#ضياع_طفله
(البارت الرابع)
#Rehab
نرجس ،، دخلت للغرفه دكيت ولطمت فشلني كدام اهله وطكاني راشدي ماخله اي احترام إليه محد راح يحترمني بعد ، كله منج يمه انتي السبب ورطتيني هيج ورطه ....
اجه أحمد وره ربع ساعه شافني ابجي وماحجه وياي ابد مباشرة راح نام وعافني ....
مرت ايام واني وأحمد مثل الغربه واخواته ونسوان إخوانه ماعافني استهزاء دائما وشغل مايخلص اكثريته عليه ، والبيت كله مشاكل من وره اخته رجاء كلشي اسوي مايعجبها ومن تجي امها تصير هي المسكينة واني الغلطانه ...
رجاء ،، اكول يالمتعلمه والدارسه شوكت تبدين تستلمين الخبز وتخبزين 😏
نرجس ،، مااعرف اخبز ، ولا تبدين بسوالفج رجاء خلي هالنهار يعدي ع خير .....
رجاء ،، شنو قصدج ولج اني اسوي المشاكل .....
نرجس ،، لا مو انتي اني ، وخري يلا خلي اكمل شغلي ...
هناء ،، شو صايرة تعلين صوتج نرجس انتبهي لا اكص لسانج ...
نرجس ،، لا والله منو انتي وتكصين لساني ماعاش ولا كان الي يمد ايده عليه فهمتي ، اني بت العز والدلال مو تجين أنتي وغيرج تهدديني 😡
عمتي ،، ولج نرجس طالع لسانج ..
نرجس انداريت واني عصبيه لكيت عمتي واكفه وصايرة بركان من العصبيه، عمه هي البدت وتكلي اكص لسانج هي تغار من عندي ..
زينب ،، هي انتي شنو تغار ولج على شنو نغار منج كلج وحده اهلج ذبوها علينه ماعاولهم يخلصون منج ومن عرامتج ...
رجاء ،، اي والله العانس لو ما اخوي جان محد كلبج واخذاج 😂😂
نرجس ردت احجي واتعارك وياها صاحت علينه عمتي
عمتي ،، بنات الكلب يلا كل وحده على شغلها لا اجي اسحلجن سحل هنا يلا كومن اتحركن، وانتي نرجس كافي تتعايرين واسكتي شيحجن تنجبين وتسكتين اني ساكته لخاطر اهلج خليني متحملتج على خير ...
نرجس ،، عمه هو أني شسويت هنه البدن بالعركه واني مااسكت لو يجي أكبر واحد
عمتي ،،، امشي من كدامي ساعة السودة الاخذتج بيها لابني ، ولي يلا روحي طبخي ...
نرجس ،، شطبخ هو شنو الموجود حتى اطبخه بس البتيته بالبيت ...
عمتي ،، نعمه الله يلا كومي طبخيها لو هم تكولين مااعرفلها ست الحسن ...
نرجس ،، لا أعرف رايحه اطبخ وامري لله الواحد القهار ...
رحت للمطبخ واشوف رجاء وزينب يتمضحكن بيناتهن، غلست ومشيت مابيه حيل للمشاكل
خليت الجدر ع النار وبديت اطبخ المركه واني بالي راح يم امي الي شمرتني هالشمره ...
اووف حياتي نكلبت اني هذاا الزواج ماردتة بس امي ماتت عليه رادت بس تخلص مني جابتني للذل والإهانة الله يسامحج يوم 😟
أنت تقرأ
ضياع طفله
General Fictionقصه حقيقية اجتماعيه ... لطفله لم تبلغ 17 عام ... تتعرض لمشاكل أكبر من عمرها ... كل ذلك بسبب طمع وجشع العمام
