البارت 9
....
بدينا نسال اصدقائي يسألون و يجون يحجولي ...
هذا الي يكول ونعم الاخلاق و هذا الي يكول تربية ذهب ... وهذا الي يكول غمض واخذ ... المهم طلعوها ملاك ... اني كلت لا هاي الناس تخاف تحجي على غيرها لان الوكت مو حلو ... فقررت اني اختبرها وية حركات المراقبة مالتي ... حصلت رقمها بطريقتي الخاصة و كعدت افكر شلون اجيلها وشلون ادخللها ...
دكيت عليها واني اكو فكرة براسي ... غيرت صوتي حتى لا تشك بعدين والخط عندي تليفون قديم ... انفتح الخط ..
نور ..: الو
قيصر ..: الو .. مرحبة
نور ..: نعم تفضل
قيصر ..: بلة زحمة انت نور ... ؟
نور..: نعم اني نور منو حضرتك ؟
قيصر ..: انت متعرفيني ... بس اني اعرفج ...
نور ..: 😨😨مين تعرفني و شلون ما اعرفك و انت تعرفني ؟
قيصر ..: المهم ... اني من شفتج دخت بجمالج (كلت خلي العب ع هذا الوتر لان كل بنية تغتر بجمالها تحب احد يسمعها انت حلوة و وكعني جمالج ومن هالخريط )
نور ..: اخي انت غلطان بالرقم اني مو نور ...
وانطبك الخط..... طوووووووط 🤔
ظليت ادك وهي متشيلة .. 😐 هاي شبيهة .. معقولة اكو هيج وحدة ... ؟
كلت ممكن مالة من هالتصرفات يجوز يعني سامعتها هواية و تريد شي اقوى ...😒
(يعني مثل شنو عيني قيصر 😱) 😂😂
المهم رحت لامي كتلها يوم اني سالت و الناس تمدح بيهم بس اني اريد فترة خطوبة اختبرها البنية ....
الام ..: ابني على شنو تختبرها هي داخلة فترة خطوبة لو معسكر تدريبي ... توكل على الله و احسم امرك ...
قيصر ..: يومة اني دا اكلج اختبرها و من هسة دا اكلج اذا شفت زايدة او ناكصة عليها اعوف الجمل بما حمل وما اكمل ...
الام ..: استهدي برحمن يومة البنية بنت اوادم ...
قاطعتها و كتلها هاااااا رح تبدين تدافعيلها بعدنا ما بدينا الله يخليج انت لا تتدخلين اني و البنية نندك كبة انت معليج
الام ..: ليش يومة ليش ... اي فعلاً اني مو ام موووو اني ميصير افرح موووو الله يرحمك سلوم يمة انت مخليتني
افرح بعرسك و هذا اخوك هم ...
امي بعد ما كالت جملتها الاخيرة و كأنما تعرف على يا وتر تلعب وتر الفقدان و الضمير الي ديأنبني ليل نهار ...
اني زهكت و صرت اصيح يومة ليش تجيبين سيرة سليم الله يرحمه هسة هذا وكته شجاب هذا على هذا ونار و وجت بيه كتلها باجر المهر و رح اجيب سيد و نعقد هم بعددددد ؟ زين و ما اغير راي باجر يعني باجر روحي خابري اهل البنية و كوليللهم
الام ..:😱يا باجر ولك مخبل انت .. البنية ممستريلهة لا حلقة و لا نيشان ... شلوووون ؟؟
كتلها اني اجيبهن هسة طالع و ما اريد احد يتدخل ...
طلعت وسديت الباب وراية حيييل ... صعدت بالسيارة و احس كلبي جمرة نار ... اني رح اعرس و اخوية ما عرس ويتبع تصويت وتعليق حبايب....
