#ضياع_طفله
البارت السابع
#Rehab
نرجس ،، بقيت وحدي بالغرفه حاظنه رسل وابجي ،جسمي موتني من الألم امي ماادري شصار بيها
ااااخ يمه الله لا يوفقكم أن شاء الله الله ينتقم منكم ان شاء الله ماتشوفون يوم راحه ابد ،ابجي وادعي عليهم
اسمع صياحهم بره الغرفه ويتحلفون بيه مايطلعوني عدله من البيت
صارت الساعه ب 5 ألاذان مابقاله هواي الدنيا صارت غروب
ابوي ،، ولجن امجن شو ماكو تأخرت يم نرجس ...
سجى ،،والله بويه ماادري هي صارلها هواي من طلعت صدك تأخرت ..
علي ،، بويه راح اروح الهم اشوفها شبيها
ابوي ،، انتظرني بويه جاي وياك كلبي حاس اكو شي صاير ...
طلعنه اني وابوي ودكينه الباب عليهم
علي ،،بويه شو هوسه عدهم واصواتهم عاليه بس لا صاير شي
ابوي ،، دك الباب حيل مو كتلك كلبي حاس اكو شي
انفتح الباب لكينه أحمد عيونه حمر ومبين عليه عصبي ويباوع النه بنظرات كلها حقد
دخلنه جوه وهجموا علينه أحمد وفؤاد يهددون ويصيحون
ابوي ،، بويه شبيكم اهدوا شصاير
أحمد ،، ولك انتم تجون تحجون على ابوي والله اليوم محد يخلصكم مني لو اني لو انتم وهاي بتك الساقطة إلا اربيها من جديد ....
علي ،، احترم نفسك ولك كلب وهجمت على احمد اريد اخنكه . بقينه نتعارك اني وياه جراني من ياخة قميصي وشمرني على الحايط اجت الطكه براسي اتعورت شويه
اشوف ابوي بس يصيح مايكدر يسوي شي الهم
باسم ،، من اجوه أهل نرجس عفتهم ورحت اتعاركت ويه امي وخرتها من الباب وفتحته لام نرجس وطلعتها
شفتها تبجي وتصيح بتي الله لا يوفقكم الله لا يطيكم
خاله مو وكت الحجي والبجي روحي لنرجس لبسيها عبايتها وخليني اطلعكم قبل لا تصير مشكلة ثانيه رجلج هو وعلي هنا جاي يتعاركون ويه احمد وفؤاد، يلا خاله بسرعه ...
رجاء ،، هااااا ولك باسم طيح الله حظك هاي بدال ماتهد عليهم تجي تساعدهم والله انت مو رجال ...
باسم ،، انجبي ادبسزز كلبه اعلمج منو المو رجال كمت عليها وطكيتها راشدي وجريتها من شعرها طايحه الحظ
ام فؤاد ،، جريت رجاء من باسم ولك كلب تكتل اختك علمود ناس ماعدهم أخلاق همده بطني الخلفتك يا عار ...
باسم ،، يمه رحمه لوالديج يعني الي جاي تسوونه يرضي الله لو رسوله
اجت نرجس وامها كتلها يلا خاله تعاي وصلتهن للباب ورجعت على أهل نرجس
دفرت الباب وجريت أحمد وفؤاد شفتهم يتعاركون ويه علي ومدمين الولد وهو زغير مو بكدهم وابوه يصيح عليهم مايكدر يوخرهم
فتحت الباب الهم وكتلهم يلا طلعوا بسرعه
نرجس ،، أول ماطلعنه من عيالي..
امي كالت والله مااسكتلهم هسه نروح للشرطة ونبلغ عليهم وباجر الصبح تطلك نرجس ماتبقى على ذمته
علي ،،يلا امشو راح اجيب سياره ونروح هسه
اني سكتت ما حجيت شي جنت بعدني ابجي وحال الظيم حالي بس بعد مااكدر اسكت اتحملتهم هواي
رحنا للمركز اول ما طبينه الضابط شافني أتعجب شصاير بيه
الضابط ،، خير هاي شنو شصاير
ابوي ،،والله يا خويه ماادري شكول
امي ،،اني احجي كافي نسكت
الضابط ،،احجي حجيه شبيها بتكم
امي ،، ذوله بيت عيال بتي نريد نشتكي عليهم شوف شمسوين مامبقين شي سليم بجسمها حتى سنونها مكسريها
الضابط ،،اسمه شنو رجلج بابا
نرجس ،، اسمه أحمد
الضابط ،،يعني أحمد هو مسوي هيج بيج ...
اي هو
خلص روحوا انتو للبيت واحنه هسه راح نطلع نقبض عليه
طلعنه من المركز رحنه للبيت
اهلي جابوا علاج لرسل استلمنها اخواتي ودارنها الليل كله
واني امي اجت يمي ساعه تهديني وساعه تلوم بروحها لان هي السبب بهذا الزواج
دمعتي مانشفت جابولي قطن وديتول ومسحوا وجهي كله لان جان كله مورم من الكتل ،الليل ماكدرت انامه من الوجع وكل شويه ابجي على حظي الفكر وحظ بتي الي طلعت للدنيا وماشافت حنان ابوها ...
صار الصبح كعدنه جابولي ريوك بيض وخبز وجاي كعدت امي توكلني
ايدي جانت تأذيني وأثر الخراميش مال رجاء بيهن وكلهن دم مااكدر أشيل حتى كلاص الجاي ،تريكت بلكوه وبعد تقنيع امي
صارت الساعه ب 9 ابوي كال يلا نروح للمحكمه نقدم بلاغ طلاك وتالي نروح للمركز نشوف لزمو أحمد لو شرد
طلعنه رحنه للمحكمه دخلت على القاضي شاف حالتي بقى صافن رأسا قدم دعوه إلقاء القبض على احمد ،
القاضي ،، الله ينتقم منه سامحينه بويه المثل رجلج ماينعد من الزلم
نرجس ،،نزلت راسي وبجيت بعلو صوتي حالتي جانت تكسر الخاطر
القاضي ،،لا تبجين بويه مايستاهل دمعه منج ، واصبري بس نلقي القبض عليه اخلي يطلكج غصبا ماعليه ..
طلعنه من المحكمة رحنه للمركز الضابط كال رحنه أمس لبيتهم فتشنه البيت مالكيناه طلع شارد
الضابط ،، وداعتج خيتي الزمه لو تنكلب الدنيا ابقى وراه لو كلها تمل ..
اتشكرنه من الضابط ورجعنه للبيت
بقينه أسبوعين روحه رجعه للمركز نريد خبر عن أحمد ماكو كل مره يكولون ماكو مانلكاه
بيت جدي زعلوا على امي وحملوها المسؤولية كلها كلشي صار من وراها هي رادت هالزواج يتم ...
رسل الحمد لله طابت وصارت زينه بعد ماكمنه ننطيها علاج الحمد لله الصخونه راحت
وره أسبوعين ابوي جان راجع من الجامع وره صلاه المغرب
أنت تقرأ
ضياع طفله
Fiction généraleقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
