ضياع طفله

part 13

#ضياع_طفله
البارت الثالث عشر
#Rehab
ثاني يوم الصبح راح خالي سعد وكل محامي بقضيتي ، طلب المحامي يشوفني ...

رسل ،، دك موبايلي باوعت لكيته خالي فتحت الخط ..

خالي ،، الووو رسل ...

رسل ،، هااا خالي اسمعك

خالي ،، بدلي ملابسج وتعاي انتي وامي وابوي للمحامي تركي يريد يشوفج هسه ..

رسل ،، ماشي خالي جايه هسه ..

سديت الموبايل رحت كلت لبيبي وجدي ، بدلنه وطلعنه وصلت لمكتب المحامي دخلنه سلمت وكعدت ...

المحامي  ،، هااا عمو رسل شلونج

رسل ،، الحمد لله زينه ..

المحامي  ،، اي رسل سولفي كلشي حتى اكدر اساعدج ...

رسل ،،
حجيت كلشي للمحامي شلون التقيت بيها يم بيت جدي اهل ابوي وشلون انطيتها رقمي وعنوان اهلي وبعدين سولفت شلون من اجيت للبيت ولكيتها يمنه وحجتلي عن حبيبها وعن رسائل التهديد الي ودتهن لاهلها ....

المحامي  ،، لا تخافين بابا شغلتج سهله كلشي لمصلحتج لا تهتمين ويلا حضري روحج باجر عدنه محكمه ..

باوع لخالي كاله لا تنسى الشهود لازم يجون يشهدون لمصلحتكم ...

رسل ..
طلعنه من يم المحامي رجعنه للبيت اتغديت ونمت حتى دراسه مابيه حيل أقره جان بوكتها عندي فترة مراجعه امتحانات وزاري ...

صار العصر راح خالي سعد لجيرانه وللسيد حجالهم السالفه كلها وطلب يجون ويانه باجر للمحكمه يشهدون ، وافقوا يجون ويانه ...

صار ثاني يوم الصبح موعد المحكمه كعدت بدلت وتريكت ع السريع وطلعنه ..

دخلنه للمحكمه لكينه الضابط هناك ..
الضابط ،، السلام عليكم هاا بابا جاهزة ..

رسل ،، اي جاهزة ....

باوعلي المحامي كال لا تخافين واهدي واحجي كلشي ..
اخذني الضابط لغرفه التحقيق دخلت وحدي كالوا ممنوع اهلج يدخلون ..

كملنه من غرفه التحقيق اخذوني لغرفه ثانيه كالوا إجراءات لازم نسويها كملنه كلشي ..

رجعت يم اهلي شويه وصاحوا عليه كالوا بدت الجلسه ، دخلت يم القاضي

بده المحامي يحجي ويدافع عني تالي انطى للقاضي أوراق وتقارير تثبت اني ماجنت موجودة من اجتنه ...

صاحوا الشهود شهدوا بصالحنه، كملنه كلشي ..

كالوا وقت النطق بالحكم ...
القاضي  ،، حكمت المحكمة بعد الثبوت والتقارير وشهادة الشهود بتبرئه المتهمه رسل بتهمه الخطف ...

رسل ..
من انطى القاضي الحكم فرحت هواي صح اني مامسويه شي بس رعب المحكمه والتحقيق الي سووه إليه خله عندي خوف من الحكم ...