بارت14
البارت الرابع عشر
معقووولة لابسة سيت نووم هاااي شنووو😱اني مو اشتريتلها بدلات ...؟ ليش لابسة سيت نوم ...؟ زين اليوم مهر هاي ليوين بالضبط تريد توصل ...؟ كمت وكفت عيني عليها ممبين منها شي حاطة شال ابيض على راسها بس ليييش ؟؟ مو صارت مرتي هسة 🙄 و مدنكة و ممبين من وجهها شي ... بس السيت اللابستة 😂فاضح و شفاف و مگسم عليها هي قصيرة وطبت لابسة شحاطة فلات بيضة من وكفت بصفي ضاعت يعني ممكن اشيلها بتك ايد بس هي مو ضعيفة ... المهم سلمت عليها واني ما اكدر اباوع بوجهها ضيعت نظري ع الوراها ... هي مستحية و وجناتها صارن كلوبات رفعت عينها و ردت السلام بصوت ما سمعته بس عينها دوووختني صراحة ...فشتت نظري و كلت بكلبي قيصر شبيك هي مرة و كومة شايف مثلها ... اثبت 😤 كعدونه وهي من كعدت الشال مالتها انتل بالكرسي وظلت خيوطة مچلبة بي فأني جيت دا افكه وصرت كبالها و هي بين ايديناتي اثنينهن 🙈
عبالك حاضنها بس حاطة عطر خفيف و حلوة ريحته
وهي من الخجل رفعت عينها وصار وجهها قريب من وجهي و طخ خشمها بخشمي ... بحيث انفاسها لعبت
بنبض كلبي و خلتني اجمد و ما تحركت بس كلبي الي بقة يددددك ع السريع ❤️❤️❤️
عينها بيها سحر و عفويتها دا اوخر و وكعت عيني على صدرها هي بيضة ثلج و ناثره لمع عليه وهاي شنو ضاربته فازليييين 😬😬😬
ورة شوية جابوا صينية وبيها جبن وخضرة و ماعون عسل 😨شنووو هاي خبز العباس 🤔معقولة هاي جانت ناذرة. بس تزوج توزع خبز العباس بالمهر ..؟ ليييش هيج بس لازم اسألها ع السيت النوم شوازاها ولبسته😒
النسوان الكبار صاحوا لطعيله و يلطعلج 😰شنووووو الطعلها 😑 هي استحت باوعتلها كتلها عندج علم اني مثل الطرطور هنا ...؟😤 باوعتلي كلتلي ليش😳
كلها مدا افتهم او انت لابسة هذا السيت بدال البدلات هو منو كلج اليوم زفة ...😬زين جبتوا خبز و خضرة و جبن كلت يجوز ناذرين خبز العباس ... بس هسة الحجية دكول لطعلها و تتلطعيلي هاي واكفة ... رح اكوم اطلع ...
كلتلي ..لا انت فاهم غلط .. هاي عادات و تقاليد اهل امي هيج من يكطعون مهر حتى جنت حاطه رجلي بنجانة مي و ياس 😅و لازمة القران و اقرا سورة الفتح و كدامي مراية هاي عادات وطقوس حتى هذا الجبن لان ابيض و الخضرة لان خضرا حتى نبدي حياة جديدة بيضة مثل لون الجبن و خير مثل خضار الخضرة..؟ كتلها و العسل شنووو ..؟ كالت حتى ... وجان تحمر خدودها و دنكت 🙄كتلها شنوووو؟ كالت حتى تحبني و احبك ....
باوعتلها وعيني ما وخرت عن عينها ما اهتميت للجملة و الخزعبلات الكالتها ... بس اهتميت بكلام عيونها ... عينها تحجي و شدتني اكثر من دنكت و لمعت عينها من الخجل
كامت وكفت و اني هم دياخذولنه صور و الچكليت فشخ براسنه ...🍬🍬 وهي ضحكت من شافت وحدة جتني
عدل و كبل بعيني... ضحكتها بعفوية خلتني غصباً عني ابتسم .... جان انتبه لنفسي و امسح الابتسامة ... كلت بكلبي ( ها قيصر انت هنا دتتونس و فرحان و اخوك ما شاف هذا اليوم من ايدك انت الحرمته ... انت القتلته ..)
افترت الدنيا بي واختنكت كمت اشوف غواش .. و الكاع بعد مدتحملني ... الاصوات الي يمي صارت هوووسة مدا افتهم حطيت ايدي على ايدها اتوچيت بيها و كتلها اريد اروح للحمام كالت اي ... تعال شبيييك اشو وجهك اصفر ... كتلها ما ادري اريد اروح للحمام ..
اخذتني وطلعنا وهذني يهلهلن ورانة ردت اركع وحدتهن بالحايط ....
طبيت للحمام واني دايخ غسلت وجهي و فتحت الرباط اخذت شهيق و زفير ... انتچيت ع الحايط وصفنت بحالي ... نفس اعراض الحالة الي جانت تجيني بهد وفاة اخوية الله يرحمه ..ردت ابتعد عن الهوسة واطلع مكدرت لان دايخ فتحت الباب ملكيت احد و صار كبالي باب مسدود تمنيت يكون المكان فارغ كومة مزعطة بين رجلي اني و دا امشي و هاي الي مفرعة و من شافتني راحت تركض و هاي الي اول مشافتني مبرمجة كامت تهلهل .. و اني ركض فتحت الباب و دخلت لكيته غرفة الخطار بس فارغ .. سديت الباب و كعدت ع القنفة .. و رجعت راسي ليورة. افكر هاي اني وين جبت روحي و ين جيت ... وكعت نفسي بتهلكة ... اني مو مال زواج ... اني شلون اتزوج و اخوية حرمته اني من الزواج ..
يتبع......
يتبع تصويت بنات
