ضياع طفله

part 15

#ضياع_طفله
البارت الخامس عشر
#Rehab
رسل ..
رجعنه للبيت حجيت لاهلي شصار وياي وشلون عمي حامد يغلط ويفشر عليه وعلى اهلي ..

امي نرجس كالت
رسل خلي نخلص من المشاكل يمه انطيهم الراتب والذهب اتنازلي عن كلشي كافي مشاكل تعبت وتعبتيني وياج شوكت ارتاح من مشاكل عمامج ..

رسل ،،شبيج يمه عود هاي انتي امي وهيج تحجين اتخبلتي هذا حقي من ابوي شلون انطيهم ..

نرجس  ،،ولج تخلصين من المشاكل تاخذين راحتج ولج والله بس تنطيهم الراتب محد يكلبج بعد ...

رسل ،، ضليت اصيح ع امي
والله وروح ابوي كلشي ماانطيهم شيردون يسوون خلي يسوون وانتي ماعليج لا تدخلين ..

نرجس  ،، الله يهديج يابت بطني اروح لبيتي احسن إليه والج الحجي وياج مايفيد ماتعرفين تفكرين، لبست عباتي وطلعت ..

رسل ،، إذن ألاذان صليت وتغديت كتلهم رايحه انام تعبانه لحد يكعدني
صار المغرب كعدت تعبانه كلش لكيت امي نرجس يمنه بالبيت سلمت وكعدت يمهم ..

نرجس  ،،شوفي رسل اني رحت لأحمد حجيت ويه الولد واشوف حجي عمامج صدك لو جذب

رسل ،،اي شكالج أحمد

نرجس  ،،الولد يحلف يكلي خاله والله ماكو هيج حجي وإصلا بنتج مااعرفها ولا شايفها واني ملتهي بين دراسه وشغل ويني ووين هاي السوالف وحتى مها اني ماكتلها تعاي نشرد هي اجت تكلي يلا نشرد لبغداد كمت وطردتها ..

رسل ،،اي وعمامي اكيد مايصدكون وبعدين صوري منين اجت وشافها ابن عمي

نرجس  ،، رحت لعمامج كتلهم هيج وهيج السالفه واتعاركت وياهم بس ماصدكوا يكولون ماطول رفضت مرتضى معناها عدها واحد غيره

رسل ،،😳😳بقيت مصدومه من سمعت امي هيج تكول
يمه والله ماعندي أحد وانتوا تعرفون ليش رفضت مرتضى  ..

نرجس  ،،اي ادري بيج ماتسوينها وعمامج خلي يولون يردون يصدكون بكيفهم ..

مرت الايام وضل عمي فؤاد كل يوم جاينه للبيت تعاي شوفي بيبيتج تريدج واحنه نسينه السالفه وندري بيج ماتسوينها ..

كملت امتحانات بس كلش موزينه المشاكل أثرت عليه هواي خلص رمضان واجه العيد ..

أول يوم العيد اجونه خوال امي اهل نور ورهف وأهل روان بت خالتي  ..

نور ،،هلوو خبله كل عام وانت بالف خير 😍

رسل ،،وانتي بالف خير 😍

رهف ،،وخرن يلا كافي خليني أسلم على هاي الطويله😂

رسل،،خبال اي والله شوكت تكبرين

رهف ،،انجبي 😂أحد كالج اني جبيرة اصلا بعدني زغيرونه

رسل ،،دنجبي كل عام وانت بخير مهندستنه