بارت 21
البارت الواحد و العشرونطبيت لغرفتي نمت ع السرير ... حتى امي ما حجيت وياها ... و لا كتلها بطلت اسوي عملية لان مالي خلك رح تبقى تبجي و تعدد و تذكر سليم و نور واني هذوله نقاط ضعفي ...
روحي تلوب افتر بالغرفة بلا هدف ... و لا وجهة ... بيدي الموبايل و افكر اخابرها ... لو لا ... محتاج اسمع صوتها ... يجوز هاي ايامي الاخيرة ... اريد اشوفها و املي عيني بحسنها و اشبع رياتي بعطرها ... شلون يا ربي ... ساعدني يا الهي اني يمكن اول مرة اتوجه الك بحرگة و ادعي ... يا ربي سهلي .....
اجتني فكرة وكلت خلي اخابرها فكرت اسوي العملية حتى اكسب وقت وياها وهي هيچ لو هيچ اني منتهي نجحت العملية اني مكمل وياها منجحت العملية اني هذا قراري من الاول وهو ترك الحياة ... ما اعرف شنو الخلانياتراجع بنص الدرب يمكن الحب و عذابة اقوى من عقلي ما ادري نور خلتني اتغير ...المهم حسمت امري و خابرت ... دك و مشالته ... كلت لا نور شيلي ... عدت الرقم مرة ثانية ... و مشالته ... اخر شي رحت بدلت و نزلت ع السريع ركبت سيارتي و لبيتهم مثل الطلقة ...
الطريق كله كلبي مقبوض ليش متشيله ... خاف صاير شي بيتهم ... خاف هي بيهة شي ... بالطريق هم دكيت ماكو ... دكيت على ابوها شالة ..
قيصر .: شلونك عمو ...
ابو نور ..: و الله ابني الحمدلله
قيصر ..: عمي اشو صوتك مو تمام صاير شي
ابو نور ...: ابني اني رح اظطر اكلك لان نور ما قبلت نوصلك خبر و معرفنا ليش ... بس ابني نور مو زينة ... من رجعت من يمك هذاك اليوم ولليوم البنية وضعها تعبان كله نايمة بالفراش و لا ايد و لا رجل ...
قيصر و بخوووف...: عمي اني بالطريق جاي ...
سديت التليفون و دستلها و مثل المخبل سقت السيارة ..
وصلت و ما اعرف شلون طبيت ركض للبيت لكيت امهة وابوهة وضعيتهم تبجي الكافر ... كاعدين بالهول الام تبجي و الاب صافن و البيت كئيب .... كتله عمي وين نور ..؟اشرلي فوك و كام من مكانه ديجي وياية ... كتله عمي ولو زحمة و ادري بيهة ثكيلة بس اريد اصعد وحدي و اوعدك رح تتحسن نور بس احجيلها الخبر الي جيت علموده ...كلي ابني اصعد و الله يوفقك ...صعدت فوك ولكيتها نايمة ... عبالك وردة ذبلانه ... طفلة تعبها المرض ..اتقربت للسرير هي مغمضة عينها بس اكو شي ديوجعها ...وجهها يصرخ حزن ... يصرخ الم ... كعدت ع السرير على كيفي ... و لكيت ملامحها خايفة تعابير وجهها النايم بهدوء تضج خوف و الم ... حرت شسوي .. روحي وياها بكل ثنية من ثنيات وجهها .. مديت ايدي بس بحذر مسدت لجبينها .... چان حار و تنفسها سريع ... و نبضها اسرع ... وحاجبها معقود دتتوجع ... اكيد تتوجع اني وجعتها هواية و صديت حبها النقي هواية ...اتقربت اكثر و حاوطتها بين ايدي و بست جبينها و كأنما ردت امتص المها و وجعها و حطه بكلبي ردتها تستنشق عطر الشوگ الي ملاني و هيمن عليه ... بلكي تفيق من غيبوبة الخيبة الي غابت بيها من وراية ....
ظليت حاضنها و اشمشم بركبتها و اهمس الها بأذنها ... حبيبتي ...نوارة گلبي ... سامحيني يا روح روحي ...
ادري بيه جرحتج و عذبتج و قسيت عليج ... بس والله غصباً عني ... بعد وفاة اخوية ما غفرت لنفسي .. تعبني الذنب ...جرت على نفسي هواية و ماكو فايدة الذنب وصمة و انطمغت على جبيني ... بعدها تعايشت وية الذنب و كلت ها هي قيصر اقتنع ... وجيتي انت بحياتي و ازهرتي بعض من صحاري گلبي و خليتيني اشوف الدنيا بلون ثاني ... بس مكدرت اكولج بهالشي .. لان مردتج تتعلقين بشخص مذنب ... آثم ... قاتل ... لان انت عفيفة و بريئة و تستحقين انظف مني ...نورة حبيبتي انت خليتي گلبي يدك بس بحب طاهر ما عرفت طريقه الا وياج و ايدي بايدج ... كعدي حياتي رح اسوي العملية ... و اكوم على حيلي و نتزوج ...
ظليت على وضعي هذا حاضنها و اهمس باذنها قويت نفسي من الانهيار لان كل لحظة تفوت و هي مدتكعد حطمتني ... زادت من تعب روحي ... حسيت بانفاسها هدأت و نبضها رجع منتظم ... و ملامحها دبت البراءة القديمة بيها بس مدتكعد ...
وخرت عنها و عفتها و روحي مچلبة بيها ما استسلمت ظليت كاعد انتظر و مكعدت ...تالي ورة شوية جتي امها ... كتلها خالة نور شنو حالتها ليش مدتكعد ... كلتلي خالة نورة تجيها حالة من تنقهر كولش ...تغيب عن الوعي ... وهاي ثالث مرة هيج بس بكل مرة تبقى كم ساعة غايبة عن الوعي و ترجع الدكتور يكول هاي صدمة يتوقف كلشي بيها بس عقد الباطن يشتغل يكول هي تسمعكم بعقلها الباطن بس مترد ... متشوفنه خالة كاعدين وساكتين صايرة عدنه هالحالة بس طولت هسة لو بس اعرف شبيها ليش هيچ صارت ...
كتلها خالة هذا مو حجي رح اخذها للمستشفى و ركض رحت وخرت غطاها و شلتها من السرير و نزلت الدرج طلقة ... حطيتها بسيارتي و امها وابوها وياية و بسرعة سقت للمستشفى ....يتبع....تصويت وتعليق حبايب
![](https://img.wattpad.com/cover/142668840-288-k721281.jpg)