ضياع طفله

part 8

#ضياع_طفله
البارت الثامن
#Rehab

رسل ،، اجه خبر استشهاد ابوي أثر عبوه ناسفة ....
جابوا جثته كلشي ماباقي بي بس صدره وباقي جسمه ماكو ..

اخذتني بيبيتي للفاتحه رغم جنت صغيره بس افهم شنو الي جاي يصير ..

دريت انو ابوي راح وبعد مايرجع ومراح اشوفه ،صح ماشفت منه الحنان الي اريده بس وجوده بالدنيا يكفي ....

الأب خيمه للبنيه وسند الها ...

المات ابوها تضل غريبه 😞
شما كثر صيت العمام

طبيت لبيت اهل ابوي هاي ثاني مرة أدخله شفت نسوان هواي كلها لابسه اسود وتبجي ،جانت اكو ملايه موجودة تنعه وتقرأ قصايد على الشهيد وعلى الابن ...

اجت مرة جبيرة تبجي وتلطم على راسها

بيبي ،، هلا بريحه الغالي ..
شبكتني وضلت تشم بيه وتبجي وتنعه التمن النسوان علينه وكلها تبجي على بجيها ...

بيبي (ام سعد ) ...البقيه بحياتج خيه وان شاء الله خاتمة الأحزان

بيبي (ام فؤاد ) ،، راح الغالي ياخية بعد مايرجع ،عاف جهاله صغار مالحك يتهنى بالولد ....

بيبي (ام سعد ) ،، هاي سنة الحياة وكلنه نموت محد يبقى لحد ،وجهاله الهم الله وانتي موجودة الله يخليج الهم وتشوفيهم يكبرون كدام عينج ...

رسل ،، كاعده بصف بيبيتي ام ابوي واباوع للنسوان شلون يبجن ويلطمن ...

شفت مرة صغيرونه بكد امي عيونها مورمه من البجي وشعرها طالع وخدودها كلهن دم وشابكه ولد صغيرون وتبجي بجي يموت ، وكل شويه تلطم على عيونها ويجن نسوان ويلزمن اديها وهي بس تبجي وتصيح ...

باوعت لبيبي ام امي وكتلها ...
بيبي هاي شبيها المره ليش هيج تسوي خطيه شوفي وجهه كله دم ..

كالتلي بيبي هاي مرت ابوج وتبجي هيج لان ابوج مات حزنانه عليه انتي مو شايفتها قبل ...
اي شايفتها بس ذيج جانت حلوه .....

بيبي ،، لا بيبي هي نفسها بس هسه متغيرة من المصيبه موتت ابوج غيرتها ...

رسل ،، اكلج بيبي هو ابوي مو راح للجنة ليش تبجون بعد ، كومي يلا خلينه نروح لأهلنا ماحبيت ذوله الناس بس يبجون ....

صاحت عليه بيبيتي ام ابوي ...
شبيج يمه رسل وين ترحين ،تردين تعوفيني انتي وابوج ...

رسل ،، مااريد ابقى يمكم انتو بس تبجون وذيج المره تخوف شوفي شلون مجروحه بوجهه وشعرها مشلوع 😭😭مااريد ابقى كومي يلا ..

ضليت ابجي بنص النسوان واصرخ على بيبيتي اريد اطلع منا ..

ام سعد ،،سامحيني أم فؤاد راح اخذ البنية شوفي شلون كلبت الدنيا ماتسكت بعد وراح اتعبكم اذا بقت هنا ، وأن شاء الله كل يوم اجيبها شويه يمكم علما تتعود ...