أول مره أحس العافيه أبن أدم 💔

البارت الأول

احس ايامي

چنها فلوس مبيوگات

ابد ماينفرح بيهن💔

مرحبا إني مريم سليم عمري هسه ٢٥ سنه خريجة بيولوجي 
موصفاتي طولي وسط وجسمي مربربه شعري كيرلي   عيوني اكبار على بابا و شفتي هم كبيره عبالك منفوخه😍

عائلتي متكونه من بابا محامي وماما هم محاميه بس اخذت الشهاده وكعدت بالبيت وعندي اثنين اخوه محمد مدرس مزوج بت خالتي تماره وأحمد طالب خريج هندسه واثنين خوأت أميره الكبيره خريجه علم نفس ومنيره بعدها طالبه طبعا احنه اصلنه من العماره بس بابا عكس عمامي جان يحب الدراسه من جان هو صغير ولان جدو ابو بابا متمكن سمح ل بابا يسكن بغداد ويكمل دراسته وبغداد شاف ماما وصارت بيناتهم قصه حب متنوصف ولان جدو ابو بابا يحبه سمح بهذا الزواج وماما لان تحب بابا تخلت عن حلمها ان اصير محاميه كبيره و بالوقت الحاضر اهواي تقدم ل بابا نصايح ومساعده بخصوص الشغل وبابا ابد ما اتخله عن عاداته وتقاليده وحتى لبس ماما عباه رأس واحنه جان لبسنه كلش محتشم والحمد لله قانعين بهذا الشي بابا جان مقسم الأسبوع علينه ان نطبخ كل يوم على وحده بينه وجان دائما يكلي طبخج يذكرني ب أهل العماره و جنه دائما اروح ل العماره ب العطل بس جانت مناسبات الزواج و أعراسهم اصير بداوم ف جنه احنا ما اروح بس بابا وماما ومرات اخوتي يروحن واني وخواتي نبقه يم خالتي ومن اروح ل العماره نبقى عد عمتي ام ضرغام لان زوجها متوفي طبعا أول ما نجحت من السادس اتقدم اخو تماره ابن خالتي ل أميره اختي وبعد الحاح ماما وافق بابا طبعا دائما جنه اني واختي منيره نقلد عليه لان هادئ زياده عن اللزوم وميحجي وإذا حجه بصوت ناصي يعني مو مثل الزلم وطبعا عمامي الي بالعمارة مكدرو يجون لان عدهم عرس ابن عمي اركان وسوينه العرس بالبيت مو بالقاعة لان بابا كال البنيه لازم تطلع من بيت ابوها وماما طلعت روحنه الا قبلت بهذا الشي ، دخلت الجامعة وبقسمي ملكيت ولا وحدة من صديقاتي وجنت كولش ضايجه
بس بعدين تعرفت على بنيه اسمها منى جانت تكعد يمي وصارت صديقتي خلصت أول مرحلة بسلام وما بيها اي شي يذكر نجحت بامتياز وجان بابا كولش فرحان ....
تحياتي @هبه أدم⚘⚘⚘