بارت19
البارت التاسع عشر
نور .... اني ادري بروحي ميلوكلي الفرح و الحزن و الهم مجلب بيه ... بعد ما اني و قيصر اتصارحنا بالحب بس مو بالكلام .. بالخيال و الاحضان ... و روحي ترفرف بداخلي 😍 و اخيراً قيصر صار يحبني مثل ما اني احبه ... بلحظتها صرنا جسد واحد ارواحا تلاصقت و انفاسنا اتخابطت و اندمجنا سوة ... نساني اسمي و اهلي ... و عنواني و لوني ... من باسني من شفتي و رواني ... شم شعري و دفن راسه برگبتي خلاني اضيع بشهكاته لعطري... خلاني اتوه و ما اندل دربي ... اريد احضنه ... المه و بكلبي اضمه ... حبه عنوان حياتي ... اني ما حابة كبل بس قيصر عشكته مو بس حبيته .... يا رب عافيه احنه هسة جبنا للمستشفى و الدكتور خلاني انهار طلع تك كلة و الكلة الباقية بيها شظية و دتنزف .... يا رب من عمري على عمره و يعافيه و يكومه بالسلامه و يرجعه لحضني حبيبي ....😭😭
الدكتور كال نطيناه مسكنات و هو يحتاج عمليه خلال ايام لازم نسويه و الا نفقد كليتي الباقية و يحتاج زرع كلة بهذيج الحالة ... كال خلي يطلع و عدكم فترة اقصاها اسبوعين حتى تقررون نسوي العملية ... طلعنا لبيته وامه جانت ويانه لان خابرناها و تخبلت طلع هو اصلا تك كلة من الولادة بس كليته جبيرة خلقةً هيج بحيث من اكتشفوا هذا الشي الدكاترة طمنوهم انه هادي هي هاي تشتغل شغل اثنين لان حجمها فوق الطبيعي ... و مرة بانفجار راد يروح بي سودة عليه بس انصاب بيها و دخلت شظية
مطلعيلة جزء منها و بقة جزء و هذا الجزء البقة هو جان يأذي دائماً و ميدري بحالته وحتى من تخربط بيوم المهر طلعت هي السبب ... طبيتله للغرفة و جان ممدد ع السرير و وجهة اصفر و نايم بس ما مرتاح بنومته مبين ديتألم رغم سكون جسده ..كعدت يمه و لزمت ايده و عصرتها بلا شعور و ابچي ... ملايكتلك النوم يا بطل .... اتهسرت بچي بس ما طلعت صوت دنكت على ايده بستهة و خليت راسي عليها و بكلبي دعيت و كلت ربي كومليا بالسلامة ربي انت قادر على كل شي ... و بهالاثناء حسيته يعصر بايدي و بابهامه يمسد بشرتهة ... فزيت و بسرعة شلت راسي و كتله حبيبي 😢 دار وجه عليه و لكيت عيونه مليانة حزن و الم.... كتله بية و لا بيك و كمت اشهك بچي ... و بايده الثانية حضن راسي و خلاه على كتفه و باسه ... بقيت ابچي و اشم عطره .... كلي كافي بجي نور .. شيلي راسج احاچيچ ...
شلته و باوعتله اكو حجي بعيونه ... مفهمت شنو؟
قيصر .... بعد ما تخربطت و نقلوني للمستشفى ... الي افتهمته كليتي رجعت يتخربط شغلها من ورة المتبقي من الشظية و عندي مجال اسبوعين اسوي عملية نسبة نجاحها ضئيل و بحالة الفشل لازم يزرعولي كلة ... مين يجيبون كلة متطابقة لجسمي و هاي لغوة شطولهة و اني اكيد رح اتعذب فقررت ما اسوي العملية و الي كاتبه الله اشوفه ...
كعدت و الالم صح اهون من قبل بس بعده يدك بيه لكيت نور متشبثة بايدي و تبچي ... اني هالبنية باكتني من نفسي ... خلتني افيق من كوابيسي ... رجعت نبض لكلبي جان مفقود ... عصرت على ايدهة و حسيتهة بالامان... شالت راسهة و حضنته و بسته الله يا محلى عطرها ... اريد اشبع منه و اظل اشمه .. كتلها كافي بچي رفعي راسچ احاچيچ...
رفعت راسهة و شفت عيونها كاااارثة ... غركانة بدمع و حمرة ... وين بريق الامل و العفوية ... وين اللهفة و الفرح ... ماكو صار بدالة الالم والوجع ... اني دريت رح تتوجع هالبنية ... من وراية ... كتلهة شوفي نور ... اني عملية ما راح اسوي ... جان تشهك مخروعة شنووو😱
لييييييييش😳 كتلها ما اريد اتعذب رح أامن بالقدر و الكاتبة الله ... صارت عصبية و كامت تبجي ... و نعم بالله بس مو تقتل نفسك و ترخص روحك ... شلون تهون عليك نفسك ... ليش قيصر متريد تعيش؟ و تغيرت نبرتها و صارت كلها حزن والم ... واني منو الي ... ليش تحرمني منك ؟تريدني اموت وراك ..؟ اني تفاجئت الصراحة و الثول ركب عقلي ... 😰 كتلهة و ليش وحدج اهلج موجودين ... و انت وراية مية واحد .... جان تقاطعني و تحط ايدها على شفتي كالت اششششش لا تكمل ...
شلون ،؟ اصير لغيرك ..؟ واني من ضلعك ...
شلون احضن غيرك واني من حضنك صرت ..
يتبع تصويت بنات ومتابعة للقصه
