حين عاد فارس إلى منزله وجد شهد أمامه: إيه دا كله وداخل فاضى فين طلباتى
- غورى يابت إنتى أنا راجع رايق ومش عايز عكننه
- يا سلام وطلباتى
تدخل عز: متضيقهوش يا شهد
- ماهو اللى مطنشنى
- بت إنتى أنا مش تحت أمرك ورجليكى معاكى اللى تعوزيه روحى هاتبه وإياك تتصلى بيا تانى وأنا سايق
إنت بتزعقلى ليه
- عشان عملت حادثه بسبب رغيك ولولا ستر ربنا كانت ماتت
- هيا مين دى
- معرفش واحده خبطتها ولولا إن أمك بتدعيلى كان زمانى فى الحبس
فزعت فاطمه: يالهوى شوفتى يازفته أنا قولتلك متكلميهوش وهو سايق
- ياماما دا بيأفور عشان ميجيبش طلباتى وياستى لو راح القسم زين هيطلعه
- ليه فاكراه مين ولا هيا بلطجه وخلاص وبعدين لو حد مات لا زين ولا عشره زيه هينجونى من الحبس
- أوووف خلصت
عنفتها فاطمه: تخلصى عالجلد يارب أنا عارفه إيهاب كان انطس فى نظره ولا عمى لما اتجوزك
- كده ياماما
- جك مو بيقولك عامل حادثه إنتى من هنا وجاى تعملى حاجتك بنفسك كفايه دلع إنتى مبقتيش صغيره
- تصبحو على خير
- مش هتتعشى
نظر إلى شهد : نفسى اتسدت
فهتفت فاطمه بغيظ: منك لله دا أنا ماصدقت أشوفه رايق نكدتى عليه
- رايق وعامل حادثه طب تيجى ازاى دى
- آه عشان ربنا نجاه ورجعلنا بالسلامه
دخل فارس غرفته ونام بثيابه وأغمض عيناه يتذكر حديثها وملامحها وهو يبتسم حتى نام
بصباح اليوم التالى إستيقظ سعيدا وتفاجئ أنه لازال بثياب الامس فنهض وتحمحم وغير ثيابه وخرج ليجد والدته فبادرها ببسمه صافيه
- صباح الخير يا ماما
- صباح النور يا ابنى
صدع صوت شهد من الداخل: ماما أطفى عن البيض بقى
- أيوه وسخنى العيش
- حاضر
رفع حاجبه: هو فى إيه ؟
- مفيش شهد بتعمل الفطار
- إشمعنى
- أنا وأبوك اتفقنا على كده إمبارح من هنا وجاى تشتغل تخدم نفسها وتخدمنا فضلنا ندلعها وإيهاب يدلعها لحد ما عيارها فلت
- وهيا وافقت
- آه قولتلها يا كده ياتروحى بيتك ومنشوفش وشك تانى ولو ضربك حتى متغضبيش عندنا وهنقوله كده عشان يعرف إن ملكيش غيره ساعتها هيعمل ما بداله
- وبعدين
- ولا قابلين وافقت ورجلها فوق قفاها وخصوصا إنها لقت باباك موافق على كده وبيقولها يا توافق يا يتصل بإيهاب
- هههههه لأ برافو عليكو هيا لازم تفوق وتتحمل المسؤليه بقى ولما تتمرمط هتعرف قيمه النعمه اللى هيا فيها وقيمه جوزها الغلبان
- صح كده وإنت عليك بقى إيهاب
- متخافيش إحنا بنقويه عليها عشان ميحنش وترجع تتستعبط فيها دى هزقته وقلت قيمته
- والله أنا اللى ندمانه وقفت فى صفها وخفت عليها ياريتنى سمعت لأبوك لما قالى بلاها الجوازه دى دى هتبهدل إيهاب
- وأنا برضو بس تصدقى رغم دا كله إيهاب لسه بيحبها وشاريها
- والله الواد خساره فى جتتها
- دى متخلفه عمرها ما هتلاقى حد يحبها ويخاف عليها اده عارفه آخر مره روحناله أنا وزين بقى هاين عليا اقتلها حاله يصعب عالكافر دا حتى الأكل مفيش
- يا كبدى يا ابنى
- آه الهانم طفشانه ومشت الشغاله عشان تقرفه حلو طب هيا مدلعه وهو مش قادر عليها العيال ذنبهم إيه
- كده طب ماشى
- هتعملى إيه
- ولا حاجه هعمل أكل كل يوم وابعتهوله بس إنت هتتعب معايا
- لأ بسيطه حتى أبقى أطمن عليه وعلى الولاد
- ربنا يسعدك يا ابنى
- متحرمش منك ياماما
