مجنوني

( زوجة ثانية !!! )

#مجنوني
الفصل الواحد و العشرين
#بقلمي_اسراءالجميلي

يعني اهلي قبلوا بكل شروطي بعد ما شاوفوني تعبان ..
على انو ارجع هدى ..
يعني شنو مدا افهم وين ترجعه ؟
على ذمتي غير ..
هههههه يعني انت ظليت تلح عليه و تتوسل ..
و انت متفق وياهم لو هسه اتفقت ؟
يصير اخابرچ ؟
لا ..
زين احجز و اجيج ..
ما اريد ..
جاوبني نمر ..
لا تلف و ادور عليه الله يخليك ..
الصدك ..
بعد ما عفتچ كلش اتاذيت و ادمرت ..
و تمرضت فقدت احساسي بالحياة ..
ظلوا اهلي و اقاربي و حتى هدى يحاولون ويايه ..
حتى ارجع اعيش مگدرت ..
اخر شئ رضوا انوا ارجعلج ..
على انو ارجع هدى ..
زين و هيه راضيه ؟
هيه راضيه لان ما عدها غير حل ..
يعني شنو ما عدها حل ؟
لان طلاگ بعائلتنه ماكو ..
يعني رضت بنصف رجل على عدم وجوده في حياتها ..
هاي شنو هالحچاية ما مرجية منچ ..
نص رجال شنو ؟
ليش انت اذا تزوجتني و تزوجته حتكون رجل كامل الي او اله ..
انت حتكون نص رجل في كلشي ..
باحساسك بقلبك بمشاعرك بعقلك ..
بروحك بجسمك و حتى بانفاسك ..
بس كل ذولة حيكونون الچ ..
لعد هيه شراح تحصل ؟
هيه حتزوجه فقط گدام الاهل ..
هذا كان شرطي اله ..
هههه حياتك كلها شروط نمر ..
شسوي هاي قسمتي و نصيبي ..
لا هذا الي اختاريته انت بسماعك لغير ناس ..
و مسمعت مني ..
صدك بما انو احنه دنحچي بالحقائق ..
منو الابنية الي سئلته عني ؟
ريما ؟
ريما صدددددك ؟
اي و الله ..
هههههه يلا بسيطة ريما و لا جنات ..
لا مو جنات و اني تندمت لان مسالت جنات ..
خلص الندم ميفيد نمر ..
يعني شنو ؟
الله يخليچ فكري و لا ترديلي هسه ..
ابيش افكر ؟
افكر انو اكون زوجه ثانية !!!
ههههه كل عقلك ..
شكو بيه ..
انتو حتكونون كل وحدة في بيت ..
اصلاً كل وحدة في دولة ..
هاااا همين صح مو ابالي تدري ..
يلا لعد مدام هيچ تعال باچر نتزوج ..
شنو حضرتچ تستهزئين بيه ؟
لا مستهزئئ بسهولة افكارك ..
يصعب عليه اكسر قلبها حتى لو دايسه ابطنك ..
خاصة و انت تگول تغيرت وياك ..
تبقى ام بناتك الي صاينتك وصاينة اسمك ..
اني اعرف شنو قيمتچ وشنو انتِ ..
انت تشوف بعيون قلبك مو عقلك ..
من المستحيل اتركچ وانتي تعانين ..
تركتچ هواية و اذيتچ لازم اعوضچ ..
ما محتاجة تعويضك اشكرك ..
مو هيچ حتظلميني و تظلمين نفسچ ..
مو ظلم ..
لان متعرفين اني شنو ..
انت تظلمني اذا تنطيني نص قلب ونص مشاعر ونص يوم ونص حياة ..
اني ما استاهل هيچ ..
تأذيني من تحچين ويايه هيچ ..
تحسسيني بذنب چبير ..
لان هو ذنب چبير عندي ..
تخيل اني زوجتك وتقرر لاي سبب كان ..
تتزوج عليه شنو حتكون مشاعري ..
او تخيل اني متزوجتك ويصير اتزوج ثاني ..
واجي اگلك اكو واحد راح يشاركك بيه شنو شعورك ؟
هااا فهمني ؟
يا ولي الاولى متصير بنوب ..
والثانية حرام تحچين بيها ..
ادري حرام ..
اني احچي عن مشاعر الشريك ..
والنبي صلوات الله عليهِ يگول : حب لاخيك ما تُحب لنفسك ..
يصير تحاسبين رب العالمين ؟
لا طبعا ..
لعد رب العالمين هو تكفل بهذا الحلال ..
تريدين تمنعين شئ الله محللَّ ؟
من كل وبد هو يبارك بهذا الزواج ..
واني ما اگدر ..
و الي تگدر عليه الف بالعافية عليها ..
يا ول يابه اطلعي من هاي الافكار الوهميه ..
اللي متجيب بس الاذيه ..
هذا مو وهم ..
هذي حقيقة ..
لا وهم ..
زواج ما اريد نمر خلص الحچي ..
الحقيقة هي ذاتها ..
و زوجة ثانية مراح اكون ابداً ..
واكسر قلب نملة مراح اسويها مو بشر ..
من المستحيل تكون وهم افكاري ..
عندي مو زوجه ثانيه ..
عندي انتي و هدى سواسية ..
اذا كان هذا يرضيچ حتى تبقين وياية ..
ما اگوم افرق بينكم ابد ..
هههه تصير طامة اكبر صدگني ..
ما اريد ..
كافي يابنت الحلال ..
اني ما امل منچ ابد ..
اعشق قلبچ الحنون ..
الي طول عمره يفكر بالناس و عايف روحه ..
انتي طيبه بس كلش صعبه و الله ..
اني مو صعبة بالعكس ..
اني ما اريد اكون مع اي انسانة سواسية ..
لعد شبيچ ؟
اريد الاولى والاخيرة ..
و النفس الي يصعد وينزل عند زوجي ..
لان راح اكون هيچ اله اني ..
لعد اعوفها الخاطرچ ..
بس ارضي عليه ..
و لتظلين تحچين ..
لا طبعاً ميرضيني هيچ ..
مو كافي المشاكل الي صارت من تركته بالاول ..
لو همين تعوفه و يرجعوك بالگوة ..
عوفني بحالي ..
ما اقبل تعوفها ما تستاهل ..
خاصه وي اعرافكم الظالمه ..
ڤين اسوي المستحيل و اجيچ ..
لاتصدگين اتركچ بعد ..
نمر ..
تعبت بما فيه الكفايه و خلاص ..
هواية دتلح عليه ..
تعبت اكثر و الله ..
كاااااافي الله يخليچ ..
تصبح ع خير ..
ترى و اجي و اوصل لاهلچ و اعتذرلهم ..
و اطلب منهم السموحه بس يرضون عليه ..
و اجيبلهم اعيان الشمال و العراق ..
شنو تصبح على خير ؟
هاي شنووو ؟
يعني تخيلني انطيتك ظهري ..
كامت عيوني ادمع من كيفها ..
احس لازمه اديه و خانگه روحي بنفسي ..
يعني قصدچ انت ملبوس مو ؟
حكلك شئ انت الرجل المناسب لغيري بس مو الي ..
ربنا لو يريد چان جمعنا من زمان ..
هسه راح يجمعنه ..
هسة خلص ..
و مو معناها ملبوس ..
هاي مو اخلاقي ..
معناها سد الموضوع ..
يا عيون نمر خلينه نبدي حياة جديدة ..
بس گولي اي ..
وشوفي ..
ما اريد لا ..
خلال هذا الاسبوع اني يمچ ..
اني ترى گلت لا ..
مو اي !!!
حتى تجي ..
يا الله هذا شئ شبيه ..
اشو كلش ديلح ..
خبلني و مدا يفهم الي اريده ..
دا احسه واحد يفتر بالعكس ..
يلا خل نروح اني تعبانة حيل ..
انتي روحي بالدنيا شلون راح اتركچ ..
يعني الرحمه شويه على كيفچ وياية !
اني مو روحك ..
روحك يمك و روحي يمي ..
اني محتاجة رحمه ..
اكثر منك ..
كلنا محتاجين رحمة الله ..
ان شاء الله تصيرين زوجتي الي عذبتني يلا رضت بيه ..
اترجاك لتلح ..
و لتخليني اسوي شي ما تحبه ..
بقينا مثل ما احنا ومثل ما كنا ..
تحظريني من تلفونچ غير !
احظريني بس القلب لا متگدرين تحظريني منه ..
انسي ..
ترى محد يتحمل بكد الي تحملته ..
من ظغطك وملحتك وياية ..
بس لان باقية ع سنوات المضت والعشرة الحلوة لتضيعها فدوة ..
انتظرچ تگولين اي خلال الفتره القادمه ..
وبعد لا تلحين عليه ..
انتي اليه و خلص ..
اگلك بشرفك منو الكردي و الله دوختني ..
قفلتك چنها مال ابوية ..
د گولي اي ..
و هسه اعوفچ و اجيكم الاسبوع القادم و يصير كل الخير ..
اگوله احظرك يكولي انتظرچ تگولين اي ..
وفوگاها لتلحين ..
تهي بيهي و الله جننتني انت ..
اوكي راح اعوفچ تفكرين منا لحد ما اجي ..
كتبتله ..
ياااابه دروح ..
مستقبله لان سد النت ..
اصراره و الحاحه مو طبيعي ..
معقولة هذا الي كتبه ربي عليه ..
تاليتي اكون زوجة ثانية ..
و تشاركني وحدة في زوجي و كل حياتي ..
لا حول و لا قوة الا بالله ..
بقيت اتگلب بفراشي مثل السمچة من تلبط ..
ثاني يوم ماكو مكتبلي ..
گلت اي يا رب بلكي قنع و راح اخلص ..
مرة يوم يومين ماكو خبر منه ..
اييييه الله خلصني منه ..
بس يومي چان نقص بيه چبير ..
حياتي ممله ..
احچي بتعب و اني متعبانه ..
اكله بشراهه و اني مجوعانه ..
حتى گمت اطب و اطلع للحمام اغسل و اني نظيفه ..
بس اريد الهي روحي ..
گمت افكر وي نفسي شكو بيه ليش ما اكون زوجة ثانية ..
بعدين هو يحبني مو مثل هدى ..
اكيد وياية حيكون اسعد ..
ارجع و اگول اشلون ارضاها على نفسي ..
اكسره و اخلي تشارك حياة انسانه لخ ..
دوخني نمر الله لا يوفقه ..
تعبني جنني وگف كل شعره بجسمي ..
بيوم گاعدة ابيتي و صافنه ..
دگ الارضي ..
الامن مال المجمع ..
ست ڤين واحد طالب مقابلتچ ..
منو هو ؟
استاذ نمر ..
عزه بعينه هذا تخبل رسمي ..
شنو ست شگلتي ؟
انطينياه بسرعة ..
هاي شبيك نمر تخبلت ..
اريد اشوفچ و اقنعچ ..
نمر امي يمي شنو تحچي انت ..
اي بعد احسن حتى اعتذرله ..
يابه شتعتذر هستوه چانت تثرد بدمك ..
روح يمعود طلعت من الحمام ..
سديته بسرعة ..
كتبت للامن بالمبايل ..
ممنوع ادخلون احد عليه باي شكل من الاشكال ..
حمدت ربي و شكرته عملي و سكني بنفس المجمع ..
كذبت عليه لان مردته يشوف وجهي ابد ..
و حسّيت انو لازم ما اشوفه حتى ميگدر يبتزني عاطفيا ..
و ابدي افكر غلط ..
ردت افكر بدون وجه و صوته ..
نظراته لمساته حنانه ..
ردت احكم عقلي و بس ..
كتبلي : لعد شلون ڤونتي ؟
مو وكتها نمر فدوة ارجع ..
و من احسهم گدرو يتقبلوك اگلك ..
يعني رضيتي انتِ و حترضيهم عليه ..
لا بعدني دا افكر ..
انطيني فرصه الله يخليك ..
حاضر حاضر حرجع و انتظر منچ مفتاح قبولهم ..
و قبولي همين ..
قبولچ ضامنه ..
يابه من غرورك نمر ..
هههه غروري في حبچ جمال بحد ذاته ..
خوش دروح يا جمال ..
اريد ابقه يم امي ..
اي فدوة روحي و ليني قلبه عليه ..
رجعنه نسولف و استمرينه و علساس دا اقنع اهلي ..
بس الحقيقة چانت كلما اروح و اريد احچي بالموضوع ..
احس حلگي يلجم و ميگول و لا كلمة تخصنه ..
بقينه هيچ لحد ما حسيت رجعله ..
و بدت الغيرة تاكل بروحي و كل جزء بيه ..
گام من يفوت للبيت يموووت تماماً ..
يحچي ويايه بفترات متباعدة ..
الا اذا يمكن يفوت حمام او بالديوان يم الرياجيل ..
يگعد يكتبلي ..
لان يعرف هي ماكو ..
و اعرف هو ممرتاح ..
الظهر يخاف لا تشوفه ..
بديت احسه جبان ..
و بده ينزل من عيني مع الاسف ..
گام يتهرب ولهذا مگدرت احبه بعد ..
مگدرت اگله حبيبي ..
مگدرت اگله احبك ..
ابداً ..
قررت ادك عليه ..
دگيت مرة مرتين تلاثه مشاله ..
كتبلي مسج ..
اني طالع وي عبدلله ..
دزلي صورته گاعد بـ كافيه ..
بالصورة چان طالع فنجان گهوة ..
و فنجان ثاني ظاهر نصه بس بحافته چان اكو حمره ..
اتاكدت من مخاوفي راجعله و مگايلي ..
ما اعرف شنو احساسي بكذبه عليه ..
اتخبلت انجنيت انتهيت ..
بعد ساعتين دگ عليه ..
مروا عليه سنتين بقهرهم و المهم ..
شلونچ يا رويحتي ؟
بعد لا أدگ عليه ..
هاا قصدچ مشغولة حبيبتي !
لا بعد لا ادگ عليه لا اريد اعرفك و لا تعرفني ..
آني تعبت وبعد ما اصدگ ولا اريد اصدگ ..
آني ڤين آني ما استحق اشلاء ..
ما استحق بقايا ..
ما استحق بعض ..
خلص نمر بعد ما اگدر اكمل واسوي نفسي مصدگة
تعبت منك .

فالقصة بداية لنهاية سعيدة

تعتقدون هالمرة حيگدر يقنعه مثل كل مرة ..
لو حتبطل ضعف و تقوى ؟
اريد اعرف شنو الجملة الي هزتكم من قريتوها ..
احبكم كلش ..