#ضياع_طفله
(البارت الثاني ) (بقلمي Rehab )
نجاة ، لبست عباتي وسلمت ع اهلي وطلعت واني ابالي هالزواج لازم يتم عسى لو كلها توكف ضدي ، اني امها واعرف مصلحتها ..
وصلت للبيت وتلكتني نرجس
نرجس ، ها يمه شكالوا جدي وخوالي ..
نجاة ،،ولج وانتي شعليج بيهم قابل همه امج لو ابوج ،
نرجس ،، يمه دحجي عاد شحجوا شكالوا اكيد ماوافق جدي ..
نجاة ،،اي ماقبل يكلي امه دلالة وابنها تربيه مره ...
نرجس ،،اي الحمد لله عرفتهم مايوافقون ..
نجاة ،،اني وافقت ماعليه بجدج وهسه يجي ابوج واتفاهم وياه ..
نرجس ... ياااا جا اذا تردين توافقين عليهم انطيهم سجى تتوالم وياه هي هم مامكمله دراسه وجلحه ملحه مثله😝
سجى ،،😳ولج يالعوبه يالعانس ياهي الملحه ، وهو الولد اجه عليج مو عليه
نجاة ،،يلا كافي حجي وكومن صبن الغده اجه ابوجن ..
ابو سعد ،،السلام عليكم
نجاة ،،وعليكم السلام كواك الله، يلا بنات وين الغده
نرجس ،،تغدينه واني بلكوه اكل مابقالي أمل بتخريب هالزواج غير ابوي ومنتظره امي شوكت تحجيله،
نجاة ،وره الغده كعدنه اني وأبو فؤاد نشرب جاي وفتحت وياه سالفه العرس ..
نجاة ،،اكلك ابو سعد عود اليوم اجتنه ام فؤاد ....
ابو سعد ،،منو ام فؤاد ..
نجاة ،،أم فؤاد الدلاله اجت اليوم وخطبت نرجس لابنها احمد
ابو سعد ،،ع الخير أن شاء الله الي نعرفه احسن من الغريب ...
نرجس ،، بقيت صافنه ع حجي ابوي 😳معقوله يردون يخلصون مني وهيج بهالسرعه قبلوا ...
ابو سعد ،، هاي هي أم سعد ودي خبر باجر للحرمه كليلها موافقين ...
نجاة ،،ان شاء الله
نرجس ،،،بقيت اندب حظي طول اليوم ، ليش هيج اني من غير البنات ، خلص راح ينحسب عليه عرس ،،دخيلك الهي تدري بيه مااتحمل عيشتهم ..
وره يومين رجعوا خبر لام فؤاد بموافقة ابوي ع ابنها أحمد ...
بنفس اليوم العصر اجتنه ام فؤاد علمود تتفق وية امي ع المهر وتفاصيل العرس ....
ام فؤاد ،،هلا خية شلونج شخبارج .....
أم سعد ،،ياهلا بيج خية
ام فؤاد ،،بالمهلي دادة، اكول ماتصيحين العروس خل تجي تكعد يمنه ،
أم سعد ،، ولج نرجس تعاي يمه سلمي ع عمتج ، لا تستحين تعاي اكعدي يمنه ..
أنت تقرأ
ضياع طفله
Художественная прозаقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
