#ضياع_طفله
البارت التاسع عشر
#Rehab
رسل ،،
كملنه دوام اجه الخط ركبت بالسيارة ورجعت للبيت سلمت عليهم ودخلت لغرفتي
بدلت ملابسي وطلعت للمطبخ لكيت عمتي وشذى يحضرن الغده
رسل،، السلام عليكم
عمتي،، هلا رسل شلونه الدوام اليوم
رسل،، زين بس فايتني هواي دروس مال أسبوع كامل
شذى،، يلا رسل تعاي خلي نكمل صب الاكل
رسل،، أخذت الخضرة وغسلتها
اجه عمي ومحمد من الشغل طلعت عمتي تستقبلهم
رسل ،،والله فد جوعانه كلش 😁اكلج شذى شنو غدانه
شذى،، امي سوت تشريب احمر وتمن عدس
رسل،، الله اموت ع هاي الاكله يلا خلي نصب بين مايصلي عمي ومحمد
كملوا صلاة صبينه الغده خلصنه رحت غسلت الماعين كملت رحت لغرفتي نمت تعبانه حيل اليوم
كعدت المغرب قريب ع ألاذان غسلت ورحت للصاله لكيت عمي وعمتي
رسل،، عمه راح اسوي عشه تردون شي
عمتي،، هااا تعرفين اتطبخين
رسل،، عادي عمه العشه سهل
عمتي،، تلكين بالثلاجه عجين كباب كلي وسوي زلاطه وياج
عمي،، عفيه عمي اليوم ناكل من ايدج
رسل،، استحيت من عمي دنكت ورحت للمطبخ طلعت العجين كليته وطلعت بتيته سويتها همين وسويت زلاطه وجاي
إذن ألاذان صلينه اتعشينه كملت رحت غسلت ودخلت غرفتي شعليه ب الماعين خلي رنا تغسلهن كلشي ماتسوي 😒
طلعت كتبي وبقيت الليل كله أقره صارت ب 11 كملت دراسه اجه محمد
محمد ،،ماكملتي دراسه ترى باجر جمعه
رسل،، كملت هسه اي ميخالف حتى لو جمعه هواي مواد ماقاريتهن وبعدين باجر اخلصه يم اهلي باجر السابع مالتنه معزومين
محمد ،، اي يلا تعاي نامي
رسل،، كمت بدلت ملابسي ونمت درت وجهي عنه مااهتميتله
ثاني يوم الجمعه معزومين يم اهلي
اجه محمد ب 11
محمد،، هااا رسل ترحين لاهلج ويانه لو قبلنه
رسل،، لا أريد من وكت خليها ورة الغده وديني لاهلي مشتاقتلهم حيل
محمد ،،ماشي حضري روحج
إذن ألاذان صلينه وسوينه غده اكلت ع السريع كملت غسلت الماعين ورحت لغرفتي بدلت ملابسي وخليت مكياج خفيف ولبست عبايه
رسل،، يلا محمد كوم وصلني وأجر سيارة
محمد ،، لا خلينه نروح مشي أحلى
أنت تقرأ
ضياع طفله
General Fictionقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
