البارت الثالث
جان عندي محل ملابس نسائية بوقتها و ابن سوگ اعرف النسوان الزينة من المو زينة الكفها و هي طايرة ...
جانت تتردد علي هواية انواع من النسوان و اني العب وية هاي و وية هذيج ... طبعاً بس الي تنطي مجال .. المحترمة و الشريفة هاي ما راح تنطي مجال و اني كذلك اعاملها بكل احترام و عملية ... بس تجي عليه نسوان يحجن الحايط ... هي تتموع و تفتح زيگها لو تعال صعدلي السحابة 😬و اطب للمنزع واصعدها و كولشي طالع👙عادي هي متستحي اني استحي ليييش 🤔
و غيرها و غيرها ...
فد يوم جتني وحدة اية من الجمال .... طويلة و رشاقة.. و سفور شعرها لييل و لابسة لبس خلت السوك يومها كولة يلطم 😬😬
خلتني اتبلعم و ما اعرف احجي اني قيصر الي يتكاتلن علية البنات اضعف كدام هاي 😑مكدرت اقاوم هي تحجي واني اختبرها ... ساعة اتقرب الها و اوكف بصفها وساعة اطخ ايدها و اسوي روحي ما ادري ... المهم اكتشفت الحلوة بيها مجال ... قيصر ما صدك هاي الناگة لازم تصيرلي ... بس اكيد مو زواج بس صداقة ... علاقة ... شلون ما تكون المهم ما اتزوج اني هالاشكال اكيد اليوم نطتني مجال الي اكيد ناطية مجال لغيري .. وباجر رح تتكرر وية غيري ...
المهم حست هي اني اريد اصادقهة فكالتلي ...
ممكن اخذ رقمك حتى اسألك ع الوجبة الجايةمن هالبناطير ..
كتلها بعيني 😍😍سألتها ..: بس شنو اسم حضرتج ... متت الا اعرف اسم هالناگة ...
كالت اسمي حور ..
الله الله حور الجنة اكيد كلت بقلبي ...
طبعاً محلي بي خط خاص اله بس منطيته الها نطيتها خطي الخاص😎حتى انسق وياها ... اخذته و وكعت كلبي بأبتسامة خلتني اعمى ما شفت الاستاند الكبالي وهي ما طلعت اني وكعت 😰
ثولني حسنها و شامتها الي على شفتها الفوك ... شامة زغيرة شهتني شفتها 👄👄 حلفت الا اكلها فد يوم ...
ظليت يومية انتظر ... هسة تخابر .. ماكو ... اليوم تخابر ... ماكو كلساع اجي اخم التليفون بي ارقام غريبة ... ماكو ...
ورة اسبوع واني ابد ما نسيتها يومية تجي على بالي ...لعبت بيه لعب... كمت افتح يومية على امل تجي ... واني كاعد ورة الميز بيدي الموبايل ... دك علية رقم غريب ... اني كمزت من مكاني و كلبي صارله جناحات ... ناگتي دكت ... 😍😍😇😇😇
شلت التليفون ..
الو ..:
هي و بصوت ماااايع ..:مرحبة
اني عرفتها هي بس بثكل كلت ..: اهلاً
هي ..: عرفتني ؟. اني و بنفس الثكل ..: لا ولا زغراًبيج
هي..: اني حور قبل فترة اجيتك و ردت بنطرون و كتلي رح انزل وجبة جديدة ...
اني قاطعتها ..: ااي اهلاً اتذكرتج 😍
هي ..: شلونك
اني..: الحمدلله بخير انت شلونج
ظلت تلف و تدور و تفتح مواضيع ما الها معنى و تضحك و ضحكتها تدووووووخ 😵 واني اضعف اكثر و اكثر ... الى ان طلبت منها نتشاوف بمكان عام اعزمها يعني ...
وهي وافقت بعد ما جرت بظهرها شوية و عبالها رح اصدكها هي عفيفة و ما عدها هالحركات جتي على قيصر الي مفتح باللبن 👀👀
ظلينا نتقابل باماكن عامة .. و يوم اعزمها ع غدة و يوم ع عشا و هكذا الى ان توطدت علاقتنا اكثر و صارت ذايبة بيه و اني دا اموت بس اريدها بين ايدي اكلها و ما اشبع ... بس جنت دا اطبخها. على نار هادئة ...
وظليت اجر بظهري و ماناطيها مجال الى ان هي جتي برجليها لمحلي ... اني المحل مالتي بي مثل المخزن احط بي البضاعة الجديدة اضمها ...
اجتي و جانت لابسة عباية اسلامية و شال بس ما سادته زين .. اني مفتهمت شنو القصة ... معقولة حور تحجبت و الله هداها ... ؟😰 ليش متسترة هالكد وهي ضد
هاللبس صراحة من اول ما عرفتها و كمنا نطلع هي تقلد ع المحجبات و المتسترات... اني لا تشوفوني هيج امي و خالاتي وبنات خالاتي محجبات و مسترات و كلها عبي يلبسن ... اني ما احجي ع السافرات و لا الي متلبس عباية بالعكس اني هواية شايف بنات مو محجبات بس شايلات ثكل و اناقة اخلاق تعجّب و تصفن ... و بنفس الوقت اكو المو خوش يعني هي مو باللبس و اني هاي البنية ظليت اختبرها بس هي مدتنجح بالاختبارات يوم على يوم تبرهنلي هي ما تملك اخلاق ... بس شيطاني قوي الي محليهة بعيني و خالني العب وياها ...
المهم ... اتقربت الي و سلمت عليه وهي مرتبكة ...
كتلها شبيج حور اشو مو تمام ما عجبني وضعج ..
اباوع وجهه اصفر ومابي مكياج ... 😲😲
كتلها صاير شي ...؟ كولي
اشو اني كتلها هيج وهي حضنتني و دك بجي .... هي تبجي منا واني روحي شايغة منا 😬
وما همني ليش دتبجي بكد ما همني متعوفني ...
كالت قيصر اني مخنوكة... مسحت دموعها و تقربت بشفتي ع شفتها وعيني ع شامتها بالضبط اريد اكلها حلمي اضوكها ...كتلها سلميني نفسج واني انسيج حتى اسمج ... باوعتلي وابتسمت ... هنا اخذت الموافقة ... ما علية عتب هي جتني ... و بس عرضتلها العرض وافقت و بدون مقدمات سحبتها بكل ما عندي من قوة و سويت الي سويته و برضاها ....
تصويت وتعليق حبايب
