بارت 18
البارت الثامن عشر
كالتلي واني دا اسوق ... عفية اطلب منك طلب ... كتلها كولي .. كالتلي بالاحرى اثنين .. كتلها لا تطمعين ...
كالت اول طلب ما راح انطيك سترتك مال المهر الي نسيتها يمنه .... هذا عقاب الك لان عفتني بهذاك اليوم اني صدك ضجت من تذكرت ذاك اليوم الي اكرهها ...
كتلها والثاني ... كالت اريد اسمع اغنية احبها .. كتلها اغنية .. ؟ و سترة ؟ باله هاي طلبات ...؟😏
كلتلي لعد شترييد اطلب بوســ.....و جان تسكت و حطت ايدها على حلكها متندمة حجت هالشي ... و وجهها صار طماطة..
اني ضحكت بكلبي ... بس كدامها ثولت الموضوع و كمت ادندن باغنية عمرو ذياب ( ومالو .......) هي جان تندار ببطيء عليه و تباوعلي كلتلي شمدريك اريد هالاغنية😳
كتلها ليش تريدين هاي الاغنية ..😳 كلتلي اي ...
كتلها اوك غالي و الطلب رخيص ... هي جان تبتسم ابتسامتها التي تخليني اثول من وراها ...
و كالمعتاد ما باوعت عليها سويت روحي ملتهي بال mp3 ..🙈 و علكت الاغنية بس وكفت السيارة بمكان هاديء و ظلمة ... ظلينا سارحين بخيالنا لدقايق كل واحد و باله الثاني يتمنى باحضانه يتمنى بين اضلاعه بس بالحقيقة مدنجرؤ لا هي و لا اني ... هي لان تملك حياء و عفة .. واني لان ما اريد الوثها و ادنسها بشر آثامي ...
رجعت راسي ليورة ع المسند مال الكرسي و سديت عيني
و بالي وحدة بس ... هي نور ... نور الي مفروض هي احق وحدة بيه و اني احق شخص بيها بس بعيدة كل البعد علية ... بالواقع كاعدة بصفي بس هي حلم ما اكدر اتقربلها ... سرحت بخيالي و اني وياها كون واكفين بمكان خالي ما بي احد بس ضوة الكمر و محاوطه بايدي و لازكهة على صدري و دنركص ع هالاغنية و راسي دفنته برگبتها المرمر اشم عطرها و اشبع من شوفتها بلا ما اشتت نظري عن شوفت عينها و ضحكتها الي تخليني ابتسم غصباً عني ... حبيتها و جبان خايف اكمل وياها ...و بلية شعور واني و ساد عيني حطيت ايدي على ايدها الي حاطتها بحضنها ... هي ظاهر نفس حلمي و نفس شعوري لذلك تقبلت الموضوع و بادلتني الشعور وعصرت ايدي حيييل حسيتها متشوقة لحضني و للمساتي .. فتحت عيني و شفتها خدودها موردة و عينها بيها لهفة و شوگ كارثي خلتني اتقدملها ببطيء و امسد شفتها بشفتي و اختلطت انفاسنا و اتسارعت دكات كلوبنا شلت ايدي و اسحبت شالها و اني لساتني غركان بانفاسها هديت شعرها و انسدل على اكتافها و دخلت راسي بين خصلاته استنشق عبيره بشووووك قاتل اني كلبي راد يطلع من ضلوعي بهاللحظات و هي ذايبة بين ايدي ... تهت و ذبت و غركت بحسنها و بعطرها و تفاصيلها رفعت ايدي لعبت بوجناتها و مشيت شفتي عليها اداعبها بيها وهي رفعت ايدها تبادلني الحركة ...
و بهالاثناء واني طاير وية هالحمامة واحد اثول يدكلي هورن ... خلانه اثنينه نفز لا يا دب 😤😤هسة انت وكتك 😡😡 كلت احم احم ... نور لبسي شالج هي هم ع السريع لبست شالها و اني حركت و مشيت السيارة هع السريع ..... الطريق كله مالي جرئة اباوعلها ما اريد عيني تفضحني ... و تبينلها صدق مشاعري الي اختلط الحب وية الجنون ... اي تخبلت ... لان ماكو عاقل يترك هيجي حمامة حلاله و ميباوعلهة و ميديرلها بال ...
بس اني جواية دا احترك بنار العشك و الرغبة ... بس ما اكدر انولها لان ما استحقها ...
رجعتها لبيتها ... و ظليت واكف بعد ما نزلت و بسمتها الحلوة على ثغرها الي رواني قبل شوية من مي الحب ...
كتلها نور .... كالت عينها ... كتلها الي صار قبل شوية دفني ولا تفكرين حتى بي ... واني ودا احجي وياها و على غفلة اجاني وجع رهيب بخواصري ... و اختنكت ... اشهك اجرالنفس گوة ....كلتلي قيصر ... شبيك 😱😱
اشرتلها توخر ... فتحت الباب وكعت بالكاع على ركباتي بس اتقيء ظليييت على هالحال و هي تبچي تريد تكومني مكدرت طبت صاحت ابوها و جابت مي ... غسلت وجهي واني بعده الالم بيه ... مخنوك و غواشة بعيني و دوخة ..
تعاونت وية ابوها وسندوني دخلوني جوة ... مددوني ع القنفة لان تعبت و جتي ركضت جابتلي مي سندت راسي و شربتني ...و مسحت جبيني لان كولش عركان كلتلي قيصر شلونك هسة ...شوية ارتاح دنوديك للمستشفى ...
يتبع.....تصويت وتعليق حبايب
