بارت 15
البارت الخامس عشر
وما اشوف الا تنفتح الباب و تطب نور بس هالمرة لابسة وحدة من البدلات الي اختاريتها الها و طبعاً هذني بخبرتي اختاريتها لان توالم لون بشرتها و لون عيونها ..
طببوها و هذني ظلن يذبن حجي على سولفيلة ع الصالون و يغمزن و يلمزن واني صافن هذني شيريدن مثلاً ،؟ 🤔
اخر شي ختمنها بهلهولة و طلعن ...جتي هي والماروني لايكلها و بارز لون بشرتها .. و النفنوف لافها لف .. جتي تقربت مني بس هي مخروعة ..😳كلتلي شبيك اشو وجهك لونه تغير و عينك صارن بنگر .. كتلها لا ما بية بس تعبت و الهوسة متولامني ..
كالت اعذرنه احنه هيج بالاعراس نهوس و نفرح ... كلي لا مو انتو الخطأ مني هذا الشيء اني الغلط ...
باوعتني وجان تمد ايدها تمسح جبيني لان جنت عركان من الحالة و هم من الخنكة بيتهم زغير و عازمين امة محمد ... واحنه بس امي و خالاتي اثنين و جنة وحدة منهم ... اني رجعت ليورة و وخرت ايدها ... هي راساً جرتها و حطتها بحضنها ... كالتلي اجيبلك مي .. لو تريد شي حلو لان خاف نزل السكر مالتك...
هزيت براسي كتلها لا ما اريد شي ...
باوعتلها هي مقهورة على حالي و اني مو بحال اجامل و لا عاجبني ابقى اريد اطلع الكاع مدتوسعني ...
بس حاير شاكولها ميصير كدام اهليتها افشلهم و افشل امي كتلها كومي ... ع السريع دا البسج الذهب اريد اروح واحد من اصدقائي ابوه ديموت ...هي انصدمت 😱
كالت يااااا خطية شبي 😱كتله مريض صارله هو ... هسة دكومي نروح للناس ... كالت اي امشي .. هاي البدلة بيها ذيل من ورة طويل ومكشوف الصدر .. دتمشي و جان تعثر بالكعب و رادت توكع ... اني حضنتها من خصرها وجريتها لصدري وصارت لزك على جسمي اني اطول منها وهي بالكعب صارت تباوعبىلي وفاتحة عينها وشايلة راسها ما ادري ليش اجتني شهوة اشم رگبتها و اغفى بيها ... دنكت راسي و قربته وبعدين على غفلة اختنك و الدنيا صارت غواشة و جمرة بحشاية حركتني حرك ... نفرتها و وخرتها وكمت افرك براسي لان اجاني الم مو طبيعي...
و خواصري موتتني ..هي بس تباوعلي و عينها مليانه دموع ... اني عرفت ليييش ... مو اثول لهالدرجة .. كل بنية يعجبها خطيبها يتغزل بيها لو يشاقيها يبوسها ... بس اني مكدرت ...
ما اعرف شبية ... عفتها و طلعت ... ركضت بالطرمة واني و اركض نزعت السترة و ذبيتها بالكاع و نزعت الرباط و شمرته روووحي دتتمزق ... و ما ادري شأريد ... بس اريد انهزم .. اطلع ..
صعدت بسيارتي و سديت الباب حيييل و شخطت السيارة و مشيييت سريع بس وين ما اعرف ...
نور..... شفتوا حظي والله الفرحة متلوكلي... اني كولش انقهرت من صدني من دا امسح جبينه ... كولش حسيت بالاهانة .. اني وكتها حسيت هذا رجلي .. حبيب كلبي ... اي اني حبيته .. من اول يوم شفته ... و زاد حبي الة من شفت نظرت الحزن بعينه الي حلت محل الغضب بثواني تغيير من اعصاب الى وداعة و عينه تبث حزن ... وقتها خله بكلبي اسمه و رسمه و عطره حفظته ...حفظت نبرة صوته ... فمن شفته هيج روحه لايبة و كأنه مريض كعدت اواسي و امسح هذا الحزن الي بعينه الي يهز روحي هز .. بس صدني و ميدري شلون اذاني ... بس يجوز لان ممتعود عليه بعده؟ ... يجوز يستحي ..؟ ما ادري و هنوب يطلع و يعوف المهر لا قيصر كووولش اذاني و جرح مشاعري ... و خله التسوة و المتسوة تشمت بيه ...😭
طلعت وراه و ملحكت بس شفت سترته بالكاع ركضت عليها و شلتها و حضنتها و ابجي ... بلا شعور ... محسيت بنفسي الا وامه يمي جان دكولي خالة عذري قيصر ... ترة ديمر بظرف شوية صعب... وان شاءالله يتغير ... كومي خالة كومي اني رح البسج النيشان ...
كمت و طبيت وياها بعد ما مسحت دموعي و سالت شوية الكحلة و الماسكارة ... تقويت و اتحملت الوجوه الي تتسائل و عطره الي تشبث بايدي هو القواني ..
طبينا كملنا الكعدة و خلص المهر ..
امي سألتني عليه و اني معرفت شأجاوب بس كتلها اجاله تليفون طارىء ...
يتبع...
