للكاتبه : ذكريات العزوف
راح نحجي اليوم عن فتره المراهقه ومشاكلها ودور الام بتوعيه بناتها ركزوا بناتها لان البنات وبشكل خصوصي يحتاجن رعايه خاصة وتوعية بشكل كبير اكثر من الولد وبشكل خصوصي يحتاجن رعايه خاصة وتوعية بشكل كبير لان الولد راح يطلع بالشارع ويشوف ويسمع بس البنت راح تكون دائما بالبيت خصوصا بالعراق اقرب شخص الهة امهة لازم توعيهة بطريقه لا تخوفها ولا تخليها تطلع عن الطريق الصحيح
قصة واقعيه من ارض العراق
سلام عليكم اسمي ملاك من محافضة كربلاء عمري حاليا 18 سنه متزوجة بالعماره وعندي ولد اسمه امين عندي خوات 2 واخوان 2 اني الوسط بين خواتي الاثنين واخوتي من بعدنه ايهم وغيث صغارمن جنت يم اهلي حالتنه الماديه تعبانه بس مو كلش يعني امشين حياتنه ع كد الحال اني مواصفاتي رشيقه سمره وعيوني كبار باقي ملامحي ناعمه بس شعري كلش طويل وشويه قزمة راح اسولفلكم عن حادثه صارت ويايه من جان عمري 14 سنه اني هسة طالبه ثالث متوسط لان مكدرت انجح بسبب هواي ضروف راح تتعرفون عليهة بعدين
قبل كم سنه ساعه 8 بليل
امي: كومن نظفن ابوجن راح يجي يشوف الهوسة كومن بسرعه
مرام: اي يمه راح انكوم لا طبه لا طلعه بس بالبيت وشغل
امي: انجبي وكومي وكعدي ملاك وياج
مرام: اسمي مرام عمري بوقت الحادثه 15 سنه اني وملاك نفس الصف لان رسبت وما احب الدراسه اتوسل بيهم بطلوني ميقبلون باجر اني كلش سمره بس ملامح وجهي حلوه يشبهوني بالهنود لان رشيقه وعيون وساع بس حواجبي مخربات كلشي بوجهي
مرام: ملاك كومي ولج بسرعه بسرعه
ملاك: شكو ولج شصار
مرام: ابويه راح يجي وشوفي حال البيت وباجر ورانة مدرسه اول يوم ميصير نتاخر وصرنه اول متوسط مو زغار حتى نترزل
ملاك: ملاك كمنه خلصنه شغل طبعا من تندك الباب انذار شكو بالكاع ينشال حتى ولو هذا مكانه من الخوف والرهبه المسويتهة امي من بابا بس حقها لان بابا كلش عصبي ونحس خلصنه شغل بقت الطارمه طلعت مرام تسويهة روحهة بطلعت الشارع حتى لو تغسل الباب اهم شي تطلع
مرام: طلعت غسلت الباب اكو بيت مبني جديد كبالنه واكو عمال يغلفون البيت سيراميك واحد منهم واكف يباوعلي من الشباك بس كشخه وكمر كلش حلو غمزلي اني ضحكت وطبيت وراهة دز اخويه ع معجون امي حطت بالماعون اني ما عولت ركضت للثلاجه حمره امي دائما هناك حطيت شويه وكتلهة اني اودي رغم بعدني زغيره بس جسمي جسم مره
امير: اسمي امير عمري 22 سنه ابيض ولون عيوني خضر جسمي معضل لان اشتغل خلفه سيراميك طولي 187 كضيت حياتي شرب وعربده ومكسرات ميهمني شي اجاني شغل بكربلاء انغميت ما اعرف احد هناك وين اشرب وين اروح تالي الليل من رحت شفت بنيه صح زركه بس بيهة مجال تتمضحك هواي جانت تغسل الباب غمزتلهة تضحك كبر ما عولت الدبسه طبت بسرعه تضحك
مرام: حطيت حمره واخذت الماعون وطلعت دكيت الباب طلع اني بس اضحك خطيت اول خطوه وكع الماعون
امير: الله الله خو مصارلج شي وعود اكومهة حضنت خصرهة
مرام: من حضني صار وجهي احمر طماطة من الخجل هسة اروح اجيبلك غيره
امير: ما اريد اني بس ردت اشوفج
مرام: هااا خليت وفلتت رجعت بس اتصفن تلكتني ملاك سولفتلهة
ملاك: شبيج تخبلتي مو عيب هيج اتسوين شلون تخلي يلزمج
مرام: يوووو هو جان ديساعدني ميدري ونسد الموضوع وانسه ثاني يوم رحنه للدوام ونسينه السالفه ع الشفنا هناك
ملاك: ثاني يوم بدينه المدرسه اول يوم وهوسه بس اشوف اشياء هواي غريبه علينا البنات حاطات مكياج ولابسات حصر ولا تكول جايات للمدرسه
مرام: شوفي ذني البنات خو مو احنه جبار ابو المولده احلى مني ومنج
ملاك: واحنه شكو بيهن احنه جايات ندرس
مرام: كبر لفج شكد ممله اروح ادور صديقات لان لو ابقه وياج يومين والبس عمامه
ملاك: طبعا صدمتي اكبر من صدمت مرام بس مبينت كبالهة البس حصر ومكياج واضافر اشياء يمكن بحياتنه مشايفيهن احنه بنطرون ابويه ميقبل ونخاف نلبس مو نوب هيج
مرام: رحت تعرفت ع هواي بنات وصادقت وحده اسمهة انوار كلش حبيتها واي وحده اتعرف عليها تسالني عندج حبيب واسمعهن شلون يحجن كل وحده ع حبيبهة اتحسر واباوع ع ملاك الثوله كاعده وحدهة مثل البومه
ملاك: رجعنه للبيت واشوف هذا العامل الحجت عليه مرام ماد راسه من الشباك اني هنا صرت اعصاب هذا شعده هنا والله لو ابويه يشوفه يكص راسنا
مرام: شفت الولد نفسه ماد راسه من شباكة ويباوعلي ويضحك اخر شي غمزلي وراح يمه كلبي طار يمه فديته شكد حلو ابو عيون خضره ويغمز لو يصير من نصيبي اذبح روح لوجه الله يمكن من الفرحة انكطعت الاحلام الورديه بصوت ملاك المزعج
ملاك: مرام عيونج وين والله اكول لابويه يبطلج شكد خفيفه حطي بجيبج حصوايه احسنلج
مرام: عود انتي اختي الزغيره وهيج تحاسبيني كبر خلي اشوفج من تحبين شلون الا اسكمج
ملاك: لج يا حب وينه وين الحب امج لو تسمعج تكعدج بالبيت كولي عود بوقته ملاك كالت
مرام : دمشي خلي انطب قبل ميطلع ابويه طبينه اكلنا قبل منذب ملابسنا لان متنه من الجوع وشايلين هواي كتب استلمناهن كلهن
الام؛شلونهة المدرسه
ملاك ورفل:زينه الحمد لله
الام: يلا كومن اشتغلن بسرعه
مرام: صارت حسره تحجي ويانه عن موضوع غير الشغل حياتهة بس شغل
ملاك: دكومي وكافي تدرمين
امير: اليوم ويه حلت البنات وكفت اباوع من الشباك متعمد شفتهة تباوع وتضحك بس اختهة صيحت عليهة لو اضل هيج كلشي ما احصل باوعت لبيتهم صفنت عدهم مبرده وبعدين وستاره وبلكونه يعني لو اصعد على المبرده وبعدين على الستاره واطفر للبلكونه اكدر اطب لبيتهم بس لازم اخذ موعد ويه الزركه
مرام: ثاني يوم طلعنه بس اتعمدت اطلع قبل اختي بلكي اشوف الحلو الي معرفت اسمه طلعت شفته طلع من بيتهم وديجي باتجاهي عزه هذا جاي عليه ردت اشرد لزم ايدي باوعتله رفعهة باسهة
امير: ساعه 3 بليل اطلعي للبلكون
مرام: ردت اموت من الخوف من ملاك ومن كلشي بطني وجعتني هو خلص حجيه وراح يمه الخبل موتني بعيونه بس لحد هسةة معرفت اسمه
ملاك: هاي شبيج صافنه الصفنه مو الج لابو اذانات تعرفي منو
مرام : اي كرابيج اعرفه هواي شبه بينكم
رسمالغلاف : احمد صائب
صاحب الصوره : علي ال امير https://www.instagram.com/aloosh_al_ameer/
الصوره متمثل امير انما حيدر بطل قصتنا
تابعوا قصه حافةه النسيان كاتبه جديده
