهرين نمت بيه كم ساعة ..
تدرين عايشة بحداد مستمر ..
تدرين و تدرين و تدرين ..
صوتي بده يتلاشه ..
عبالك ديختفي شوية شوية ..
بصوت اشبه بالهمس ..
كافي جنات عفية اريد ارتاح ..
الله وياچ عم.........
بعدها تحچي و سديته ..
شمرت التلفون بكل قوتي على القنفه الگبالي ..
حضنت فاتيما و ابچي بعيااط ..
اااااااه يا قلبي شوكت تتعود على الصدمات ..
اااااااه يا عمري لشوكت تبقة تروح للراح و الراد ..
اااااااه يا روحي لشوكت تعيشين وي المات ..
وخرت من حضنه و اباوع عليه ..
وچ عمه حي و اريده بقلبي يموت ..
يا ريته لو ميت و باقي بقلبي حي ..
استغفرلله حبيبتي ..
حرام هيچ تگولين ..
عمه اني كذاببببببه ..
عمه ما اريدله الاذيه و الله ..
عمه جرحني و صار البعد بينه ..
و هو الي اختاره مو اني ..
و بكامل ارادته ..
بس عمري ما راح اتمناله القهر ..
عمه العزيز لا يمكن بيوم تروح معزته بداخلنه حتى لو نكرنه ..
تبقه مخفيه معزته جوه الروح ..
جرتني عليه و تحضني اقوة ..
اي عمه اي ادري ..
جرح العزيز صح ما يطيب ..
بس العزيز يبقه طول العمر عزيز ..
رجعت باوعتله ..
عمه تمنيت لو اني يمه من ماتت بنته ..
اني اطبطب عليه و الملم جروحه ..
اني الي احضنه و اخلي دموعه على جتافي ..
اخ يا جرحك نمر ..
ميطيبه غير الي قسمه الي ..
صح عمه صح ..
دگومي طبي اغسلي و توضي و اطلعي ..
صلي ركعتين لله ..
اطلبي منه الصبر و ادعيه البنته الله يرحمه ..
عمه بنته نونيه ..
طير من طيور الجنه ..
صح عمه صح ..
ديلا گومي ..
گامت و مدتلي ايده حتى تعيني ..
فتت غسلت و دماغي بيه فكرة وحدة ..
اني الي غلطانه ..
حبيت انسان مو الي ..
و چنت اعرف هذا الشئ كلش زين ..
بس بقيت احچي و اضحك و اطلع وياه ..
لان بعد هاهيه صار كلشي بحياتي ..
و بدونه چنت احس بنقص چبير ..
بس لا گدرت اكمل طريقي و اعوفه ..
و لا گدرت ابقى وياه و اخلي يصير الي ..
طلعت لبست حجاب الصلاة ..
بقيت اصلي و ادعي اصلي و ادعي كومة ..
حسيت عبالك هاي ليلة القدر و السما مفتوحة و ربي ديستجيب دعائي ..
ياربي انت اقرب من حبل الوريد طلع نمر من الوريد ..
يا ربي اني انسان و ما معصوم من الخطأ ..
بس اعرفك تقبل توبة عبدك ..
اقبل توبتي و لا تعاقبني بيه ..
ابعده عني اسعده و اسعدني ..
ربي نسي بنته و نسينياه ..
ربي اريد اعيش مو النفسي ..
بس للناس الاحبهم و ما خذلوني ابد ..
ربي انت سندي و مسندي بالدنيا و الآخرة ..
علگ قلبي بحبك يا رب ..
كومة صليت لحد ما رجلي وگفت ..
گعدت على القنفه ..
اجتي فاتيما جابتلي عصير برتقال ..
اشربي هذا يقويچ ..
شكراً عمه ..
الف عافية يا قلب عمتچ ..
و احن قلب عليه ..
ضحكت ..
فدوة الضحكتچ الحلوة ..
اضحكي عمه ..
متسوه الدنيا ابد ..
ضحكت اكثر ..
شلون عرفتي محتاجه عصير ؟
عمه صار الچ فوگ الساعتين تصلين ..
اكيد ريگچ يبس ..
فتحت عيوني عليه ..
باوعت على ساعة الحايط ..
ياااااابه و لا حسيت على روحي ..
و بعد مرور اربع أشهر ..
مرت عليه اربعين سنة ..
ربي استجاب دعائي ..
حاشا لله يرُدُ عبداً دعاه ..
گدرت اگوم على حيلي ..
و اقاوم مشاعري و جنوني ..
اختلف قانوني بالحياة ..
بديت اطلع وي مجموعة اصدقاء گطعت وياهم علمود يبقه يومي اله ..
كلهم عرفو شنو بيه ..
و بدو يساعدوني ..
و حتى جنات چانت مرات تطلع ويانه ..
بعيونه حزن و تلوم نفسه دوم لان قنعتني عالعقد ..
لهيت نفسي بكومة اشياء ..
گمت اگدر اعيش بليه نمر ..
و اتنفس هوى اربيل و يرد روحي مثل قبل ..
من حبيته لحد لحظة العافني و بعدها ..
ما ارتاحيت ابد ..
كل الي حصلته بس الهم و الاذية و الشك و الغيره ..
و التملك ..
بس الحمدلله گدرت اطلع من قلعة حبه الـ نمر ..
قلبي بنى حوله جدار منيع ..
جسمي شغل نظام دفاعي ضده وضد صوته و اسمه ولحيته وشوفته و كلشي يخصه ..
بعدها بدء نمر يدزلي مسجات من ارقام غريبه ..
و كلما يدز و اعرفه هو ..
اسويله حضر ..
يدگ عليه و اني مديرة شركة فلازم اشيل كل الارقام ..
و يطلع هو اسده بوجه ..
كل مره بجمله شكل ..
فدوة لا تسديه ..
عليچ الله اسمعيني ..
الله يخليچ لا تسديه ..
و بقيت اسده و مادير اله بال ..
و مشتغله بلوكات على الخط و على الواتساب ..
قلبي چان يريد يسمعه ..
عقلي يگلي عوفيه ميستاهل ..
الى ان اجه يوم ميلادي ..
٧/٧ ..
قبله بيوم يعني ٦/٧ ..
جنات سوتلي مفاجاءة ..
متفق وي اهلي و شركتي و رتبولياه بالسكن ..
طلعت وي المدير ..
رجعت فتحت اضوية بيتي و لگيت كل الي احبهم موجودين ..
اهلي و خنده و جنات و بنات و ولد بالشركة و حتى بيت عمي ..
بحيث واگفين من عددهم الچبير ..
جابولي كيكه ..
بيه صورة ..
اول صورة الي وي صديقاتي بعد كم شهر ما اقبل و لا صورة ..
مقتطعيني من الصورة ..
كاتبين عليه ..
الجاي احلى ڤونه ..
فرحت كومة ..
عشت يوم سعيد مخلاني افكر بـ نمر لحظة ..
اجاني محمد : كل عام و انتِ بخير ڤينه ..
و انت بخير محمد ..
عرفت يريد يحچي بعد ..
جريت نفسي منه و عفته ..
ابد مو وكته ..
بقه الحفلة كله يتنقل بنظراته عليه وين ما اروح ..
و اني اسوي نفسي و لا منتبه ..
محمد مدا يفهم هو بالنسبة الي اخ مو اكثر ..
و لا يمكن يوم يصير اكثر ..
صارت بثمانية و بدت الناس تخف ..
على العشرة الكل راحت ..
حتى اهلي لان اخوتي عدهم دوام باچر ..
حتى دزيت وياهم فاتيما ..
امي بالبداية مرضت بس قنعته ..
اريد ارجع وحدي بحريتي و راحتي ..
اجوي المنظفات ..
خلال ساعة صار السكن يلمع ..
و اني اشتغلت وياهم و ضحك و ونسة ..
انطيتهم من الهدايا الكومة الصارت عدي ..
راحوا لمساكنهم ..
غسلت و بدلت على السريع ..
و رجعت لفراشي الغالي ..
بالله شجاني و عايفته كل هالمده ..
الله شگد مريح ..
دا انام هلكانه تعب ..
گلت خلي اشوف شكو ماكو بتلفوني ..
هستوني لزمت التلفون ..
اجه مسج الساعة بثنعش بالضبط ..
و وياه صورة ..
لازم احمل الصورة يلا تنفتح ..
كل عام و اسمچ محفور بروحي يا اغلى منها ..
كتلني الفضول حتى اشوف شكو بالصورة ..
قررت احمله ..
يلا اوي احمله و راساً اسويله حظر ..
دست على مثلث التحميل ..
و بده يفتر و قلبي يدگ وياه ..
تحملت الصورة و طلعت لــ.............................

فالقصة امكانية الرجوع او البقاء

مساء الورد على ورداتي الجميلات ..
اتمنى اقراء تعليقاتكم الجميلة و استمتع الصبح بيه ..
و تروح كل تعبي ..

صدگ شنو الصورة الي دزه نونو ؟
و هل ترى ممكن ترجعله ڤونتنه ؟

اتحفوني بتوقعاتكم ..