My Day [Short Story (COMPLETED)] 💕

Chapter 13

Pagkagising ko nagmeryenda muna ako at tsaka nag-online.

Maya-maya pa nag-lag na ‘yung cellphone ko sa sobrang daming messages na pumapasok sa mga gc lalo na sa gc naming barkada. Ano na naman kayang meron?

Isa-isa kong binuksan at nireplyan ‘yung mga nagpm at nagreply sa chat. Sinunod ko ‘yung mga gc. Huli kong binuksan ‘yung gc naming barkada at talaga namang nawindang ako.

Mae: (screenshot ng convo ni Kai at Jack na nagpapakamusta daw sa akin tapos umuulan ng puso na emoji at stickers)

Convo:

Jack: Erp Lesly Fortejo
L
E
S
L
Y
Papapulis ko na ‘yung
may ari ng pangalan na
to erp ninakaw ‘yung
puso ko
Erp ano gagawin ko?

Kai: G*go unahin mo
munang umamin
kesa sa akin ka
naggagaganyan
ganyan!

Jack: Hindi mo naman
kasi ako kinakamusta e!

Kai: Paano naman
kita kakamusta e,
papayaman ka pa
kamo, bano! Andrama
drama mo hangal!
Kung kelan wala na
sa momentum tsaka
ka papakamusta

Jack: Iba 'yun, kakatapos
lang kay Den e. Iba na
ngayon. Lesly Fortejo <3

Kai: Pasalamat ka boto
ako sainyo kundi
binatukan kita!
Napakabagal mo
hahahahaha
papakamusta
na kita.

End of Convo

Nagbackread ako sa mga pinag-usapan nila at as usual tungkol na naman sa amin ang topic nila. Kaibigan ko ba talaga ‘tong mga ‘to? Makapag-usap akala mo wala ako sa gc e, wagas kung ipagkanulo ako! Hays hobby na ata nila na pagkaisahan at ibugaw ako e. Tsk tsk! Nakapagbigay na sila ng mga komento sa screenshot habang hindi pa ako naka-online. Napagkasunduan lang nila na 'wag muna magchat sa gc para daw mabasa ko 'yung screenshot at hindi daw matabunan. Tsaka sinend ulit ni Mae tapos wala munang ibang nagchat kaya ‘yun bumungad sa akin pagkaopen ko.

May nalalaman pang pag-online ko tsaka na ituloy 'yung pag-uusap e, sigurado namang uulitin lang nila 'yung mga sinabi nila kanina at may marerephrase lang ng kaunti kasi mga sirang plaka 'tong mga 'to e, lalo na si Mae! Nako!

Napagdesisyunan kong iseen nalang ‘yun at magfacebook na lang muna. Hays parang kanina lang gulong-gulo ako sa nararamdaman ko tapos biglang ganyan! Ano ba naman! WAAAHHH!! Fvck that! Maya- maya lumabas 'yung chathead ng gc at nagchat na si Mae.

Mae: Oh naseen na
pala ni Rapunzel eh!
Ayieeeeee

Lesly: You cannot
reply to this
conversation

With that sinarado ko muna 'yung gc at mi-nute 'yung conversation. Kailangan ko muna ng katahimikan! Mygad! At sa panahon ngayon walang maitutulong 'yung opinion nila. Huhuhuhu.

Aaminin ko na tila ba may nararamdaman akong magkahalong tuwa at kilig sa tuwing nagsesend ng screenshot ng conversation si Mae galling kay Kai. May kakaibang ngiti na namumutawi sa aking mga labi na hindi ko namamalayang sumisilay sa tuwing naalala ko ang mga iyon at minsan pa'y tila ba hindi makuntento at muling binubuklat ang litrato ng pag-uusap nila bagamat alam kong kabisado ko na ito. Hays! Ano ba 'yan, mygad! Nagiging makata na tuloy ako! Basta ‘yun! Hindi naman na ako gaanong ka-indenial sa sarili ko na maski .yun idedeny ko pa. Im trying to figure things out!

Alam mo 'yun?  Ramdam mo kasi 'yung genuineness nung tao sa intention n’ya sa akin at walang halong panggagamit o rebound na katulad ng nauna kong naisip. Isa s’yang larawan ng marangal na taong hinilom mag-isa ang pusong sugatan at handing magmahal ulit. Ramdam na ramdam ko ‘yun sa mga pag-uusap nila at alam mong hindi scripted. Baka nga hindi na makalabas ng bahay 'yun sa sobrang kahihiyan kapag nalaman n'yang sinesend ni Kai ‘yung screenshot ng pag-uusap nila at nakakarating sa sakin. Hahahaha.