البارت 8
البارت الثامن
عضيدي ... كلي قيصر دير بالك على امي .. جنها ها هي خوية و ما وصيك لا تجيب طاري لاحد على السابفة البيناتنه اني مصدكك ..بس بعد اخوك عوف هالدرب ... صوته اختنك بالزايد كلي ق..ي..صر كتله بلهفة خوووية سليم شجاك هسة جنت زين ... كمت من يمة ركض طلعت اصيح ياااا ناااس ياااا عالم وين الدكاترة هنا افتر بالممر وادور. تعالوا اخوية حيموت ... ركضوا دكاترة ٢ عليه و طبوا ينعشون اخوية لان انتهى ... حاولوا و ما فاد ... غطوا وجهه و كلولي البقاء لله ...
هنا اني عيني اظلمت و ما شفت شي بس سچاچين بكلبي نبتن و كعت بالكاع اصرخ لااااااااااا كمت اضرب بروووحي و حيل اريد ااذيها .. اريد اعاقب نفسي الي حرمتني من اخوية .... اخوية شباچ كلبي ... اخوية يا نسمة ربيع ... يا نبض بين الضلوع ... اخوية سليم ركضت ع السرير و بحرگة و صراخ كتله كووووم با ترووووح باجر امي رح تروح لبيت زينب .... كوم سليم قاطك معلك بالكنتور و بسيارتي نطلع و الله رح ازينها ... و احرك الجو حرك بالطلقات و اجيب مزايق حتى لو بس خطبة اني جم سليم عندي كوم بعد بيتي ...
لا تعوفني و تروح .... حضنته وابجيو ما واعي ع نفسي حتى ضرب ضربته ... جوي الممرضين يجرون بيه و اني بكل قوتي متشبث بأخوية حسيتني اريد اخذه واضمه بين
ضلوعي و يتنفس من رئاتي ... و يشوف بعيوني ... و ينبض بكلبي ... بس مكدرت شميته اخر شمة و بوسته وكتله خوية اروح اودي قاطك للمكوي واجي اخذك للبيت نرجع سوة ....
ورا وفاة اخوية طبيت حالة نفسية قوية حتى حاولت الانتحار ضعف ايماني و قل صبري و جزعت من نفسي ياما و ياما اخذت حبوب مهدئة كوووومة حتى اروح يم اخوية بس يتلاحكولي و يسولي غسيل معدة ... و اطلع من المستشفى وارجع اوكف كدام المراية و اكول لنفسي (هااا قيصر العار ميموت هاي انت هنا و اخوك جوة التراب خليك اتعذب بطيء تستاهل.. سقوطك و عاريتك خلت اخوك ينحرم من الحياة و انت الي تستاهل الموت يا قذر ما متت لساك تسرح و تمرح ..... )
كرهت نفسي هواااااية ..و كرهت الحياة ... ودوني دكاترة نفسية ما فاد و دوني شيوخ ما فاد بس اخر واحد نصح اهلي يزوجوني حتى اطلع من هالحالة ... واني مجاريهم بس علمود يكفون عني .. لان كرهت الحلول السطحية و ميدرون دا اتعذب و كل نظرة لامي وهي حاظنة قاط اخوية وحاطة صورته و تحجي وياه تهد حيلي ... و تخليني ازيد بحالتي انطويت على نفسي و عفت محلي و سكنت غرفتي و ما اطلع منها ابد هملت نفسي لحد ما مليت من الموت مديجي و يكرفني ...
بعض من اصدقائي المقربين جانوا يزوروني بتواصل و ما تركوني لحد ما بالكوة طببوني شريك وية واحد منهم بمحل حاسبات ...
حتى التهي و اطلع من هالحالة ولو اهلي ما معتازين بس حتى يبعدوني عن العزلة و الانطواء اخذوا بأيدي و ساندوني .... و فعلاً كدرت اتخطى مرحلة الانطواء و كمت اشتغل بس بدون هدف بس لهو حتى انسي روحي شوية
و افرح امي لان امي تعذبت هواية دكول اني مو بس سليم راح مني قيصر هم راح بس بقى جسد بلا رووح .. و ماتت و حاولت ترجع ضحكت قيصر و شقاوته مكدرت و لا احد كدر ... صرت انسان ثاني عصبي .. نحس .. كولشي بعيني مو حلوو .. الدنية اكرهها ... اطلع و اطب بلا روووح ... الليل ما انامه بس اتكلب .... بيه الم و ما اعرف مكان الالم اتوجع و ما ادري شنوة الوجع .... كمت من اختلي وية روحي بغرفتي ومن اشرب جكارة اطفيها بجسمي و ما احس بالم بحيث جسمي كله مطكع ... مچوة ... بس اتجهت للحديد اروح يومية اربع او خمس ساعات لقاعة حديد و العب ... ارتاح شوية ... وهاي صارلي سنتين من مفارك اخوية و بأيدي قتلته ..... و اليوم امي جرتني جر اخذتني حتى نشوف بنية حتى اتزوجها ع اساس تطلعني من هالحالة😏 ما ناقشتهم رضيت...
يتبع تصويت بنات ومتابعة للقصه
