Կարող ես սիրել ինձ?

*** Գլուխ 14 ***

Առավոտյան ժամը 9-ին արթնացա : Մի քանի րոպե շուռումուռ եկա անկողնու մեջ , քանի որ չէի ցանկանում աշխատանքի գնալ : Սեմն ինչպես միշտ ինձնից շուտ էր վեր կացել և հասցրել էր նախաճաշ պատրաստել : Ձվածեղի հոտը խոհանոցից տարածվել էր մինչև իմ սենյակ : Երբ վեր կացա մի կերպ , հեռախոսով սկսեցի երգ լսել , Սեմը կանչեց իր հետ նախաճաշելու : Նախաճաշից հետո Սամանտան զանգեց.

-Դենի՞,- լսվեց նրա ձայնը :

-Այո , ի՞նչ է պատահել ,- պատասխանեցի ես :

-Ոչինչ , մի խնդրանք ունեմ : 

-Ասա , իհարկե:

-Կլինի՞ մինչ կեսօր ես քո փոխարեն աշխատեմ , իսկ դու կեսօրից հետո:

Կարծես իմ մտքերն էր կարդում: Չգիտեմ ինչու , բայց այսօր ընդհանրապես աշխատանքի չէի ուզում գնալ :

-Իհարկե , Սամանտա , ես կեսօրից հետո կգամ ,- աշխույժ ձայնով պատասխանեցի ես :

Շատ է պատահում , երբ մենք փոխում ենք մեր գրաֆիկը : Սամանտան լավ աղջիկ է ու միշտ ինձ զիջում է :Եվ այսօր էլ լավ ստացվեց ,գոնե մինչև կեսօր իսկապես կարթնանամ :

Սեմի հետ սուրճ խմեցի , բայց դա էլ չօգնեց : Աչքերս անընդհատ փակվում էին : 

Ժամը մեկին Սեմն առաջարկեց սրճարան գնալ ՝ թարմանալու համար : Ես միանգամից համաձայնեցի : Եթե իմանայի , որ Բրեդն էլ կգար չէի միանա նրանց: Համենայն դեպս առիթ չեղավ Բրեդի հետ մենակ մնալու :  Ես սրճարանում էլ երկու գավաթ սուրճ խմեցի , որից հետո կարծես սթափվեցի : Սեմը մեզնից ներողություն խնդրեց ու Մոլլի հետ սկսեց զբոսնել սրճարանին կից այգում : 

-Հորդ ճանապարհեցի՞ր ,- հարցրեցի ես Բրեդից : 

-Այո,- կտրուկ ասաց Բրեդը :

Այսօր մի տեսակ մռայլ էր նա : Նման չէր այն կատակասեր Բրեդին : 

-Տեսա՞ր , որ ծրագիրն աշխատեց,- նորից հարցրեցի :

Բրեդը չպատասխանեց : Այս ամենն ինձ շատ տարօրինակ թվաց : Նա հեռախոսով խաղ էր խաղում , իսկ ես ձանձրանում էի առանց Սեմի : Վեր կացա , որ միանամ Սեմին : Շրջվեցի , տեսա մեր սեղանին է մոտենում Աննան : Քիչ-քիչ կասկածում եմ , որ նա ամենուրեք տեսախցիկ է տեղադրել՝ մեզ հետևելու համար : 

-Բարի օր , ինչպե՞ս եք,- ասաց նա Բրեդին ժպտալով :

Բրեդը բարկացած վեր կացավ:

-Գնա այստեղից,- ասաց նա : 

Ես միայն հետաքրքրության համար էի լսում նրանց խոսակցությունը :

-Բրեդ , ինչու՞ ես այդքան կոպիտ ,-  ավելի համեստորեն ասաց Աննան:

-Որովհետև չեմ ուզում քեզ տեսնել ,- պատասխանեց Բրեդը , բռնեց իմ ձեռքը :