Gunita ng hugis ng iyong mukha,
kurba ng iyong labi dahil sa pagngiti
Hubog ng iyong baba at kislap
ng iyong mga mata
Boses mong buo at masaya,
sobrang nami-miss ko na
Ang lahat ng 'yan ay hindi ko
makakalimutan
Usapang inaabot ng hatinggabi
kulitang nauuwi sa asaran
Ang matatalo ay magtatampo at ang
mananalo ay aasarin ka pang todo
Ilan lamang 'yan sa ating alaala,
alaala na sa iba ay kumukupas na
Hindi kita makakalimutan at alam mo 'yan,
maliban nalang kung sundan kita sa iyong kinaroroonan.
Huwag kang mag-alala sa akin masakit kong pakiramdam ay maghihilom rin
Huwag mo akong alalahanin
nakakaya ko pa rin namang kumain
Tandaan mong muli tayong magkakausap,
landas nati'y muling magtatapat
At kapag nangyari 'yon bibigyan kita
ng isang mahigpit at nakakasakal na yakap.
BINABASA MO ANG
Her Poetic Thoughts
PoetryHalo-halong mga tula, salitang aking binuo at nilikha Kalungkutang nakatago sa aking puso, emosyong patuloy na umuusbong Pangungulilang nadarama, nakabalot na ito sa aking sistema Hindi ako makata, ngunit sa mga salita ko ay masasaktan ka Hindi ako...
