Unicode
'ညီ.. ဘာတွေ တွေးနေတာလဲ´
'ဟမ်...နားလည်တယ်..´´
သူအတွေးတွေ လွတ်နေတုန်း ကိုလင်းနေက သူ့လက်ကို လှမ်းလှုပ်လိုက်တယ်။သူလည်း
ကိုလင်းနေ စောစောက
ပြောတာလည်း မကြားလိုက်ဘူး။
'ဘာတွေးနေ တာလဲမေးတာ.´
'အော်...´
သူလည်း စောစောက စကားမှားဖြေလိုက်တာ သတိထားမိရင် ရှက်ရှက်နဲ့ ပြုံးပြလိုက်တယ်။
'ဒီလိုပါပဲ စိတ်က လွတ်လွတ်သွားတာ...
စာမေးပွဲ နီးလာပြီး ဘာမှ မရသေးတော့
စိတ်ပူပြီး တွေးနေမိတာ...´
သူလည်း ညာပြောလိုက်တယ်။တစ်ကယ်က သူအသည်းကွဲ နေတုန်းပဲ။ သုတအကြောင်းတွေးမိတိုင်း စိတ်ထဲ ငူငိုင်သွားဆဲ။
ကိုလင်းနေက သက်ပြင်းချရင်း
'စာမေးပွဲနီးလည်း စိတ်မပူနဲ့..မင်း
နားမလည်တာ ပြော... မင်း ကို ရှင်းပြမှာပေါ့ တခြား ဘာသာကဟာတွေလည်း..အကို..
မှတ်မိနေသေးတယ်..
..တင်္နလာနေ့ ဖြေမှာ
ဆိုတော့...၅ ရက်တောင် ကျန်သေးတယ်
ကျက်ဖို့ အချိန် လောက်ပါတယ်...´
သူ့ကို သေချာ ဂရုစိုက်ပေးတာကို မြင်တော့
နေမင်းလည်း စိတ်ထဲ ကျေနပ်သလို ခံစားရတယ်။
အကိုသာ သုတဖြစ်ရင်.....
သူ တွေးချင်ရာ ဆက်တွေးလို့ ကောင်းနေတယ်။ကိုလင်းနေက ဘေးက သူ့ လက်ဆွဲအိတ်ထဲကနေ အညို ရောင်သံဘူးလေး တစ်ခုထုတ်ပြီး ရှေ့ကို ချလိုက်တယ်။
'ဖွင့်ကြည့်ဦး...မင်းဖို့...´
ကိုလင်းနေ ပြုံးပြီး သူ့ဘက်ကို တိုးပေးလာတယ်။သူလည်း အညိုရောင်သံဘူးလေးကို လှပ်လိုက်
တယ်။
ချောကလက်တွေ။
တိတိကျကျ ပြောရရင်တော့ အသဲပုံ ချောကလက်လေးတွေ။
ဘေးမှာ ခေါက်ထားတဲ့ ကဒ်လေးတစ်ခုရော ပါတယ်။သူလည်း ယူဖွင့်ကြည့်လိုက်တယ်။
စာလုံးသုံးလုံးသာ ပါဝင်တယ်။
'I love u´
သူ လည်း ကြောင်သွားပြီး ကိုလင်းနေ မျက်လုံးပြူ းပြီး ကြည့်နေမိတယ်။
KAMU SEDANG MEMBACA
My Manly Brother
Romansaဘယ်အချိန်က စချစ်သွားမိမှန်း မသိတော့ဘူးလို့ သူက ပြောတယ်။ Started 25.3.2018 Ended. 23.6.2018
