#ضياع_طفله
البارت التاسع
#Rehab
رسل ،، ياربي منو هذا ...
قبلت الرساله وحجيت وياه
رسل ،،نعم منو انت
المرسل ،، هلوو رسل شلونج شخبارج 😊
رسل ،، كلي انت منو وشلون تعرفني ..
المرسل ،، شبيج ولج اني مرتضى ابن عمج صالح 😁ردت اخوفج شويه هههههههه ..
رسل ،، مرتضى ليش هيج تسوي بيه خوفتني ..وبعدين انت منين تعرف حسابي هذا توني سويته ..
مرتضى ،، ههههههه شفتج من ضمن أصدقاء عمي وابن عمتي ماجد سألته وكالي هذا الج 😊
خلوني اعرفكم بنفسي ...
اسمي مرتضى عمري بوقتها 18 سنه اني الجبير لاهلي مامكمل دراسه صف سادس ابتدائي وتركت ، مواصفاتي أسمر طولي 170 ضعيف عيوني عسلي ...
وره وفاة عمي أحمد ابوي طلع من بيت جدي عزلنه ببيت وحدنه ، جنت اجي بالمناسبات والاعراس والفواتح لبيت جدي أسلم على بيبيتي جنت اشوف يمهم رسل بت عمي أحمد ..
عجبتني وحبيتها صح جانت زغيره بالعمر بس حبيت شقاوتها وسوالفها ماكدرت اكلها واعترف الها ...
أولا : جانت زغيره بالعمر ومحد يقبل ينطيني اياها ...
وشغله ثانيه اني جنت استحي احجي وياها جانت بيناتنا نظرات ، نظراتها ماكدرت افسرها شنو حب لو إعجاب لو نظرات عاديه ...
بيوم جنت فاتح فيس شفت من ضمن الاصدقاء المشتركين اسم حلو عجبني 😁 دخلت على الحساب لكيت عمي عباس وابن عمتي أصدقائه ...
رحت على ابن عمتي ماجد حجيت وياه وسألته على هذا الحساب ....
مرتضى ،، اكلك ماجد هذا الفيس المن ...
ماجد ،، ليش تسأل ...
مرتضى ،، شبيك ولك مطي احجي عدل المن هذا ...
ماجد ،، والله انت المطي ابن المطي ههههه راح اكلك بس مو تحجي لا لخالي فؤاد ولا لابوك ...
مرتضى ،، دكول منو بداعه الغوالي والله مااحجي ...
ماجد ،، هذا لرسل بت خالي أحمد وخالي عباس سواه الها بس محد يدري ...
مرتضى ،، هاااا اي ماشي مااكول لأحد لا تخاف ،، يلا ولي صار هواي احجي وياك ابن الزفره ههههههه
ماجد ،، دولي احسن لا اجي اسمطك بس محترمك لان أكبر مني ...
مرتضى ،، ههههههه ماشي حبيبي يلا عود تعال اليوم للكهوه انتظرك ..في أمان الله
ماجد ،، ان شاء الله، الله وياك ...
مرتضى من كالي هذا الفيس لرسل كيفت وفرحت وأخيرا راح احجي وياها ،خلي اوديلها طلب ،، واوديلها رساله اخوفها شويه هههههههه ...
أنت تقرأ
ضياع طفله
General Fictionقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
