#ضياع_طفله
البارت الثاني عشر
#Rehab
صار ثاني يوم الصبح ..
كعدنه من وكت لان عرس وهوسه وناس تجيهم كمنه اشتغلنه ونظفنه البيت ...
اجوا أقاربهم اتغدوا يمهم ،ضلينه نسولف ونشاقه وياهم ..
رسل ...
كامت عمتي ام مرتضى الي هي ام العريس وزعت هدايا للكل الجبير والزغير إلا أني مااطتني، مااهتميت الها ولا هداياها بس انقهرت فشلتني كدام البنات ...
صار العصر سلمت عليهم ورجعت لاهلي ،سولفت لبيبيتي على كلشي وشلون جانوا حاقدين عليه ،
بس عركتي ويه فاطمه ماحجيتها ادري بأمي تروح تتعارك وياهم ...
مرت سنتين ودخلت ثالث متوسط علاقتي ويه مرتضى انكطعت ...
بيت جدي ضليت اروحلهم خميس وجمعه وارجع ماابقى هواي يمهم ...
دخلت مدرسه اهليه راتبي انطونياه كله اسدد بي القصد مال المدرسه ...
خابرتني عمتي الجبيره كالت تعاي رسل يمنه مشتاقتلج ...
رحت ثاني يوم الصبح الهم كعدت سولفت ويه عمتي صار الغده مسوين سمج وطرشي وتمن احمر😍
اوووي اكلتي المفضله نسيت اني مو يم اهلي ضليت اكل بشهيه 😂😂اباوع لكيت عمتي وماجد يباوعون ويضحكون 😶
كملنه غده ساعدتهم بغسل الماعين ..
صار العصر اندك الباب طبت زينب مرت عمي( فؤاد ) ..
كعدنه نسولف صاحت عليه
رسل ،،هااا عمه كولي .....
زينب ،، اكلج رسل اختي مها يمنه تريدج .....
رسل ،، استغربت مها شعدها وياي حتى ماحاجيه وياها بس مرة وحدة ..
اي عمه شتريد
زينب ،، كومي وياي تريد تسولف وياج ...
كمنه انه وياها طلعنه من بيت عمتي لبيت جدي
دخلت سلمت على بيبيتي صاحتني زينب كالت تعاي بغرفتي
دخلت سلمت على مها اجت زينب كعدت يمنه ...
رسل ،،شلونج مها شخبارج ...
مها ،،الحمد لله انتي شلونج ..
رسل ،، والله عايشين ..
مها ،، اكلج رسل ماتنطيني رقمج اخابرج منه ...
رسل ،، يااا عندج موبايل ولج ع الخير ..
مها ،، لا يحظي منين ماعندي ، عود اخابرج من موبايل امي ...
رسل ،، هااا يلا هاج سجلي .....0780
اي شكو ماكو بعد
مها ،، اكلج رسل عود بيتكم وين ...
رسل ،، شنو تردين تجينه مها ..
مها ،، اي مو انتم يم خالتي بنفس الشارع فكلت اندل بيتكم حتى اجي اشوفج ...
رسل ،، انطيتها عنوان البيت ولون الباب مالتنه وانطيتها عنوان بيت امي نرجس هم ...
صار وكت العشه اتعشينه يمهم بالليل هي راحت لاهلها اني نمت يم بيت جدي ..
أنت تقرأ
ضياع طفله
General Fictionقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
