#ضياع_طفله
البارت الواحد والعشرون
والأخير
#Rehab
رسل ،،
عمي اكعد وخليني افهمك السالفه كلها
فؤاد،، وهاي كعدنه يلا احجي ... شنهي السالفه
رسل ،، كعدت اسولف الهم ... اني بعدني بنيه ... وكتلهم ع سالفته العوجه
عمتي وبت عمتي ... وكفن وياي وكامن يحجن ع عمي ... عمي هو السبب بزواجي
راد يخلص مني ... والراتب يرجع الهم ... واني اطلع كلشي ماكو
بقينه أسبوع وعمي فؤاد ... كل يوم يجي يقنع بيه ... ارجع الهم وانطي فرصة لمحمد
رسل ،، مر أسبوع واني زعلانه ... وكلها درت بعملة محمد ... كلها صارت وياي وايدتني ع الطلاك
ورة فترة خابرني عمي ... كال اهل محمد جايين ... يحاولون يرجعوني
صار العصر ب 4 اندك الباب ... اجه خالي علاوي ... كالي اجو اهل محمد بالديوانيه كاعدين
ينتظرونج يردون يتفاهمون وياج ... بدلت ملابسي لبست ... بنطرون وبدي طويل وشال وطلعت الهم
رسل ،، السلام عليكم ... ردوا السلام رحت كعدت يم ابوي
عمي ،، شلونج بويه رسل
رسل،، الحمد لله زينه انت شلونك
عمتي ،، رسل تعرفين عليمن جايين
رسل ،، اي اعرف وبعده جوابي نفسه مااريد ارجع
عمي،، بس بهيج حاله تعتبرين مطلقه ... وانتي بعدج صغيرة
رسل،، اي واني قابله بس المهم ماارجع
عم محمد ،، بوية الناس راح اطلع الغلط كله منج
رسل،، لا محد يطلعني غلطانه ... ولو عرفوا بسالفة محمد ... الحق كله يصير وياي
عمي،، ليش شمسوي ابني ... إذا حقه الشرعي وانتي ماتقبلين تنطينه
رسل،، هااا وهاي منو كالك ... ليش ابنك ماكالك هو مو رجال
عمتي،، احجي عدل رسل ولا تطلعين ... حجي مو زين ع ابني
رسل،، هااا هيج صارت ... مو اجيت وكتلج هيج وهيج تصرفات ابنج
مو كتلج تصرفات محمد ... مو مال واحد صاحي ... بس انتو غشيتوني ...ماحجيتوا الحقيقه من اجيتوا خطبتوني
عمتي،، ولج رسل يا حقيقه لا تضلين اترهمين ... حجي باطل ع ابني
رسل،، هااا هسه صار حجي باطل ... أول شغله انتو غشيتوني ... محد كالي محمد مريض نفسيا
ثاني شغله جذبتوا عليه ... ماكلتوا هو جان خاطب ... اثنين قبلي ومن عرفن بحالته ... هنه فسخن الخطوبه
عمتي،، مو اول واحد يفسخ الخطوبه ... وعادي مصار شي
رسل،، اوك خلي تولي سالفه غشكم وسالفه الخطوبه ... زين تعرفون ابنكم شسوه
أنت تقرأ
ضياع طفله
Художественная прозаقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
