#ضياع_طفله
(البارت الثالث )
#Rehab
ورة ماطلعت أم فؤاد ..
نرجس ،،باوعت لامي وكتلها يمه بس لا قابله بهالحجي وهالسوالف كلها ...
امي ،، وج يمه جا شسوي ماتشوفين ودو علينه يردونج ، وبعدين موعد العرس بيد اهل الرجال مو بيدنه همه الي يقررون شوكت يردونه مو احنه الي نقرر ...
نرجس ،، يمه شبيج لخاطر جدي بعده تراب اخته مانشف شلون اعرس 😳 ..
امي ،، خلص يمه ماعليج انتي لا تدخلين بهالسوالف روحي لشغلج يجي ابوج والله كريم ...
رحت لغرفتنا نظفتها وروحي طالعه من كلشي ، اجتني سجى تدك وتهوس
سجى ،، هلا هلا عرس عرس هلا يمه هلا ....
نرجس ،، انجبي طاح حظج وحظ كبرج هذا مو تدرين عدنه فاتحه شبيج تهوسين ، هو أني العروس ومافرحانه شبيج انتي 😡 ..
سجى ،، انتي ثوله وماتفتهمين هههههههه اكو وحده تريد تزوج وماتفرح وبعدين يا فاتحه هاي الخابصتنه بيها هي كلها الماتت مره جبيرة وعود عمة آمي ......
نرجس ،،، والله انتي الغبيه واني أغبى منج عبن جاي اسولف وياج ، روحي غسلي الهدوم احسن من سوالفج التعبانه هاي ....
سجى ،،، هجم بيتج اي والله عود هي العاقله والوحيدة الي تفتهم بالبيت وكلها غلط بس هي الصح ،، دروحي بابا ازوجي خلي نخلص منج بلكت اني وراج وازوج ....
نرجس ،، الحمد لله ياربي ، دفعتها بيدي وطلعت اكمل شغلي ....
صار وكت الغده ورجع ابوي من الشغل وامي حجتله ع جية ام فؤاد وع سالفه العرس، ابوي طبعه هادئ كلش ومايدخل بشي ، فكال لامي بكيفج سوي الي ترديه ...
العصر مرت علينه ام فؤاد واتفقت ويه امي ع انو يكون العرس سكتاوي ومحد يدري مجرد ياخذوني بالليل بالعبايه ولا زفه ولا بدله عرس 😔 ...
امي راحت كالت لبيبي ولجدي ع زواجي وصارت مشكله ، لأن جدي جان يحب اخته فراد احترام شوية الها ع الاقل تجزي فترة وتالي يصير العرس ، بس امي ماقبلت كالتله همه الناس مستعجلين ع العرس ...
خلصن اليومين واجه يوم الخميس ، وفعلا اجونه بالليل لبسوني عبايه ع راسي واخذت ملابس ورحت وياهم لكيت أحمد هناك منتظر جيتنه ، من شفته استحيت ودنكت واجتني الخوفه نسيت كلشي رفضي للزواج ووفاه عمه امي وحتى إصرار امي ع زواجي ،
أحمد مواليدي 1970 مادارس للصف السادس وتركت دراسه لان ابوي اتوفه وبعدنه كلنه صغار واحنه ناس فقره كان لازم نعتمد ع نفسنا اني واخواني ونعيل البيت ، امي اشتغلت دلاله تبيع غراض بالسوك واني اشتغلت حمال عد جد نرجس لان جان تاجر وصاحب حلال ومالكانات ...
وبقية اخواني اشتغلوا بالكهوه والي دبر شغل هم حمال ، وكدرنه نعيش صح صعبه جانت الحياة بذاك الوكت بس عشنه والحمد لله ....
أنت تقرأ
ضياع طفله
General Fictionقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
