#ضياع_طفله
البارت السادس
#Rehab
نرجس ،، وصلنه اني وعمتي لبيت عيالي، أول ماطبيت تلكتني رجاء
رجاء ،هلا والله بست نرجس نورتي بيتج ......
نرجس ، حجيت بداخلي اووف ياربي رجعت للمشاكل ..
الحمد لله رجاء بخير شلونج انتي
رجاء ، والله جنت بخير بس هسه لا😏
عمتي ،،كافي انتي وياها ، تعاي يمه رجاء شوفي بت اخوج تخبل ......
نرجس ،، عفتهم وطبيت لغرفتي ارتب غراضي ، لكيت الغرفه كلها وصخ والتراب كومه بيها عبالك صار شهر مامنظفه، وملابس أحمد شامرهن على الجربايه ،،
نزعت عباتي ورحت جبت المكناسه وبديت اشتغل من اول ما دخلت للبيت واني انظف بيها إلى أن سمعت صوت ألاذان إذن اباوع للساعة الكاها ب 12 الظهر 😳
لا ياالله كل هذا الوكت انظف بالغرفه ،بس يلا الحمد لله كملت ...
اخذت ملابسي ورحت اسبح شكلي صار كله تراب كملت سبح ورحت لعمتي اشوف رسل نايمه لو كاعده ..
طبيت لغرفه عمتي لكيت رجاء وزينب وسوسن
نرجس ،،السلام عليكم شلونكم بنات
سوسن ،،هلا حبيبه شلونج، مبروك على رسل تتربى بعزكم أن شاء الله
نرجس ،، الله يبارك بيج سوسن ويحفظلج جهالج ...
زينب ،، شلونج نرجس 😏
نرجس ،، الحمد لله زينه انتي شلونج ...
رجاء ،، اكلج زينب يكولون الي تجيب اول مره بنيه معناها خلفتها كلها بنات ومايصير عدها ولد بعد ...
زينب ،، اي صدك اني هم سامعه هالحجي ، تعرفين بت عمتي اول خلفتها بنيه اجتها وتالي سطرتهن 7 بنات وليومج هذا مااجاها ولد ، جان يكوم رجلها ويتزوج عليها ويجي من الجديده ولد يخبل وصارت مرته الجديدة هي الكل بالكل والامره والناهيه، الله وكيلج حتى البيت سجله بأسمها .....
رجاء ،، ههههههه هسه تالي نرجس يصير بيها مثل بت عمتج واحمد يزوج عليها
شتكولين يمه لو أحمد اجته بنيه ثانيه تزوجينه ...
عمتي ،، ياااا يمه عزه جا ابقي ابني هيج محد يشيل اسمه ويعينه لو كبر ، باوعت لنرجس وكتلها ولج نرجس ليكون خلفتج صدك كلها بنات ....
نرجس ،، اسمع حجيهن واني فاتحه عيوني على كبرهن معقوله ذني شيحجن شبيهن ، صاحت عليه عمتي ولج نرجس مو احجي وياج ....
هاااا عمه كولي شنو ....
عمتي ،، والله اذا خلفتج كلها بنات ازوج أحمد من ثاني يوم ...
نرجس ،، عمه شبيج هاي اول بطن إليه واحمد كوه مدبر العيشه وينه ووين المره الثانيه ...
رجاء ،،شنو قصدج احنه فكر مو مثلكم ...
نرجس ،، هسه اني حجيت شي ، عود الله كريم من احبل مره ثانيه ربج يحلها ...
أنت تقرأ
ضياع طفله
General Fictionقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
