حيدر: اخذت ملاك وبناتي وطلعت ابويه ضل يم عمي امي رادت تطلع ويايه ابويه ما قبل تطلع حتى ميزعل عمي ومرته
ملاك: من رجعني حيدر من بيت اهلي قررت انسه كلشي بس من حجت ايناس اتذكرت شلون ضربني وكص شعري ومن سحلني من الدرج رجعلي احساس الكره والحقد اريد اعوف حيدر لو مو زينب بحضني افتح باب السياره واشمر روحي واخلص
حيدر: ليش هالبنيه دائما اضلمهة من سمعتهة تحجي ويه اختها كرهتها بدون ما اعرف شنو المشكله ايناس خلتني اشك بيهة ليش ما عندي ثقه بيهة وهي اكثر وحدة تستحق الثقه على الاقل لسه ما اذتني ولا خانتني
ملاك: طلكني
حيدر: قرار نهائي
ملاك: اي
حيدر: تدللين بس خل اخطب اختج لايمن تره يحبها كلش واختج هم تريدة ليش نصير عقبه بطريقهم خل يتزوجون وادللي الحاضر والغايب يمج قبل الطلاك بيومين
ملاك: ما اريد شي منك بس عوفني بحال سبيلي
حيدر: حقج هذا انطيچياه وشتردين اني حاضر
ملاك: تمنيت يكولي لو تموتين ما اعوفج لو احرك عشيرتج شكد حلوات حجاياته ولا هالسكوت حتى لو حاقده عليه بس مو هيج رد ياذي اي بنيه تحب زوجها او لا تنقهر من يبينلها ان عادي تطلع من حياته
حيدر: اوووف حضي ما دامتلي فرحة
مرام: حياتي ويه رسول صارت كلش هاديه وحلوة كل ما يجي من الشغل يكعد يمي ساعتين ويروح بيوم زهراء واذا يومي يضل يمي ميطلع حتى للكهوة مرات اكوله روح ضجت منك مكابلني وبيت اهلي كل جمعه يوديني يمهم من الصبح للعصر يجي ياخذني
حيدر: طبينه للبيت صعدت للغرفه نمت
ملاك: صعدتله اكعدة مو زين ينام بالغرفه الله يعلم شحاطة بيهة
ملاك: حيدر
حيدر: همممممم
ملاك: امشي انزل مو زين تنام هنا
حيدر: عوفيني وانزلي شويه ارتاح واطلع للشغل
ملاك: عفته نزلت غديت البنات لان ما اكلنه هناك وسويت مخلمه لحيدر نزل ما قبل ياكل طلع بسرعه
حيدر: لازم ابتعد عنهة الله يسعدها اني اذيتها هواي
ملاك: اني كلت الخميس نروح بس اني وحيدر وايمن نخطب ايام من اهلي بس تفاجئت اربع كوسترات بالباب واليطبون كلهم اكباريه اتصلت على اهلي من موبايل حيدر انطيتهم خبر حيدر اصلا ميحط عينه بعيني تعبت وياه كلش
حيدر: ساعه اكول اخليها تشوف مستقبلها ومن افكر غيري يلمسهة اموت ما اريد احد يطخها مو يتزوجها
ايمن: حيدر شيطلب ابوها وافق مو متقبل
حيدر: حقه يطلب عنده غزلان مو بنات
ملاك: يحجي ويباوعلي واخيرا طلعت منه حجايه حلوه هذا الحجي بالباب نص ساعه ونطلع لكربلاء علما ينجمعون كلهم ما عولت حجه هيج كتله تعال نزل الجنطة ثكيله
حيدر: هي كالت نزل الجنطة جمدت بس لا ناويه تبقه يم اهلهة
ملاك: صعدت قبله لبست شورت قصير وكيمون اسود وحطيت حمره احمر ناري وخربطت شعري هو يحجي بالموبايل ويصعد وصل يم الباب طلعت الجنطة يمكن زينب تكدر تشيلها وكع سويج السيارة وصفن
حيدر: صعدت بكل ثقه اني شفتهة ماعت روحي
ملاك: حباب نزلها ومن تنزل كول لزينب لا توسخ ملابسهة
حيدر:هاااا ا-ي بس ليش حاطة حمرة مو دنطلع يضل اثر احجي بهمس دايخ من المنضر ولا مرة لابسه هيج كبالي
ملاك: ضحكت اكو كلينس مرطب امسحها تروح
حيدر: اي بس شدعوه هالكد حلوة
ملاك: متت ضحك عليه شيخ منتضريك جوة
حيدر: اي والفوك احلى من الجوة اباوع لصدرها واحجي
ملاك: همممم لعد تبقه فوك
حيدر: نزلت عيني على زرورها لا هم انزل جوه
ملاك: صار فلم بس يبلع ريك وعركه يصب يلا راح انزل جوه
حيدر: احترك ابوج مو قبل جم يوم كلتي طلكني مو ابويه حركتي شو تعاي اليوم اكلج اكل
ملاك: هاي شبيك الناس منتضرتك جوه
حيدر: جان حسبتي حسابهم قبل هاللبس مو موتيني
ملاك: سحبت زنده وحضنته احس جسمه يطلع حراره
ايمن: وينك حيدر
حيدر: انعل ابو حيدر اشتعلت عشيرتكم شلع قلع
راح انزل اشوفة شيريد واصعد احرك ابوج لو تحركتي نزلت
ايمن: حيدر يلا كلهم اجو خلي نروح
حيدر: لا نص ساعه ونطلع امشي روح ضيف الناس
ايمن: شدعوة هالكد وجهك يصب عرك جو البيت حلو
حيدر: مو صعدت ونزلت
ايمن: هااا يلا استعجل
حيدر: صعدت للغرفه
ملاك: من نزل لبست جبتي والشال
حيدر: ليش بدلتي مو كتلج لا تتحركين
ملاك: ما اريد ابقه هنا اريد اطلع بكلبي الا اموتك اكولك طلكني ما عولت
حيدر: كيفج كلش ضجت منهة لعبه بيدها اني ساعه تريد ساعه متريد لو تنصب ذهب ما اگربلها بعد
ملاك: طلعنه من البيت اني والبنات بسياره حيدر وامه وام ايمن بسيارة الحسن والبقيه بالكوستر وصلنه بس متنه من التعب وحيدر كالب خلقته ميباوع بوجهي
حيدر: وصلنه لكربلاء رحت حجزت فندق قريب ع الحسينيه لان ما احب افتحهة بس لخدمة الحسين واخاف تتوصخ لو تتنكس شكد يحجون عليه بس ما اكدر اغير هذا الشي لو بيتي هلا بيهم بس مو الحسينيه حجزت فندق حتى لامي وابويه ملاك والبنات بيت اهلهة واني هم بالفندق
ابو ملاك: انت ابني وين صايره تنام بفندق
حيدر: لا عمي اخذوا راحتكم ميصير اعوف الجماعه وحدهم
ابو ملاك: معدل وابن اصول الله يحفظك لاهلك
حيدر: مشكور عمي طلعت رحت للفندق كضيت اول يوم هناك
مرام: رسول جان مسافر شغل هو وزهراء اجه عمي من الشغل بيدة علاكة انطانياهة فتحتها بيهة موبايل كلي رسول كال اشتريلها فتحته بسرعه اتصلت الو
رسول: من فدوة رحت لهذا الالو شلونج راح اموت واشوف عيونج فتحي كام
مرام: لا متشوفهن اذا مشتاق تعال
رسول: غير شغل يا حبيبتي عبالج مرتاح اني هنا حسابات ولعبان نفس وزهراء بس تنگ على گلبي راوتني النبي العربي
مرام: تسكت لو اراويك غير شي
رسول: الله راويني حموت
مرام: فتحت كام وضلينه نحجي
رسول: مرام اني وثقت بيج وشكو ثقه وامل بيج لا تأذيني والله اموت
مرام: متحملت حجيه ضليت ابجي
رسول: يبووووو هم بجت ربي لو ادري محاجي
مرام: ضل يشاقيني ضحكت صدوووك رسول
رسول: ها اكيد اكو طلب مستعصي استخدمتي هاي الطريقه
مرام: مشيه ايام باجر خلي عمي ياخذني لاهلي
رسول: مو اني باجر لو عگبه اجي اريد اشوفج
مرام: عود من تجي اخذني حباب ذني اشياء متنعاد من العمر
رسول: كولي لابويه ياخذج
مرام: احبك
رسول: اموت عليج
مرام: ثاني يوم اخذني عمي شفت اهلي وملاك كاعدة كالبه الجهرة وكلسا صايحة بوحدة وحاطة بنات حيدر بحضنهة وكاعده
مرام: شبيج ملاك حتى ايام ضاجت طلعتيهة من خشمهة كامت تبجي امي شافتهة طلعت بنات عمي وكعدت تحجي وياهة
ملاك: حسيت خسرت حيدر بتصرفي كلش ضجت انوب بنات عمي كلسا طابه وحدة تكول اكو صاك بينهم وياشرن عليه كمت كلسا اعيط بيهن ايام خطيه ضاجت صارت بس عياط اجت مرام سالتني شبيج ضليت ابجي سولفتلهم على ايناس وكتلهم زعلته قبل ما اجي وبعد ميريدني
الام: هو لو يحبج ميعوفج اشو انتي بعدج زغير ميت الف واحد يتمناج ولو رجعتوا لو تبدلون غرفتكم لو جيبوا بطله لكل الغراض حتى متأذيكم
ملاك: يمه كلما اذكر الضرب الضربنياه تكش نفسي منه واكرهة
الام: ماكو هيج حجي انتي كص شعرج وعلى حجيج هي ايناس السبب اني ابوج جواني لان لاسنته
ملاك: وشلون تقبلتي
الام: لان احبه وهو يركض ليل نهار علمود يعيشنه عيشه حلوه مرة من المرات جان يشتغل و مينطوا راتب اكوله بطل يكول اشتغل وفلوسي يمهم احسن من كعدة البيت جنت حامل بأيام وانت ومرام عندي جان عندة الف بجيبه طلع جاب خبز بنص دينار وبيض بالنص الثاني خطيه گلة البيض و انطانياه جنت تعبانه كتله تعال اكل كلي تغديت يم اخويه اني هم اكلت اني وياجن العصر اجت مرت اخو كالتلي صار هواي مشايفيج لا انتي ولا ابو مرام اني ضلت ابالي زين الي يتحمل الجوع لخاطري ما اتحمل عصبيته يمه الرجال من عصبي كلشي يسوي تحملي يا امي
ملاك: ضليت ابجي بعدين بدلت هدومي اجوي الزلم واتفقوا وعقدوا نفس اليوم لان الطريق بعيد ومترهم يرحون ويجون ثاني يوم حفله المهر لبست ثوب ذهبي وعدسات وسشورت طلعت غير وحدة ومرام نفس الشي للعصر صارت حفله كلش حلوه طب حيدر ضل بس يباوع بس ما حجة ويايه من خلصت الحفله طب حيدر
حيدر: راح اروح اودي امي والاهل للفندق ابقي يومين هنا علما اشتري غرفه لان ما اريد نبقة بغرفتنة
ملاك: كيفك
حيدر؛ لا طلعين هيج حطي شي على چتفج
ملاك: اوك بس الدوام شلون فاتتني هواي دروس
حيدر: نقلتج للعمارة واخذتلج اجازة والدروس الفاتتچ تجي مدرسه للبيت تفهمچياهن
ملاك: رحمه الله والديك
حيدر: اوووف شطالعه
مرام: اتصل رسول كام چنت حاطة مكياج ومبدله تقريبا ساعه 9 بالليل
رسول: اشتعلت العشيرة لج شمسويه
مرام: هاااا شبيك كلشي ممسويه والله
رسول: اني وصلت لبغداد ليش مرجعتي ويه اهلي
مرام: ما ادري رجعت واهلك هيانهم يمنه
رسول: اني اوصل زهراء لبيت اهلهة واروح للبيت يعني ابقه وحدي
مرام: باجر من الصبح تعال اخذني
رسول: الله كريم وصلت زهراء ورحت للبيت صارت ساعه 2 واني منايم اخذت سويچ السياره وطلعت لبيت عمي دكيت الباب طلعتي مرام
مرام:كاعدين ويه ايام اني وملاك نحجي وياهة وننصحهة وهي تريد تبجي من المستحة اندكت الباب صحت منو
رسول: اني رسول فتحي
مرام: فتحت الباب
رسول: لبسي بسرعه وتعاي علما احرك السيارة انتي مخلصه
مرام؛ هاي شبيك ساعه 3
رسول: ما اكدر انام اشتاقيتلج والمنضر لبسچ ومكياجچ خبلني يلا بسرعه شبيج
مرام: لبست وطلعت كلت لملاك تنطي خبر لعمتي اني طلعت
ملاك: ساعه ٥ الصبح ضلينه كاعدين سوالف ولمه حلوة اجه اخويه كال حيدر بالباب يريد تربه لان بيته جديد ما بي
ملاك: كتله گوله ما عدنه ترب الحسينيه متروسه روحلها. / ما اندل البيت الجديد وما اريد اطلع گبال اخويه يفضحني خل يروح للحسينه حتى اروح اشوفه تعبت من لعبه الفار والبزون اشتاقيتله
حيدر: كعدت مكسر البيت مابي ولا مخدة ردت اصلي ماكو ترب شفت اخو ملاك يلعب كتله جيبلي تربه طب سمعت حجي ملاك طلع اخوهة گتله گوللهة لا تطلب الحاجات الا من اهلهة
ملاك: سمعته ضحكت اني اعلمك رحت طلعت نفس الكيمونه لبست عبايه واخذت الحمرة ويايه خاف احد يشوفني حاطه عود احط هناك
رحت لكيت الباب مردوده طبيت
بعد بارت تخلص القصه .😍😍😍
