حيدر: ضجت كلش رحت لميت هدومي سديت البيت ورجعنا الطريق كله افكر اريد اسوق مثل الاوادم ما اكدر تالي ايمن هو اخذ مكاني لحد ما رجعنا
ملاك: جنت نايمه حسيت اكو حركة بالغرفه فزيت لكيت حيدر شوكت وصلت
حيدر: قبل نص ساعه رجعي نامي اني طالع
ملاك: متريد تتريك
حيدر: انتي مو زعلانه
ملاك: بس هذا واجبي
حيدر: كيفيج بعدج تحلمين احلام مو حلوة
ملاك: اي هواي بس من اسمع قران ارتاح من جنت يم اهلي ما احلم
حيدر: لا تفكرين بيهن وحبابة بدلي هالتراك خاف يجي احد
ملاك؛ حيدر بيك شي اشو حبابه وتحجي على كيف شكو
حيدر: تعبان كلش ما بيه احجي
ملاك: لا تطلع تعال نام خل افركلك جسمك
حيدر: صح العرض مغري بس عندي شغل لهامتي وبعدين احنه صارلنه شكد متعاركين ما تصالحنه نرجع نحجي هيج بدون صلح احس الايام الكضيتيهة بيت اهلج راحن هيج
ملاك: تعبت من الحجي وانت تمشي اليعجبك شسوي
حيدر: حضري روحج والبنات عمي اتصل عزمنه على غدة
ملاك: منو بيهم
حيدر: ابو ايناس نزعت الفانيلا شهكت
ملاك: شبي ضهرك
حيدر: ما بي شي
ملاك: شلون مبي شي هذا الاثر شنو
حيدر: حادث
ملاك: يأذيك
حيدر: لا بس اذا حارة كلش ينغزني
ملاك: رحت تلمست مكان الجرح من ركبته نازل على ضهرة همست حادث شنو
حيدر: خدرت من حطت ايدهة على ضهري جسمي نمل وارتاحيت درت وجهي عليهة
ملاك: نزلت سويتله ريوك كاعد بس يتصفن اول مرة اشوفه هيج كلما احجي وياه ينز من الصفنه
حيدر؛ ما اذكر بحياتي اذيت احد حتى اليخطاء بحقي ما اذي صح قرراتي صارمة بس مجبور شلون افرض سيطرتي على الشغل وع العشيرة بس رغم هذا ما يوم اذيتلي واحد حتى مرتي الخانتني واصعب شغله على الرجال الخيانه طلكتهة وما اذيتهة منو ممكن يأذيني وليش
ملاك: حيدر شبيك اليوم
حيدر: ملاك انت تكرهيني
ملاك: ليش اكرهك
حيدر: وليش متكرهيني واني ما عيشتج يوم حلو وشغل البيت عليج والبنات واني اكبر منج بهواي مو اني التتمني
ملاك: ليش هيج تحجي البنات مثل بناتي ما فديوم اذوني وشغل البيت ميموت وبكل مكان اكو شغل وشغله اكبر مني اي انت اكبر مني بهواي وافكارنا مختلفه بس اني احب الي بعمرك مو المهم شاب وميتحمل المسؤليه
حيدر: معقوله ملاك هي سوت السحر لان متحبني ومتريد تضل ويايه اكيد هي منو غيرها
حيدر: حضري روحج الجمعه اخذج لاهلج
ملاك: ليش
حيدر: مو ترديهم وانتي جايه لخاطر ابوج وصحته ومكدرتي تعانديني هسة ابوج صار زين وابن عمج راح يسافر باجر تكدرين ترجعين
ملاك؛ الله كريم ( هذا شبي بس لا حب وحدة ثانيه ومن هاي كلسا صافن معقوله يريد يتزوج )
حيدر: عاشت ايدج يلا طالع تردين شي
ملاك: سلامتك من طلع الضهر افكر معقوله حب وحدة غيري زين منو يكول هو يحبني اصلا ولا مرة كلي احبج
حيدر: طلعت وبالي يمهة خاف يصير بيهة شي لازم انسه حجي هذا السيد اني شيخ واعي ومثقف شخليت للبقيه رجعت للبيت لكيت ملاك عيونهة حمر مببن باجيه هواي مبدله للبنات امي هم متحضره بس راحت ويه ابويه واخذت البنات
ملاك: يلا تاخرنه
حيدر: انتضري اصعد اغير هدومي واجي صعدت سبحت بسرعه وبدلت وطلعنه بالطريق شغلت الراديو طلعت اغنيه الركن البعيد اغنيه هادئة كلش اني اسمع ملاك كام تبجي هاي شكو نصيت الصوت احجي وياهة بس تشهك
ملاك: ماكو شي رجعني للبيت ما اريد اروح
حيدر؛ مسويه شي غلط
ملاك: لا
حيدر: خايفه من شي احد سمعج حجاية
ملاك: لا
حيدر: لعد شبيج
ملاك: ماكو شي اريد ارجع
حيدر: شنو طفله مو اسالج جاوبي شبيج
ملاك: ماكو شي روح خاف منتضرتك بركن بزاويه عوفني وروحلها مو تريد ترجعني لاهلي من هسة وديني ما اريد ابقه يمك
حيدر: منيه منتضرتني يا ركن وج شبيج تخبلتي حرام اسمع اغنيه جنت مراهق ميصير وانت راح تصير شيخ وشفت نجوم الضهر هسة بسيارتي ويه مرتي هم ميصير الى متى لازم ارضي الكل بكل تصرف اتصرفه وبعدين توج تذكرتي تغارين صارلج شكد يم اهلج ما فكرتي ممكن اتزوج اصخم لو هي مزاجيات
ملاك: اي اني بعيدة شتريد تسوي سوي مو كبال عيني
حيدر: شو رفعي عينج ليش حاطة كحله
ملاك: اني وين وانت وين
حيدر: طلعت كلينس هاج مسحي عيونج سمعت اغنيه هيج سويتي ويني وين ذني السوالف خل الحك عليج انطيج حقج حتى ادور غيرج
ملاك: لعد شكو تريد ترجعني لاهلي
حيدر: لان اريد اخطب ايام لايمن وكلنه راح نروح ومن كتلج ردت اشوف ردت فعلج مرتاح يمي لو لا
ملاك: ما اريد ابقه يمك
حيدر: كيفج
ملاك: شفت انت متريدني
حيدر: استغفر الله ربي انت شتريدين حيرتيني
ملاك: ليش تكول بكيفج
حيدر: مو بكيفج واحرك عشيرتج لو رحتي وافجر بيتكم واكسر عضامج اذا رحتي
ملاك: احس اكو شي مو طبيعي انت جنت مو هيج ليش بس تريد ترضيني ليش اشوف بعيونك خوف
حيدر: لان احبج ما اريد ااذيج انتي متدرين شكد ضميري يأنبني لان تزوجتج وضلمتج ويايه
ملاك: اني شكيتلك اني مرتاحة بس لا تضربني ولا تتسرع بالحكم
حيدر: اني ما تسرعت طبيت لكيت ايناس كالتلي ملاك كالت غسلي الماعين اني صاعدة اغسل طلعت من المطبخ لكيت ايمن نازل صعدتلج لكيتج مصلخة شتريدين انتضر اشوفج بعيني بعد
ملاك: اني ما كلت لايناس اريد اغسل هي كالت زينب مصخنه كلش رحت اغسل وجهة بس انت لو عندك ثقه بيه جان ما شكيت
حيدر: سمعت اغنيه صارلج ساعه تبجين وهسة الناس كتلهة الجوع منورة هالاغنيه وتحجين بالثقه
ملاك؛ ابتسمت هواي متغير انشاء الله تبقه هيج
حيدر: لزمت ايدهة لا تفكرين هواي وصلنه لبيت عمي استغربت لان عازمنه بس احنه كل مرة يعزم عمامي او على الاقل اخوتي هالمرة بس اني وامي وابويه
ابو ايناس: عاش من شافك حيدر لا تسال لا تكول عمي شلونه
حيدر: تدري جنت بالزيارة وشغل انت ما جيت هالسنه ويانه شعجب
ابو ايناس: ايناس تمرضت ومن دكتور لدكتور ومحد عرف علتهة شنو واليوم كالت اريد حيدر ومرته مندري ليش
حيدر: انشاء الله خير
ملاك: طبيت لغرفه ايناس وجهة اصفر كلش ملامحهة متغيرة
ايناس: شلونج ملاك
ملاك : زينه الحمد لله انتي شصاير بيج ليش هيج صفرة وبالكوة تحجين
ايناس: اريد حيدر يجي واحجي
حيدر: طبيت ضليت صافن على حالت ايناس مو طبيعيه سلامات شبيج انوس
ايناس: حيدر اني اريد ابري ذمتي واتمنى تسامحوني انت وملاك
حيدر: اجه أبالي كلام السيد زين ليش اني بحياتي ما اذيتج ليش وشلون طببتي للغرفه وملاك وامي بالبيت ما حسوا
ايناس: ملاك شافتني بس سكتت لان متدري شسويت
حيدر: ليش بشنو اذيتج اني لو ملاك
ايناس: لان احبك وانت متحبني اول مرة تزوجت جنت زغيره ما انقهرت كلش كلت يجوز يشوفني زغيره بس من طلكت صار عندي امل حتى من كالوا تزوج ما انقهرت بس من شفتهة ازغر مني انقهرت ليش شبيه اني ومن كالوا عشگهة وجابهة تخبلت
ملاك:على شنو تحجون شنو ملاك شافتني شنو متدري
حيدر: زين كلشي فهمت بس شغله وحدة ليش كلتي ملاك صعدت تغسل وانت كلتي لملاك وايمن زينب مصخنه وراح تموت حتى تخليني اشك لو ايمن هم اذاج
ايناس: ردتك تشك وطلكهة بس والله مجنت اريد تضربهة لو تاذيهة
ملاك: اني اصفن بالوجوه واهل ايناس هم محسينا غير حيدر جفت على ايناس جر شعرهة جريت حيدر شبيك بس فهمني على شنو تحجون
ابو ايناس: حيدر انت ابيتي شلون تمد ايدك عليهة واني موجود
حيدر: خلي بنتك تسولفلك شسوت وانت احكم
ملاك: ايناس بدت تحجي اني صافنه معقوله اكو هيج بشر ياذي اليحبه لان يغار
حيدر: سمعت عمي
ابو ايناس: اني كبالك راح احجي ايناس بعد لا بنتي ولا اعرفهة وشتريد تسوي بيهة سوي
حيدر: الله بالمرصاد عادل بحكمه
ذكريات العزوف
بيج جديد اكتب بي قصصي والقصص الاحبهة البارحة سويته تابعوا 😘😘
