البارت 13
البارت الثالث عشر
رجعنا للبيت واني افكر بكلامه نور شنووو الي يوازيج تقبلين بي و تكملين وياه 🤔انت حلوة و مية واحد يتمنى يتزوجج عوفي ما دام بعدنا مثل ما كال ع البر 😬
لا لا امي و ابوية خطية مكيفين ... واني قيصر حبيته ❤️
رغم هو ما مسمعني كلام حلو لكن حبيته احلى حجاية منه سمعته من كلي شنو ما عندج لسان 😍😍ياي شكد رومانسي... (( هاي شكد ملطلطة نور هالكلمتين سوتهم رومانسية 🙄🙄))
صار يوم المهر ....
قيصر ،،
خوب انتو المتابعات كيفيتوا و الكاتبة هم طلعتني راضي و قانع ...بس اني ردت اتمم الموضوع حتى اولاً امي تفرح بيه و ثانياً ردت استعجل حتى تصير جوة ايدي و اختبرها اكثر .. اني الشفته مو قليل حور لعبت باعصابي و خلتني اكون حذر بتعاملي ويك النسوان بالمختصر طلعت من الدنيا بدروس اهمها النسوان ...
بيوم المهر حضرت كولشي الي وصتني امي عليه الكيك و الاشياء الملحقة من عصاير و حلويات دنودي لاهل البنية علمود لا نطلع كدامهم منعرف الاصول ... واني كعدت باليل البارحة من رجعنا من الصايغ دزيت رسائل لاهليتنا و اصدقائي علمود اليوم لان هو مشية هو مهر و واحد من اصدقائي تبرع يجيب السيد ...
التموا الناس و اخذناهم و مشينا ... اشوف اصدقائي
الطريق كله يدكولي هورنات و يصفكون و يركصون .فرحانين الي بس اني مو فرحان ... اكو احد مكانه خالي ... اكو احد نفسه موجود بس هو ماكو ... اكو احد راح بعيد وميدري شكد هو غالي ... اخوية و عضيدي حبيبي سلوم جان انت هسة متزوج و فرحان و دتهوسلي ... اني ممتلهف ابد دا اسوي الي دا اسوي مرغم حتى اسكت امي و ارضيها و دا اتمنى الكة عيب على نور حتى الزمه عليها و ابطل ... بس مع الاسف ماكو لحد الان ... وصلنا لبيت نور ... طبكنا السيارت وجان الجايين وياية كووومة و رفعوا راسي سدينا بطبتنا الفرع و اكثر ... طبينا لبيت نور جانوا قاسمين الكعدة الرياجيل بالخطار و صغير كولش و النسوان بالهول ...اني مشايف الهول بس اكيد هم صغير ... كعدنا و كعد السيد و قبل ميبدي ابوية حجة و طلبها من ابوها كدام اهليتي و اهليتها و كال النا الشرف نناسب مثلكم ناس خيرة ومن هالحجي ...السيد كال ياله رح نعقد البنية حاضرة..؟
سمعنا صوت من ورة الباب وهي امي جانت ....كالت اي اي ...
بدة يسألها هل تقبلين يا نور بنت محمد بالزواج من قيصر ابن علي على سنة الله ورسوله و بمهر معجله ٢٥ مليون دينار و مؤجله ٣٠ مليون دينار ؟
السيد عاد هاي الجملة يمكن ١٥ مرة وهي ماكو جواب ... ردت اكوم اطب ازورك عينها الرجال افتت وهي ساكتة😠
بالاخير بعد ما حسبتهن عبرن ال ١٤ كالت نعم و انت وكيلي 😤 واخيراً الحلوة وافقت و صمت اذني الهلاهل ... وكوموني وكعوني على ابو نور صار عمي بوسته و بوست الكبار و جوي اصدقائي يبوسوني و يهنوني ...جنت لابس قاط نيلي وقميص ماروني و الرباط اسود و رحت للحلاق شسورلي لان عندي كفشة من فوك ...
المهم طلعوا الزلم و دا اطلع وياهم اني بالطرمة وصلت جان تصيحني امي و خالتي كالوا تعااااال😱وووين رايح كلتلهم مو خلصنا لعد شنو بعد😳
كالوا همه يروحون بس انت تعال اكعد لعد منو يلبسها 🙄🙄🙄 شالبسها ؟؟؟😳 (اني ما عندي خوات فما اعرف هالامور و محد تزوج قبلي فممتعمق بهالمسائل )
كالوا النيشان الذهب البارحة الي اشتريته 😑😑كتلهم ليش اني البسها🤔كالوا اي تعال شوووف عروووستك طالعة كمررر 👰🏼اني ادري بيها هي حلوة مو جديدة ...
وافقت اطب بس روحي بخشمي ضااايج شنو بوسط النسوان رح اكعد ... كلت ياله هي شوية و اطلع ...
طبيت و كعدوني ع كرسي مزيني ومسوين كوشة صغيرة مال عرس و ورد ومن هالامور ... يعني مسويها صدك 😏
كعدت و النسوان تباوع عليه عبالك يريدن ياكلني اني ادور بعيني حوالية و الهي بنفسي ... الى ان شفت جوكة نسوان طبن و يهلهلن وراهن طبت نور 😳😳بس هاي شلابسة.....؟
يتبع تصويت بنات ومتابعة للقصه
