ملاك: گعدت واصلين للعمارة يووو شگد نمت وصلنه تقريبا الفجر البيت هوسة كلهم مجتمعين وام حيدر لابسه ملون واخواته هم ويضحكون تگول عرس
حيدر: من رجعت اتفقت ويه اهلي ميگولون لملاك اني عايش اريد افاجئهة
ام حيدر: تعاي ملاك
ملاك: شلونچ يمة اشتاقيتلكم
ام حيدر: اني هم وعندي طلب الچ وياريت مترديني
ملاك: عيوني الچ يمه
ام حيدر: كافي نزعي الاسود هو لو باللون اضل طول عمري لابسته لو يردهم. الحزن بالگلب ييمه
ملاك: يمه اني اريد ابقه بي ما اريد انزعه ضليت ابچي
ام حيدر: لا تبچين كافي لعد روحي للصالون عدلي حواجبچ حفي شواربچ بعدچ زغيرة
ملاك: هي حچت هيچ اجتني الضحكة لان قبل ما اطلع من بيت اهلي باوعت لروحي بالمراية شواربي شويه اخف من شوارب حسن حمايه
ام حيدر: ها شگلتي تره يمه هاي وصاخة مو حزن نضفي وجهچ
ملاك: ميخالف بس ما انزع الاسود
حيدر: واگف بالدرج اسمعهة وتزل دموعي سوده عليه شصار بيهة كل هاي المدة اريد انزل بس لا خليها مفاجئة
ملاك: اخذتني حماتي رحنه للصالون حماتي الچبيرة متسلطة اخاف منهة ومتجادل اخاف تخجلني گبال الناس هي تحچي واني بس گاعدة جوة ايد ام الصالون تشتغل تنضيف بشرة تنضيف جسم بالشمع اني بس اتصفن حتى مكياج قبل منطلع حطتلي ام الصالون خفيف من اريد احچي تخزرني رجعنه العصر للبيت تاخرنه كلش هواي وگلبي يم الجهال
حيدر: زينب وزهراء نايمات بالغرفه جابوهن حاضهن وابچي گعدن شبگني
زينب: بابا شوكت رجعت
حيدر: اليوم رجعت وبعد ما اروح
زينب: وين ماما ملاك خل تجي تشوفك كل يوم تبچي عليك وتگولك تعال لو اخذني وياك بابا الجنه حلوة
حيدر: يا جنه
زينب: ماما ملاك گالت بابا سافر للجنه
حيدر: اي حلوة كلش وچنت يوميه اشوفچ مناك واجي ابوسچ بالليل حسن حسن
حسن: ها خوية
حيدر: الولد وين
حسن: يم امي
حيدر: هاي شنو الدم دشداشتك متروسه
حسن: مو دنذبح الذبيحة
حيدر: مو تحچون گبال ملاك وصيح مرتك تاخذ البنات يمهة
حسن: اگولك مو بعدك ما اجيت استلمتني اوامر ومتاثر بالمسلسلات وراح تطلع براسي
حيدر: خل ارجع اموت اشرفلي اذا اخويه هيچ يرزل بيه
حسن: استغر الله نوب يهدد لا تخاف تاكدت العار ميموت
حيدر: ايا عار يا سگط من شوكت هيچ تحچي
حسن: من زمان بس مو گدامك بس والله اشتاقيتلك الديوان من افوتلة وانت ماكو اختنگ والله الله يعين الفاگدلة واحد يموت من الحرگة
حيدر: ايا سگط تبچي ولك
حسن: شعندي غيرك انت ربيتني وزوجتني حتى ذيچ الشغله علمتني
حيدر: هسة تاكدت انت اخويه ما مبدليك ولي چلب جيب جهالي اريد اشوفهم وما اريد انزل كلهة تباوعلي تگول ابن نفاس
حسن: رحت جبت الولد هاك هذا حيدر ابو حواجب جوزيه وهذا علاوي ابو حواجب سود بس من هيچ نفرق بينهم
حيدر: شلتهم يمه شلون حلوين ريحت الجهال صار شگد فاگدهة ترافة جسمهم وصوتهم من يبچون يمشون مو
حسن: يي بس هسة مطهرين نخاف عليهم هاي ملاك قبل متروح دارت قوطية فنستيل بحلگهم وراحت تخاف يگعدون وينلچمون
حيدر: هو اني تعجبت راحت وما حچت
حسن: غير اختك ام شداد كلما تريد تحچي تخزرهة وهاي تگول عصفور يمهة بس مدنگة
