مجنوني

( كسر القلب اقوى من اي كسر )

#مجنوني
الفصل السابع عشر
#قصص_اسراءالجميلي

اهلي تخبلووو ..
حطوني بالسيارة ساقه شيزاد ..
ركض للمشفى لگينه هناك دكتور يعرف بابا ..
فحصوني ..
هذا الحچي كله و اني وحدي ..
لان حولوني على النسائية و ميصير يفوت وياية رجال ..
و اني بعدني اتلوه من الالم ..
اجتي الدكتورة ..
سوولي سونار ..
باوعت عليه ..
شنو ماما انتِ ما فد يوم حاسه بالم ؟
لااا ..
گلته بوجع و دموع تنزل ..
دگومي ماما انطتني كلينس امسح الدوه الي خلته على بطني ..
اجتي الممرضة مدري شنو گالتله بصوت ناصي ..
و طلعت ..
يلا بنتي گومي بدلي هدوم ..
جابتلي لبس اخضر مفتوح من وره ..
شكو ليش هيچ البس ؟
ماكو شئ ماما لا تخافين ..
عملية بسيطة ..
مال شنو ؟
عندچ كيس على المبيض الايمن كلش چبير ..
لازم تسوين عملية حالاً ..
شنو يا عمليه ؟
اني محد يمي امي ماكو شلون اسوي عمليه ..
هسه راح يبلغون ابوچ و يوقعوا على الموافقة ..
باوعت ليفوگ و ابتسمت ..
بعدها ضحكت ..
الممرضة تفاجاءة ..
شبيچ ماما ؟
بقيت اباوع و اضحك بهستره ..
احچي بهمس تقريباً بس شفافي تتحرك ..
ههههههه عملية فوگ الهجر ..
بالله اذا سويت العملية منو حيكون المه اقوه !!!!!
قلبي الي انكسر ؟
لو بطني المشگوگة ؟
اطلعي خالة اني البس ..
المرية انقهرت عليه مع انو اكيد شايفه حالات كومة غيري ..
مشت للباب فتحته ..
اندارت عليه ..
الله يشفي الاثنين حبيبتي ..
ربچ ما يعوف حمل مطروح ..
دومه ربي يدزلي رسائل ..
رفعت راسي مره لخ للسما ..
اديني اليمنه رافعته فوگ و اليسرة على بطني و المه ..
الحمدلله ربي ..
كل الخير منك دوم ..
و الشر من بني ادم ..
نزعت و لبست بالگوة ..
اجتي ممرضة ثانية دا توديني الغرفة العمليات ..
بس اريد اشوف ابوية و اخوتي قبل ما اروح ..
اي ماما حنشوفهم بطريقنه ..
مشيت و ظهري محني ..
مدري من الم بطني ..
مدري من صواب قلبي ..
وصلت يم غرفة عمليات شفت اهلي كلهم ..
و عمي و زوجته و محمد ..
لگيت بابا و ماما و فاتيما يبچون ..
ابتسمت ..
حضنتهم لا يظل بالكم شوية و اطلعلكم احسن من قبل ..
الله حيجبر كسري و كسركم ..
تقرب محمد بنظرة لوم و عتب و قهر عليه ..
الله يشفيچ بت عمي ..
دومچ گدها ..
الله يخليك محمد ..
دخلت نوموني على السدية ..
اباوع فوگ على الاضوية ..
ابد ما حسيت برهبة او خوف ..
لان الخوف الي شفته بالايام الي فاتت ..
ما اعتقد ممكن اخاف بعده ..
دخل دكتور التخدير ..
رجال چبير كل شعره ابيض ..
اهلاً باباتي ..
شاف الوجع بوجهي ..
لزم گصتي ..
بسيطة بابا انتِ قوية ..
شگد عمرچ ؟
٣٠
العمر كله ..
ضربني الابره ..
بده دماغي يشتغل ..
شگد صعبة من تحب شخص ..
و تنطي روحك لا تحسه هو روحك ..
و تحبه لدرجة الجنون ..
على غفلة تگعد الصبح تلگاه ماكو !!!
ببساطة قرر يختفي من حياتك ..
تسمع صوته تعرفه يعيش و يرتاح بدونك ..
المشكله اهنا مو بيه ..
المشكلة بيك انت المتأذي و محترگ ..
و قلبك يذب باليوم الف دمعه ..
متدري الدمعه لي دتنزل شنو سببه ؟
اشتياق لو بالك يمه  لو متندم حبيته ..
لو لان بعدك تعشقه رغم الي سواه ..
بقيت بهاي افكاري لحد ما غبت عن الدنيا ..
بدء دماغي يشغل شريط ذكرياتي الحلووو وي اعز ناسي ..
گعدت و اسمع كلام اهلي و گريابي ..
كانوا بعيدين ..
افتح عيوني و اشوف خيال بشر ..
شلونچ ڤونه ؟
حمدلله على سلامتچ بابا ..
بيه و لا بيچ ماماتي ..
شلون صرتي ڤيونه الغالية ..
بعدويچ يا رب ..
اسمعهم بس ما اگدر اجاوبهم الساني معگود ..
رجعت غمضت عيني و نمت ..
فزيت بعد شوية ..
عطشانه ماما ..
اي يا قلب امچ بس ميصير تشربين مي عمري انتِ ..
جابت مي و تبلل شفايفي ..
اريد قطرة تدخل بحلگي ..
بس ماكووو ..
لو نمر يمي چان ما احتاج المي ..
لان حرتوي بشوفته ..
و الساني يركض ..
حتى يسمع مني احلى الكلام ..
و چان صرت زينه بسرعة ..
حتى اگدر احضنه ..
دموعي نزلت ..
شعرت ايد خشنه دا تمسحهم ..
يااااا ربي ..
نمر اجاني ..
فتحت عيوني لگيته محمد ..
زادت دموعي و حزني ..
و انداريت بالجهة الثانية ..
متحملت ابقه اباوع عليه ..
اشرت لـ ماما اجتني ..
عفية خلي يطلعون ..
اختنگت ماما فدوة ..
بس شوية و اگلهم ..
ماما : يلا عيني ابو ڤين اخذهم و رحوا خلي شوية ترتاح الابنية ..
راحو بقت بس ماما يمي ..
اجتي عليه ..
شلون هاي الاكياس عندچ و محسيتي بيهم ؟
ماما شمدريني !!!
چان يصير عندي آلآم بجهتي اليمنه بس ما اعرف ليش ..
تخيلته وجع عضلي بسبب تعبي بالشغل ..
الحمدلله ماما بهاي و لا بغيره ..
گلتي الـ نمر ؟
بچيت بگهد ..
شبيچ ماما توجعج العملية اصيح الدكتورة ؟
لا ماما نمر بعد ماكو ..
ضربت امي على صدره ..
ليش يمه اسم الله شبيه الولد ؟
ما بيه ماما ..
عافني و بس ..
ليش عافچ ؟
و شلون يعوفچ هيچ ؟
ليش هو مو اجه خطيبچ من زلم لو شنو ؟
لو خاف عباله هو احسن منه ..
ما اعرف ماما كلشي ما ادري ..
حبابه سدي الموضوع تعبانه اني ..
حاضر حسده بس ترى هو منته ..
من تصيرين زينه نرجع نحچي بيه ..
شلونه هاڤي ؟
زينه الحمدلله ..
گامت من الكرسي و اجتي گامت تمسد على راسي ..
يا حبيبتي يا الحنينه ..
بنص هذا وضعچ و تفكرين باخوتچ ..
اي ماما لعد شلون ؟
هسة مگتيلي شلونه ؟
زينه حبيبتي ..
خو گتيله عليه ؟
لا ماما همه هسه راحو التركيا ..
اي احسن مگتيله ..
چان مسافرة هسه ..
نامت ماما على سرير بصفي ..
و اني جافاني النوم ..
اتمنى اعرف ليش عافني و كسرني ..
بتنا يوم بالمشفى طلعنا ثاني يوم ..
بقوا يجونه ناس و يروحون ..
يزوروني ..
محمد اصلاً بقه يمنه ..
اهلوا رجعوا لاربيل و هو بقه ..
حتى مديري و مجموعة من زملائي زاروني ..
بعد اسبوع من عمليتي ..
خابرة جنات ..
شلونچ حبيبتي ؟
اخبارچ ؟
و الله جنة اخبري متسر لا عدو و لا حبيب ..
خير يا روحي ؟
صدك صوتچ شبيه ؟
گمت أبچي و احچيله ..
زين شجاه ليش ؟
ما اعرف جنة كلشي ما اعرف ..
تدرين عافني حتى بدون توديعه مناسبة ..
مناسبة الشنو ؟
مناسبة للحب الي بينه ..
للوله الي چان يحسه تجاهي ..
للعشگ الي اكنه اله ..
زين محاولتي مرة لخ تكتبيله تفتهمين منه ..
حسيت غصه بصوته و دموع ..
لا مو حجيتلچ اول ما عرفت اتمرضت ..
ڤيونه انتِ مستعده تكونين زوجة ثانية ..
زاد بچي و قهري ..
اني مستعده الكلشي جنه ..
بس ميعوفني ..
اني دا اموت باليوم ميلون مره ..
كلما يجي ابالي الروح تطلع ..
اتمناه مره منهم تروح للباري و مترجع ..
اسم الله حبيبتي ..
العدويچ يا رب ..
ليش اني مأذية احد بحياتي حتى يصير عندي اعداء ..
لا و الله انتِ احسن الناس الي عرفتهم بحياتي ..
زين هو مو علساس ابن عشاير و عنده كلمة ..
ليش هيچ يسوي ؟
هوايه ولد عشاير ينسون المرجلة بهيچ حالات ..
رديتله بحزن ..
صح فعلاً ..
حبيبتي چنت اتمنى يمچ بس ابو احمد مريض ..
منگدر نرجع هسه ..
لا حبيبتي كافي صوتچ ويايه ..
و دعائچ اليه ..
اكيد ادعيلچ و ما انساچ ابد ..
ادعيلي الله يبرد قلبي و ينسيني ..
حدعيلچ ربي يجبر كسرچ ..
ودعته و رجعت ابچي ..
فتحت صفحته مال الواتساب ..
احاول اكتبله و ابطل ..
بعده قويت نفسي و كتبت ..
نمر ممكن تفهمني شنو الي ديصير ؟
قراها و مردلي ..
و اني بقيت كل شوية افتح الواتس اشوف بلكي كاتبلي ..
ردلي بعد ثمن ساعات و نص بالثنتين بالليل ..
ڤين اهلي ديضغطون عليه و ما اگدر ابقه وياچ ..
الي ديصير خسارة بعمرچ قبل عمري ..
زين عندي اقتراح نمر ؟
شنو ڤين ؟
آني مستعدة أكون زوجة ثانية او ثالثة او حتى رابعة الك ..
بس ارجعلي ..
گمت ابچي و اكتبله ..
بحيث الحروف گامت تغوش بعيني ..
ما اگدر بعد ڤين ..
و داعت بناتي ما اگدر ..
زين وينه وعدك الي ؟
راح وي قلبي الراح عده ربه ..
ههه الله يعينك و يشفي قلبك ..
ثاني يوم الصبح ماما قررت تحچي وياه ..
فدوة امي عوفي ميستاهل ..
بنات العالم مو لعبه ..
حتى يكسرچ و يمشي ..
صار اله سنة و اربع شهور ..
ليش ؟ ليش ؟
گامت تعيط ..
قصرتي وياه بشئ ..
مو حرام عليه ..
و الله حرام ..
اني ما اعوفه ابد الا افهم منه ..
من عصبيته قررت اخليه تحچي وياه ..
دگت عليه امي ..
و فتحت السبيكر ..
مشتاقة اسمع صوته حتى لو لاخر مره ..
شاله راساً ..
من سمعت صوت الـ الوووو مالته ..
اخذت نفس عمييييييق ..
بلكي يرويني بقية العمر ..
حچت وياه امي و بالگوة تحچي لان مو كلش تفهم لهجته ..
حاولت و ليش ما ليش ..
بس نفس الشي ماكو تفسير مناسب ..
عصبت امي و گامت تمزج بين العربي و الكردي ..
اخذته منه و سديته ..
و خلص ..
حضنتني و گامت تبچي ويايه ..
صرت زينه و كان لازم ارجع لوظيفتي ..
دزو وياية فاتيما ..
رجعنه لاربيل ..
الي كل مكان و شارع و زقاق بيه ذكرى الي وياه ..
كرهته و كرهت كلشي بيه ..
خليت فاتيما تنام بغرفتي ..
گمت انام بالهول ..
ما اريد حتى فراشي الي يذكرني بيه ..
يذكرني من چنت احچي وياه ..
و ابقه اسمع صوت انفاسه لحد ما اغفه عليهم ..
گمت ما اطلع ابد من سكني ..
اصعب شئ سواه و جرحني بيه كومة ..
ما اجه اعتذر من اهلي و قدرهم ..
حاولت الم روحي الي بعثره نمر ..
شئ مؤذي من يكسرك شخص ..
تحديت الدنيا ع موده ..
اخر شئ يطلع مثل ماكالو عليه ..
موكدهه ..
كلهم صح وانت چنت معمي وغلطان ..
بعد مرور شهر قررت ادزله مسج ..

(( اتذكر هالحچي زين و لا تنساه طول حياتك ..
اني مو لعبة عندك و لا تسلية ..
حعوفك هسه مثل متريد و تتمنى ..
بس حيجي اليوم الي تتوسل بيه ..
و ما اقبل ارجع وياك ابد ))

ثاني يوم من الصبح اتصلت بيه جنات ..
الو حبيبتي شلونج ؟
زينه على الله ..
لازم اشوفچ ضروري ..
ليش انتِ رجعتي ؟
ايه ..
زين شبيچ شكو ؟
عرفت ليش عافچ نمر ..
شنوووووووو

فالقصة خبر مؤكد ميسوه

شلونكم حبيباتي هذا فصل اسرع من كل يوم للحلوات ...

شبيه نمر ليش هيچ سوة ؟
شعججججججججب !!!!!!!!!!!!

لا تنسوووون التعليقات  ..
يرحمممممممكم الله ..