Կարող ես սիրել ինձ?

*** Գլուխ 26 ***

Առավոտյան արթնացա անտանելի գլխացավով: Ավելի էի մտահոգվում ՝ հիշելով երեկվա դեպքերը : Հետաքրքիր ճակատագիր է , ամեն տեղ , ուր գնում եմ Բրեդն է հայտնվում : 

Մինչ աշխատանքի գնալը պետք է  ինչ-որ մեկի հետ խոսեի , պատմեի ամենն ինչ կատարվում է : Քանի որ Սեմը չէր պատասխանում իմ հաղորդագրությանը , զանգեցի Սոֆիին : Սկզբում նա անհանգստացավ , որ այդքան վաղ եմ զանգահարել , հետո ես նրան ամենասկզբից պատմեցի իմ ու Բրեդի արկածների մասին : Նրա համար ամեն ինչ կարգին էր մինչև այն պահը , երբ իմացավ , որ Բրեդը BRESTYLE  -ի տնօրենն է : Մի քանի անգամ իրար հետևից ասաց , որ չի հավատում : Առաջարկեցի այսօր միասին գնալ : 

Քիչ հետո պատուհանից տեսա Սոֆիի ավտոմեքենան և քանի որ մայրիկն արդեն գնացել էր  փակեցի դուռն ու իջա ներքև:

Սոֆին դուրս եկավ մեքենայից և գրկեց ինձ:

-Շնորհավոր ծնունդդ սիրելի ընկերուհի , դու ինձ համար իսկական քույրս ես , քեզ շատ եմ սիրում:

-Լավ , լավ  , վերջ Սոֆի ,- ասացի ես,- ես խեղդվեցի քո լավ բառերի մեջ :

-Նստիր մեքենան , ես քեզ կտանեմ :

Ես հարմար տեղավորվեցի :

-Դե , Դենի , պատմիր ,- սկսեց Սոֆին ՝ ինձ ժպտալով :

-Ամեն ինչ պատմել եմ առավոտյան ,- ասացի ես : 

Չնայած երեկոյի դեպքի մասին չեմ պատմել : Ուղղակի չգիտեի ինչպե՞ս ասել դրա մասին :

-Մի բան էլ կա,- ասացի ես ծիծաղելով :

-Ես գիտեի , ես գիտեի ,- շարունակեց նա ,- ուշադիր լսում եմ :

-Երեկվա Բրեդի կազմակերպածից հետո, երբ արդեն կրեմից լվացվել էինք, Բրեդն ինձ տուն բերեց ,- այստեղ խոսքս վերջացրեցի :

-Վե՞րջ ,- զարմացավ Սոֆին : 

- Դե ոչ : 

-Ուրեմն  շարունակիր: 

-Այնպես էր ստացվել , որ իմ դեմքի կրեմն ամբողջովին չէր մաքրվել և նա ինձ համբուրեց,- ասացի ես ու երկու ձեռքով փակեցի դեմքս: 

-Այսքա՞նը:

Ես շարունակ ծիծաղում էի : 

-Արդեն հասանք ,- ասաց Սոֆին ,- ես էլ կարծեցի ավելի լուրջ բան է եղել :

-Վերջ տուր, Աստված չանի ,- պատասխանեցի ես : 

Սոֆին չթողեց միանգամից դուրս գամ մեքենայից՝ ասելով , որ ինձ համար նվեր ունի : 

-Այնքան խոսեցիր , մոռացա նվերս տալ,- ասաց նա ու մեքենայի դարակից հանեց ուղղանկյունաձև ապարանջանը, ամրացրեց ձեռքիս : Այքնան ուրախ եմ , որ նրա նման ընկերուհի եմ :   Չգիտեմ ինչպես նրան շնորհակալություն հայտնեմ :