#ضياع_طفله
البارت الرابع عشر
#Rehab
رجعنه خبر لأهل مرتضى بموافقتي ع الخطوبه ...
خابرني مرتضى بدينه نخطط لعرسنه وشنو نشتري وشنجيب ونلبس ولون الغرفه شنختار ...
ثاني يوم رحت لبيت خالي اهل نور ...
رسل ،،السلام عليكم هاااا خبلات شلونجن 😌
نور ،، هاااا ولج ثوله شوكت اجيتي ...
رسل ،، هسه اجيت وصلني ابوي وراح ..
رهف ،، هاااا هاي منو هنا الطويله شعجب اجيتي ولج 😂
رسل ،،انجبي خبله غير ع اساس ادرس ومااطلع ..
رهف ،، منو انتي ماعرفتج 😳رسل تقره ههههههه
رسل ،،مو صوجج والله صوجي اني احجي
رهف ،،خاب انجبي واحترمي أكبر منج ثوله
رسل ،، خاب ولي أكبر مني
رهف ،،ههههههه هسه ماكلتي شعندج جايه 😌
رسل ،، أحم أحم اجيت اكلكم ع عرسي بالعيد ورة الامتحانات
نور ،، خاب هو هذا هم تحسبينه عرس هسه لو العريس براسه خير ميخالف ..
رسل ،، انجبي نور شبي مرتضى ماتحبينه
رهف ،، هلا هلا عرس عرس هلا طم طح طم طحححح كللوووش
رسل ،،
كامت رهف والبنات يركصن ويهوسن وهلاهل 😂واني بس اضحك عليهن مااحجي عود مستحيه ...
بقيت اسولف وياهن للساعه ب 10 اجه ابوي رجعت للبيت ...
بدلت ملابسي وخابرت مرتضى ضلينه نسولف ونشاقه وهو يتغزل بيه بقينه لل 2 بالليل نحجي سديته ورحت نمت ...
كعدت ثاني يوم الصبح بعدني نعسانه بس شسوي لازم أقره وانجح هاي ثاني سنه أعيد الثالث ...
مرت 3 أسابيع امي نرجس رجعت احجي وياها وقبلت ع مرتضى
بهاي الفترة دراستي هملتها كمت مااقره مرتضى يخابر بكل وقت
امي كامت تحجي عليه ماتشوفني أقره ...
خابرت مرتضى بالليل ..
مرتضى ،، هلا حبي شلونج
رسل ،، هلا عمري الحمد لله زينه انت شلونك
مرتضى ،، من اسمع صوتج اصير زين
رسل ،، اممم حبيبي اريد احجي وياك
مرتضى ،، كولي عمري شنو
رسل ،،خلينه نقلل مخابرات مجاي الحك أقره امتحاناتي قربت وبعدني مامكمله دراسه ..
مرتضى ،، انتي المن تقرين منو راح يخليج تكملين وبعدين احنه راح نزوج شكو دراسه بعد ..
رسل ،، لا عفيه هذا جان شرطي اول شي
مرتضى ،،عمري مراح تلحكين دراسه وبيت ومسؤولية رجال انسي تكملين ..
رسل ،، بس عمي من اجه كال خلي تكمل عادي
أنت تقرأ
ضياع طفله
General Fictionقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
