ضياع طفله

part 16

#ضياع_طفله
البارت السادس عشر
#Rehab
رسل
مرت فترة محمد يراسلني حتى يتعرف عليه ،جنت كارهته كلش ابد ماتقبلته بلكوه اجاوب عليه من يحاجيني ..

ضلت روان تعلمني وتنصحني شلون أتعامل وياه وتحجي عليه ع قرار الطلاك ولازم اغير فكرتي احتمال يطلع خوش ولد ..

خليني اعرفكم بمحمد
محمد عمرة 22 سنه الولد الوحيد لاهله على 3 بنات (دعاء ورنا وشذى) ، تارك الدراسة مامكمل مرحلة ثانية كليه وتركها ..

خلص أربعين خالي محمد يوم الخميس همه يوم الأثنين راحو للنجف اني مارحت وياهم جنت مستحيه مااكدر اروح ..

يوم الأربعاء صار يوم خطوبتي ..
الصبح الساعه ب 9 اندك الباب طلعت بيبيتي فتحته لكت محمد جايب الكيكة والكاميرا مال التصوير اخذتهن ودخلت صافنه ..

شوق ،،هااا يمه شبيج صافنه منو اجه

بيبيتي،،هذا محمد اجه جاب الكيك والكاميرا بس احس تصرفات الولد غريبه شو احجي وياه مايحجي بس يضحك ..

شوق ،،يمه اسكتي لا تحجين شي لرسل هو احنه بلكوه قنعناها وخليناها توافق هسه بس تسمع تكوم علينه وتكول ابطل ..

(رسل ..طبعا هالحجي بعدين عرفته)
عدة النهار بين تحضيرات وهوسه وصالون وبدله ..

صار المغرب اتعشينه من وكت اجن خالاتي (اخوات امي نرجس ) وعمامي ونسوانهم وبناتهم وصديقاتي حضرن ..

رسل ،،
كاعده ع الكرسي واسولف ويه صديقاتي والبيت هدوء لا اغاني ولا هوسه ولا هلاهل ..

صارت الساعه ب 8 اجو اهل العريس دخلن اخواته وامه بس والزلم راحوا بالديوانيه  ..

اجن اخواته جايبات دي جي صغير شغلن اغاني وبدن يركصن ويهوسن ..

رسل ..
اني كاعده وساكته اضحك مجاملة بيهن بس بداخلي كل فرح ماكو زواجي اعتبره مصلحه بين عمامي ،جان هاليوم مشؤوم بالنسبه إليه ..

اجه خالي سعد صاح عليه كال يلا تعاي السيد يريد يعقد يريد يسمع موافقتج ..

دخلت للديوانية عقدنه وكملنه تالي كلها طلعت بقيت بس اني ومحمد وعمي فؤاد  ..

عمي ،،يلا تعالوا اصوركم

اخذنه كم صورة واني ابد ولا ضحكت بودي اكتل محمد وعمي

محمد ،،شبيج رسل ع الاقل اضحكي للصورة ..

رسل ..
باوعتله ودرت وجهي مااهتميتله ..
درت وجهي عليه لكيته يضحك وحده 😳بس ضحكته غريبه مااعرف شنو خفت من عنده ..

خليت وطلعت عفته كاعد ورجعت يم النسوان ..
دخلت يمهن رافعه بدلتي بس دخلت صارت الهلاهل ضحكت غصبا ماعليه الهن ورجعت كعدت ..

صارت الساعه ب 9:30 كلها طلعت عمامي راحوا لحنه مرتضى 😔
صادفت بنفس اليوم خطوبتي وحنته ..