البارت 12
البارت الثاني عشر
طبعاً حسيته ميعرف شنو مفرط ففشل من الولد كله اريد زنجيل وبي مدالية ... طلعله كارتير كله اخذ هذا و نضيفله اي مدالية عجبتكم ... باوعلي كلي ها عجبج شي ..؟ اني ما ادري ليش انثول من يباوعلي بقيت ساكتة 🤐و اباوع بعيونه ...بحرررر و بيها لمعة تدووووخ 😵 جان يعوفني و يطلع ... اني اتفاجئت كلت هذا وين راح و عافنه هنا بس لا مسوي بينه مقلب🤔😨 بس لا والله شفته وكف بالجام خانه يباوع للمداليات ... جان يأشر لوحدة على شكل ملاك فاتح جناحينه وشايل قلب ...
الصايغ كله اي دقيقة و شالهة راوانياها بعد ما حطها بالكارتير و طلعت تخبببل و عجبتني ... 😍😍😍اهم شي هي ذوقه 🙈وراها هو اختارلي سوار كارتير هم و تراجي نازكة و حلقة تون 💍و جان يكولي ها عجبج شي بعد؟ مجاوبت بس هزيت راسي لا ... نصه عليه وشاورني كلي شنو ما عندج لسان ... عزززززة اني انتهيت من الفشلة ....و جان كووولش قريب عليه بحيث صوته هز مشاعري و خلاها طايرررة هذا الولد ليش هيج يلعب بمشاعري ...؟مثل موج البحر ساعة يخليها ثايرة و اعصب و ساعة يخليها هادية و باردة و ذايبة بعيونه السود ....دفع الحساب الي سوة هواااية بحيث اني و امي ظلينا مبهوتين😨😨 و طلعنا رحنا لديڤاين بالمنصور محل يبيع بدلات ... اني جنت من امر للكوخ ( مجمع ملابس ) اباوعله واتحسر بس يبيع بدلات كل بدلة احلى من الي بصفها يعني مال ممثلات و عارضات جنت اتمنى
البس منها ... فمن دخلنا كله لابو المحل اريد بدلات الوانها چويتي او ماروني او زيتوني قياس ٤٠...
اني و امي 😲😲صافنين شلون عرف قياسي 😰😰
كله اوك و طلعلنا ٥ وحدة احلى من اللخ ... كله اريد هذني ال٣ و اخذ اشلحهن يبووووو😨😨هذا الولد رح يخبلني 😂 بعدها دفع الحساب و جان كووومة و طلعنا رحنا للسيارة واني طايرة من الفرح .. كعدت ليورة بمكاني بس امي رجلها كامت تون عليها بالزايد فكالت يمة نور اريد امدد رجلي كتلها اي يومة تعالي هنا ... جان المحه عدل المراية و خزرني 😒كلت بكلبي يومة حجيت شي غلط ...؟
كالت امي انزلي انت كعدي بمكاني 😱كتلها هاااا 😅يومة مرتاحة هنا ... هنا هو مسكت جان يكول بس هنه نفس الدوشمة هذا المقعد و الورة 😒 احم كتلهة اي يومة صار ... نزلت ورحت كعدت يمه اكياس البدلات حطهن بالصندوك و علب الذهب بكيس بحضني ... حرك السيارة و علك اغنية اني صراحة ما احب الاغاني بس هالاغنية عشقتها لعمرو ذياب ما اعرف اسمها بس بيها مقطع (انا هنا جنبي احلى الناس ) السيارة باردة عالك تبريد و صارت ظلمه برة وعلى ضوة المسجل هيجي كلوبات خافته و ريحته معبية المكااان و حركاته من ديسوق دوختني 😭😭😭
(( ولچن يا متابعات حبيت قيصر شلوووووون 😩)))
باوعت على امي يااااا عزا 😨امي نامت ع البرودة
ويمكن داخت من عطر قيصر ونامت 😅😅... شفته باوع بالمراية على امي وجان يكولي ... نور ...
اني كلبي صار طبل 😳😳من كال اسمي حسيت اول مرة اسمع اسمي ..اول مرة احب اسمي ..❤️
كتله بصوت بالكوة طلعته من الفشلة و الخوف ..نعم
كلي انت تدرسين..؟
كتله اي اني اول معهد طبي تقني ...
كلي يمكن امي مكالتلكم بس ترة اني ما اقبل تداومين ..
كتله ليش عفية دوامي احبه و اني شاطرة و هذا مستقبلي ..جان يندار علية و بعصبية كلي ليش حضرتج عندج غير رجلج مستقبل ...هنا خلاني مثل السعفة ارجف هم خوف منه و هم من قراره ما اريد اعوف دراستي ...
كلي جاوبي ما طول بعدنه ع البر ...
كتله بس بقتلي سنة حرامات اعوفه تقبل يضيع تعب اهلي مال سنين علمود سنه ..؟ ( ما ادري مين اجتني الشجاعة و رديته ..) بس يمكن اقتنع شفته سكت ...
كال لكل حادث حديث ... و بعد اكو كم شغلة و ما بيها اعتراض ..
كتله شنووو ..😳كلي مكياج ماكو ... اي طلعة ماكو ...الا وياية ... واي شي تردي دكوليلي اني اجيبه ..
كلي ...:خوش؟ اني ساكتة ...
كلي شو ما اسمع جواب ... كتله ... صار ☹️
يتبع تصويت بنات ومتابعة للقصه
