ملاك: طبيت وسديت الباب نزعت العباية رتبت شعري حطيت حمرة هو جان ديصلي خلص شافني دار وجهة كعد يسبح وراهة لزم الموبايل يكلب وراهة رفع راسه خزرني
حيدر: هاي انتي هيج حلكج وطلعتي
ملاك: لا من اجيت حطيت
حيدر: يلا اريد اقفل تبقين وحدج
ملاك: لا انت تبقه ويايه
حيدر: استغفر الله يابه منو كلج اني لعبه عندج شوكت مترديني
ملاك: والله مو هيج
حيدر: لعد شنو
ملاك:.........
حيدر: ها حتضلين ساكته امشي دنروح
ملاك: تقدمت عليه حضنته والله ااا
حيدر: والله شنو
ملاك: ضليت ساكته
حيدر: هسة غير تحجي وتريح گلبي
ملاك: امشي دنروح
حيدر: ضليت حاضنهة هي ناعمه واني ضخم مثل العصفورة بحضني وشعرهة القصير يجنن عليهة تره اني هم ااا
ملاك: ضربته على چتفه اسفه
حيدر: مممممم ما احب تتأسفين
ملاك: حضنته دفعني ع المندر صار فوگايه دفوا جسمه وثگله نمل جسمي احس تعبت ونعست
حيدر: اوووف اول مرة هيج تذبل عيونج وتتجاوبين ويايه شبيج شمتغير بيج
ملاك: جنت اخاف
حيدر: وهسة
ملاك: رفعت رأسي يم اذنه اررريدك
حيدر: لعد يلا نروح
ملاك: وين
حيدر: لبيتنه بالحسينيه حرام
ملاك: بس احنه متزوجين مدنسوي شي حرام.
حيدر: لج مكان اله حرمته كومي
ملاك: وصلنه يم الباب
حيدر: تعالي اشو امسح حلكج خاف احد بالشارع
ملاك :طلعت وياه طببني بالبيت الي بصف بيتنه البيت حلو اثاثه يجنن بس بي نواقص قليله
حيدر: تعاي نشوف غرفتنه
ملاك: رحت وياه غرفه كلش جبيرة وحلوة ضخمه وبيضه بيهة سيت نوم احمر هذا شنو منو جان هنا
حيدر: شبيچ مخبله عجبني واشتريته الج شوفي بعده جديد
ملاك: مممممم
حيدر: لبسي
ملاك: ما اريد استحي البس هيج شي
حيدر: عوفي خيولي باليوم اليعجبج لبسي
ملاك؛ عشنه احلى يوم كأنوا غيروا حيدر وحتى اني احس اتغير بية شي. چنت ما اطيقه وهسة ما اريد يرفع ايدة عني
حيدر: تعالت أصواتنا لو اكو احد بالبيت ننفضح
شو هناك ميطلع صوتچ شنو التغير
ملاك: هنا ماكو احد هناك عمتي وعمي استحي
حيدر: طلعت اخوتي كل واحد بيت حتى ارتاح طلعوا همه مرتاحين
ملاك: نعست حروح
حيدر: اني هم راح اطلع للفندق اشوفهم حضري روحج انتي والبنات نص ساعه اجي اخذكم
ملاك: مو كتلي ابقي يم اهلج علمود الغرفة
حيدر: خليها على الله ما شبعت من العسل
ملاك: رجعت للبيت لميت غراضنا اجه حيدر علينه
حيدر: روحي بسيارة حسن
ملاك: ليش
حيدر: السيارة دتخربط ما اعرف شبيهة اذا شفت فيتر بالطريق اخلي يشوفها اذا انتي ويايه ما اگدر
ملاك: صعدت ويه حسن نص الطريق اشر لحيدر
شكو حيدر كله ماكو شي وراهة مرينه من طريق صحراء مابي احد بس لوريات النقل طلعت سيارة من ورة حيدر ديبتعد عنهة صار بين اللوريات حسن جمد يباوعلي اني صفنت لا بيه احجي ولا اسكت بس جسمي يرجف انوب استدار ما ادري ليش المفروض يطلع مو هيج يستدار وسيارته گامت تمشي عرض ويستدير بيهة صرخت حسن خزرني گلي صوتج مشت السيارة طلعت من بين اللوريات ارتاحيت بس مشت بسرعه مو طبيعيه طلعت على رافعه انگلبت گلبتين اني هنا روحي اخذوهة مني حسن وگف السيارة نزل يركض والسيارات كلهة وكفت بس يباوعن من بعيد بهاي اللحضه ما اعرف شنو صار احس صار عندي قوة خارقه رغم الموقف صعب نزلت من السيارة رحت على سيارة حيدر الباب مفتوحة وضهرة عليه ما اعرف اذا عايش او لا والحرارة تحرگ حضنته من ضهر وسحبته بس هو ثگيل كلش شفت ايد انمدت ويايه درت وجهي حسن سحبنا وصلنا لسيارتنه خمس دقايق بس ذبينه مي على وجهة گعد وصوت انفجار خلانا نجمد درت وجهي سيارة حيدر فحمت ودتحترگ لو بيهة والله اموت اخذنا للمستشفى مابي شي بس خدوش قليله طلعنا بسيارة حسن
حسن: شبيك متگلي تسوق هيچ
حيدر: وك البريك ميشتغل ما ادري شبيهة والستيرن ميتحرك شبيج تبچين انتي
ملاك: لو صاير بيك شي لا سامح الله
حيدر: اتذكرت انتي شلون هيچ تسوين لو صاير بيچ شي
حسن: والله سبعه اگول نازكة وتتنعوص طلعت احسن من نسوانه
حيدر: يي متشوف مخبله اخوك
حسن: يمعود ملهيتك عنه چنت مخبلنه
ملاك: حيدر حط راسه على رجلي ونام لحد ما وصلنه بالليل صعدنا للغرفه اني والبنات وهو نمنه لحد ثاني يوم
مرام: من اخذني رسول للبيت ضلينه كاعدين للصبح نسولف ونضحك ومشتريلي ملابس هواي
رسول: اجه دورچ لازم نسافر
مرام: وين نروح
رسول: بأي مكان يعجبچ اختاري مكان واني اخذچ
مرام: كيفيك اني ما اعرف بذني السوالف
رسول: نروح لاذر بيجان
مرام: اوك
رسول: بس لازم تحضنيني حييييل
مرام: احضنك حييييييييل حتى لو منسافر حضنته ديبوسني لعبت نفسي
رسول: شبيچ
مرام: ما ادري انت مغير عطرك
رسول: لا ليش
مرام: ما ادري ريحة غريبه لعبت نفسي
رسول: تلعب نفسچ مني
مرام: لا والله زعل وراح نام بس شي مو بيدي لعبت نفسي يومين مرن هو ميجي يمي واني حالتي الصحيه بالنازل تلعب نفسي حتى من المي ما اكدر لا اكل ولا اشرب ونحلانه باليوم الرابع شافني الفجر يم الدرج جنت اتقيئ وگعدت على الدرجة الاولى
رسول: شبيچ ليش وجهچ اصفر هيچ
مرام: ما بيه شي يمكن استبراد
رسول: منتبهة على روحچ ذني اعراض حمل
مرام: صفنت صارلها شهر ونص ماكو
رسول: اووووف يا ربي ويجيني طفل يتلكاني على العلاليگ
مرام: هسة خلي نتأكد گبل خليته يمشي ويتلگاگ على العلاليگ
رسول: گولي انشاء الله
مرام: انشاء الله
رسول: تعاي نروح للغرفه منا ل8 اخذج نحلل
مرام: صعدت وياه وساعه 8 طلع جابلي منزلي طلع اكو حمل ول9 اخذني مستوصف تاكدنا من الحمل تلگتنا عمتي هلاهل لان اتصل رسول بشرها . وهنا بدت مشاكل زهراء لان تغار يعني مرة اشتهيت بقلاوة وجانت نهايه شهر يعني نهايه راتب عمتي وصت رسول لان جابلي سوت مشكله شكبرهة علمود البقلاوة يعني هي كارتونه اكلت4 بقت الكارتونه على الميز تگوله روح جيبلي كارتونه مو اكل من فضالتهة هو يروح يجيبلها خطيه ميقصر بس اني انقهر عليه يتعب هواي گمت لو جاب شغله اروح انطيها قبلي هي تفتح الغلاف بس حتى اخلص من حجيهة ورسول يزعل يگول اني جايبه لابني لا الج ولا الهة لا تتصرفين هيج مرات ازهك بس من اصفن اگول اني خطأت ويجوز هذا عقابي مرة تشاركني برجلي
ملاك: حياتي ويه حيدر تغيرت للاحسن ماكو مشاكل حياتنه صفت من المشاكل اذكر حچيه من گعد بعد ما رجعنه من كربلاء
حيدر: تدرين من انگلبت السيارة اول شخص خطر على. بالي انتي البنات امي واخوتي ميعوفوهن ادري بس طفلتي القزمة شلون اذا اروح معقولة تنساني هم راح تحبين احد غيري
ملاك: حطيت وجهي على وجهة تأكد بيوم يوكف گلبك گلبي يموت وياه نزلت دمعه من عيني صارت على خدة
حيدر,: وهاي شهادة يعني
ملاك: دير بالك تروح وتعوفني اموت والله كلشي خل يصير بحياتي ولا افقدك ربي لا تعيشني هيج يوم ولا تختبر صبري بهيج شي
