ضياع طفله

part 5

#ضياع_طفله
البارت الخامس
#Rehab

نرجس ,, قراري الاخير مستحيل ارجع للذل والاهانه وخاصة اني هسه حامل

امي ,, ولج تردين العالم تحجي علينه , ولج تردين تضحكين اليسوه والمايسوه يكولون بت ام سعد اطلكت .....

ابوي ,, بوية فكري عدل , كل بيت بي مشاكل وكل مشكلة والها حل ...

نرجس ,, بوية انت ما عشت وياهم ما تعرف شلون عايشين عيشتهم صعبة ما تنحمل ...

شوية وسمعنا الباب يندك راحت اختي تفتح الباب , اجت تركض وج نرجس اجت عمتج واحمد ...

ابوي ,, كومي يلا راح ادخل رجلج وامه للديوانية وانتي تعالي احجي وياهم ..

نرجس ,, كمت وره ابوي فتحت باب الديوانية وبقيت واكفه اني وامي بالباب ننتظرهم يدخلون ,
شفت عمتي مبينه عصبيه واحمد نار تطلع من عيونه حجيت بيني وبين نفسي ,,اوووي يطبهم مرض شسويلهم

ام فؤاد ,, رجعت من السوك تعبانه , الشغل تعبني توني طبيت للبيت وتلكتني رجاء وهناء يصيحن

رجاء ,, يمه يمه لحكي علينه نرجس كتلت هناء وطيحتها بالكاع وحجت عليج وعلينه ,, وتالي لمت هدومها وولت لاهلها ...

ام فؤاد ,, وج شتكولين يمعزاية شلون تمد ايدها عليجن وتسكتن وتالي هي تطلع وتولي لاهلها بدون ما تنطيني خبر الية ولرجلها ,,
شوية وطب احمد للبيت ......
صحت علية من بعيد واني ادك على خدودي ولك حميد ولك ياابن بطني تعال شوف مرته شمسوية ...

احمد ,, تلكتني امي تصيح وتلطم على خدها , اجيت اركض شبيج يمه شصاير شبيها نرجس ..

ام فؤاد ,, يافرحتي بيك ولك مرتك تطلع من البيت بدون علمك وانت ما تدري ,, ومو بس هيج تمد ايدها على اخواتك وتكتلهن ,, هي هاي المرجية منك هاي اني بعدني عايشة ونسوانكم يكتلن بناتي شلون لو ميتة يمكن تطردوهن من البيت ...

احمد ,, شتحجين يمه والله اليوم اندمها وأحسب الله ماخلقها، رايحلهم هسه ...

إم فؤاد  ،، اوكف جايه وياك ،لبست عباتي وطلعنه اني واحمد لأهل نرجس ..

وصلنه لبيتهم دكينه الباب فتحته اختها الزغيره كتلها روحي صيحي اهلج ، اجه ابوها فتحلنه الباب ودخلنه جوه طبينه لكينه نرجس واكفه بالباب  ....

ام سعد  ،، هلا بيج خيه تعاي فوتي جوه

ام فؤاد  ،، ماجايين نكعد أم سعد ، جايين نعاتب على سوالف نرجس  ..

ابو سعد  ،، فوتي جوه ونحجي بكلشي ..

أحمد ،، وهاي كعدنه عمي ، شتكول انت راضي على تصرفات وسوالف نرجس ...

نرجس  ،، ليش شسويت اني أحمد ...

ام فؤاد  ،، وطلعتج من البيت بدون علم رجلج هي هاي المرجية منج بت الحسب والنسب ،، لو كتلتج لهناء ..