#ضياع_طفله
البارت الحادي عشر
#Rehab
نرجس ،، اتعاركت ويه حامد كمت اغلط عليه وعلى بناته ، صاحت عليه امي كالت يلا خلي نطلع رسل تعبانه ..
سحبت الموبايل من حامد وهددته اشتكي عليه إذا سواها مرة ثانيه ...
عفت امه تحجي وتغلط عليه وعلى تربية رسل وخليت وطلعت ..
اخذنه رسل للمستشفى عالجوها وضمدوا جروحها و رجعنه للبيت ...
رسل ،،دمعتي مانشفت من طلعت من بيت جدي ورحنه للمستشفى واني بعدني ابجي حجي مااكدر احجي حاضنه بيبيتي وماارضى اهدها ...
خايفه لا يجيني عمي ويكتلني مرة ثانيه ...
بيبيتي ،،يمه بنتي راح تروح مني ولج نرجس البنية ماتحجي ...
نرجس ،،الله لا يوفقك يا حامد شسوي يمه ماترضى تسكت ماتشوفينها حتى اكل ماتاكل ...
بيبي ،، كومي لبسي عباتج وخلي اخوج علاوي يوصلنه للسيد يقره عليها ...
رسل ،، اجت امي لبستني حجاب وبدلت ملابسي وطلعنه ..
رحنه لسيد معروف عدنه ضل يقره قرآن وادعيه فوك راسي واني بس ابجي وحاضنه بيبيتي ...
رجعنه للبيت شويه صرت احسن ...
صار المغرب كامت شوق وفاطمه سون إليه شوربة ودجاج وحطنه كدامي ...
اجت بيبيتي كالت اني اوكلج انتي طفلتي ...
اكلت بلكوه لان حلكي بعده يأذيني من الكتل ...
اجت امي نرجس ..
نرجس ،،هاااا يمه رسل شلونج هسه ..
رسل ،،الحمد لله زينه ...
نرجس ،،هاج هذا موبايلج بي الشريحة والرام اخذتهن من حامد غصبا عليه وعلى الخلفوه ...
رسل من اطتني امي جهازي فرحت كلش وأخيرا راح احجي ويه مرتضى مشتاقتله ،
اكيد من يسمع هسه راح يوكف وياي ضد اهله ادري بي هو يحبني مراح يعوفني 😊
خابرت مرتضى اشوفه يعرف بالسالفة لو لا ..
دك الموبايل اول مرة ماجاوب استغربت شبي هذا أول مرة هيج يسوي ، رجعت اتصلت مرة ثانيه انفتح الخط ..
رسل ،، الووو مرتضى
مرتضى ،،الووو نعم شتردين ...
رسل ،،شبيك ليش هيج تحجي ..
مرتضى ،، شلون ترديني احجي ست رسل حجيت وياها بصياح وبعصبيه ...
رسل ،، ليش تصيح ...
مرتضى ،، اصيح عليها بعصبيه ،هااا اعرف بيج تحجين ويه ولد غيري وتخونيني وترديني مااصير عصبي ولج اني مكرن عدج 😡
رسل ،، مرتضى يحجي وياي ويصيح وتالي يتهمني بالخيانة سمعته هيج كمت بس ابجي ..
ليش ولك عبالي انت توكف وياي وتصير سند إليه
أنت تقرأ
ضياع طفله
General Fictionقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
