البارت 11
البارت الاحد عشر
ورة دقايق مرت علية ساعات بالرزايل و التهديد من امي و مدتصدكني حلفتلها مية ايمان و ماكو مصرّة اني ناطية رقم تليفوني لقيصر ... اني جنت واكفة بباب العيادة و امي كاعدة ع كرسي جوة لان كولش مريضة حتى نسيت اكولها هذا جاي علمو نيشان و باجر المهر ...
وكفت سيارة عالية سودا و نزل منها هو متأنق و لابس مناظر شمسية و بيده تليفونه و اووويلي 😑 باكيت جكاير ...😣 المهم سد باب السيارة حييل اني اخترعت من يمي .. لان مبين اعصاب صاير و اني انثول من اشوف واحد عصبي ... اتقرب مني وهو مقوس ذراعه عبالك رح يكتلني 😑اني خفت صراحة ظليت واكفة و اشد بحزام الجنطة حيييل عبالك اخذ منه قوة .. وصل ليمي ونزع المناظر ... جان يكولي .... اشو واكفة هنا ...😠 و ليييش وحدج .....؟ انت مو كلتي امي مريضة وجايبتها للدكتور ؟ وين امج ...😡 هنا حمة وكام يكزكز جان يباوع ع المحل الوراية جان كوفي شوب ... كلي بعصبية ...بدينا جذب من هسة ...؟
اني انصدمت و انعكد لساني 🤐اريد احجي انثولت اشرتله على باب العيادة و كتله اوكف هاي شبيك افتهمني اني مو وحدي ...و بهالاثناء طلعت امي من العيادة تعرج برجلها ... كالت ها يمة شلونك قيصر .. خالة اكوو شي ...انت مخابر نور وحتى تفاجئت مين جبت رقمها ..؟
هو صار وجهه الواان و العصبية مالته انكلبت فشلة ... اني جان خشمي احمر مال بجي و هالموقف زادني احتقان وجهي بعد مينشاف من النار هاي اني من اصير عصبية افور ... عيوني خضرة بس بذاك الوكت صارت سوووودا من القهر اني هذا يشك بيه و امي تشك بيه شنو هالعذاب ربي ... كلهاخالة امي مخابرتكم ...؟ صار عدنه ظرف و قررنا باجر المهر ...كالت امي خالة شبسرعة ...
كلهة والله خالة ..عمة ابوية دتموت 😳 و ردنه نسرع بالعقد قبل متموت و بعد منكدر نسوي شي ...
امي كلتله خالة زين ... هم والله استحي شاكولك .. احنه ممحضرين شي ... و انتو خالة مجبتوا الزلم و مشيتوا عليها شلون يصير ...كلها خالة كلهة باجر 🙈 اني اعرابي نور ضمير مستتر تقديره رجل كرسي ..🤐
وكمل كلامه جان يكول وهسة جيت عليكم نروح نجيب النيشان و نشوف شمحتاجة بعد ..
كلت بكلبي ( منهية هاي شمحتاجة شبيك ما عدها اسم )
امي اقتنعت و مشينا دنصعد للسيارة اني كعدت ليورة و امي يمه ...اشو هذا مصعد وراح ليغاد ... اني كاعدة على نار و افور ... ورة شوية اجة و جايب كلاصين عصير فريش فتح الباب و باوعلي بنظرة ميشبه نفسه قبل شوي جان كيوت و حلو و النظرة خلت ناري تبرد و همته من ديفتح الباب و بيده الكلاصات خلت كلبي يدك ومنا بدأ كلبي ينبض اله
وصلنا لمحلات الذهب ونزل امي و سندها لان من تمشي تعرج من ورة رجلها .. واني امشي وراه اباوع لطوله 😍😍بس بعدني ضايجة من تعامله وياية 😔ليش هيجي معقولة هو شكاك 😰لا لا .. مو اني جنت واكفة بالشارع و وراية جان اكو كوفي شوب و بي شباب هوية ولان اني رح اصير خطيبته فغار عليه 😲😲😲شنووو غار علية 😍😍يمة فديته يغار 🙈🙈احم كافي نور والله خزيتينه 😡
المهم طبينه لمحل و كعد امي على الكرسي و كلي ياله اختاري الولد كلي تريد مفرط لو تخم انت شتحبين ..؟ بس هو ميباوعلي من يحجي وياية .. كتله مفرط 😂شنووو ؟
كلي يعني ...اممم ما اعرف نور انت شوفي اليعجبج ...
كال اسمي❤️❤️❤️😍😍😍💃🏼💃🏼فديته يخبل بحلكه ❤️ اني وجنتاي توردت من الخجل وحسيت حرارة دتطلع منها ... كتله بكيفك انت شتكول اني اقبل ...
باوعلي بعصبية و تقرب اكثر علية و عطره طخ بخشمي وخلاني ذاااااايبة و نسيت عصبيته .. كلي انت شبيج ترة وقت ما عندي ورانة مية شغلة ... باوعتله و اني خايفة ☹️
جان العصبية بلحظة تروح شال ايده وحك راسه جان يكولي زين ... رح اختارلج اني .... بس انت تريدي مفرط لو تخم ... ( اصلاً هو ميعرف شنو مفرط شنو تخم 😂مفرط 😅😅) كتله اريد مفرط كلي خوش ...يتبع
